73261

རང་རྒྱུད་པ་ (1)

Part of speech	མིང་ཚིག
Definition	མདོ། དབུ་མ། ཚུལ་གསུམ་རང་ངོས་ནས་གྲུབ་པའི་རྟགས་ཡང་དག་ལ་བརྟེན་ནས་བདེན་དངོས་འགོག་པར་བྱེད་པའི་གྲུབ་མཐའ་བ་སྟེ། དབུ་མ་པའི་ཡ་གྱལ་ཞིག
Domain	[ཆོས་ལུགས།, ལྟ་གྲུབ།]

{{#arraymap:རང་རྒྱུད་པ་

|; |@@@ | | }}

རང་རྒྱུད་པ་ (2)

Part of speech

མིང་ཚིག

Definition

དབུ་མ་པའི་གྲུབ་མཐའ་སྨྲ་བ་གཉིས་ལས་དང་པོ་སྟེ། འདི་ཡི་ལུགས་ཀྱི་ལྟ་གྲུབ་ནི། ཡིད་ཀྱི་མུན་སེལ་ལས། དང་པོས་ཆོས་ཐམས་ཅད་བདེན་པ་གཉིས་ཀྱིས་བསྡུས་ཏེ་ལམ་དུ་བྱས་པས་སྐུ་གཉིས་རྨི་ལམ་ལྟ་བུས་ཀུན་རྫོབ་ཏུ་དོན་བྱེད་པར་འདོད་དོ། །དེའང་ཕྱི་ནང་འཁོར་འདས་ཀྱིས་བསྡུས་པའི་ཆོས་སྣ་ཚོགས་སུ་སྣང་བ་འདི་དག་ཀུན་རྫོབ་ཏུ་རང་གི་རྐྱེན་དང་རྒྱུས་བསྐྱེད་པའི་ཕྱིར་ཇི་ལྟར་སྣང་བ་བཞིན་དུ་བདེན་ལ་དེའི་ངོར་དོན་བྱེད་ཅིང་། དོན་དམ་པར་ན་གང་གི་དངོས་པོར་ཡང་གྲུབ་པ་མེད་པ་ནམ་མཁའ་ལྟ་བུ་ཡིན་ཞེས་མེད་དགག་ཡོངས་གྲུབ་ཙམ་ཞིག་བློས་འཇལ་ཞིང་། རྣམ་རྫུན་པ་ལྟར་ཕྱི་སྣང་བ་འདི་དག་སེམས་ལས་གཞན་དུ་མ་གྲུབ་ཀྱང་སྒྱུ་མ་ལྟར་སྣང་བར་འདོད་ལ། དེའང་རིག་པས་དཔྱད་ན་མ་གྲུབ་པར་འདོད་དེ། བདེན་གཉིས་ལས། ཀུན་རྫོབ་འདི་ལྟར་སྣང་བ་འདི། །རིགས་པས་བརྟགས་ནས་འགའ་མི་རྙེད། །མ་རྙེད་པ་དེ་དོན་དམ་སྟེ། །ཡེ་ནས་གནས་པའི་ཆོས་ཉིད་དོ། །ཞེས་སོ། །དེའི་ལུགས་ཀྱིས་སེམས་ཙམ་པ་ལྟར་གཟུང་འཛིན་གཉིས་མེད་ཀྱི་ཤེས་པ་དོན་དམ་དུ་ཡོད་པ་འགོག་ཅིང་། ཀུན་གཞི་དང་ཚོགས་བརྒྱད་ཀྱི་དབྱེ་བ་མི་བྱེད་པར་རྣམ་པར་ཤེས་པ་ནི་ཚོགས་དྲུག་ཏུ་འདོད་ལ། ཐོག་མ་མེད་པའི་ཆོས་ཁམས་དག་པ་སྟེ། སེམས་ཀྱི་རང་བཞིན་འོད་གསལ་བ་ཉིད་ཆོས་ཐམས་ཅད་ཀྱི་རྟེན་ནམ་འབྱུང་ཁུངས་སུ་འདོད་དེ། རྒྱུད་བླ་མ་ལས། ས་ནི་ཆུ་ལ་ཆུ་རླུང་ལ། །རླུང་ནི་མཁའ་ལ་རབ་ཏུ་གནས། །མཁའ་ནི་རླུང་དང་ཆུ་དག་དང་། །ས་ཡི་ཁམས་ལ་གནས་མ་ཡིན། །དེ་བཞིན་ཕུང་པོ་ཁམས་དབང་རྣམས། །ལས་དང་ཉོན་མོངས་དག་ལ་གནས། །ལས་དང་ཉོན་མོངས་ཚུལ་བཞིན་མིན། །ཡིད་ལ་བྱེད་ལ་རབ་ཏུ་གནས། །ཚུལ་བཞིན་མ་ཡིན་ཡིད་བྱེད་ནི། །སེམས་ཀྱི་དག་པ་ལ་རབ་གནས། །སེམས་ཀྱི་རང་བཞིན་ཆོས་རྣམས་ནི། །ཐམས་ཅད་ལ་ཡང་གནས་མ་ཡིན། །ཞེས་སོ། །དེ་ལྟར་ཆོས་ཐམས་ཅད་དོན་དམ་པའི་ངང་དུ་རང་བཞིན་གྱིས་དག་པར་གནས་ཤིང་། ཀུན་རྫོབ་ཏུ་སྣ་ཚོགས་སུ་སྣང་བ་འཁྲུལ་ངོར་སེམས་དང་དེ་ཉིད་ལས་གཞན་དུའང་བདེན་པར་གྲུབ་པ་མེད་པའི་ཚུལ་གྱིས་སྒྱུ་མའི་རྟ་གླང་ལྟར་གནས་པར་འདོད་དོ། །སྣང་དུས་འདི་ཉིད་ནའང་། སྣང་ལ་དོན་བྱེད་ནུས་པ་ཡང་དག་ཀུན་རྫོབ་དང་། མི་ནུས་པ་ལོག་པའི་ཀུན་རྫོབ་སྟེ། བདེན་གཉིས་ལས། སྣང་དུ་འདྲ་ཡང་དོན་བྱེད་དག། ནུས་པའི་ཕྱིར་དང་མི་ནུས་ཕྱིར། །ཡང་དག་ཡང་དག་མ་ཡིན་པའི། །ཀུན་རྫོབ་ཀྱི་ནི་དབྱེ་བ་བྱས། །ཞེས་སོ། །དོན་དམ་པའི་ངོ་ལ་དབྱེར་མེད་ཀྱང་། བློས་ཕྱེ་ན་གཉིས་ལས། གནས་ལུགས་ཀྱི་དོན་དམ་ནི་ཆོས་ཐམས་ཅད་གདོད་མ་ནས་དག་ཅིང་སྟོང་པ་སྟེ། ཟླ་བ་སྒྲོན་མེའི་མདོ་ལས། ཆོས་འདི་སྔ་ནས་བདག་མེད་སེམས་ཅན་མེད། །སྲོག་མེད་སྐྱེས་བུ་དང་ནི་རང་བཞིན་མེད། །ཅེས་སོ། །རྣམ་གྲངས་པའི་དོན་དམ་ནི། བློས་བརྟགས་པས་སྟོང་པ་ཉིད་དུ་ཤེས་པ་སྟེ། སྔ་མ་ལས། སྐྱེ་སོགས་བཀག་པ་དོན་དམ་དང་། །མཐུན་པའི་ཕྱིར་ཡང་འདོད་པ་ཡིན། །ཞེས་སོ། །དེ་ལྟར་ཤེས་ནས་ཀུན་རྫོབ་ཏུ་བསོད་ནམས་དང་། དོན་དམ་པ་ཡེ་ཤེས་ཀྱི་ཚོགས་གཉིས་གོམས་པས། འབྲས་བུ་སངས་རྒྱས་ཐོབ་པ་ནི། ས་སྡེ་ལས། དེ་ལྟར་བསོད་ནམས་ཡེ་ཤེས་ལ། །བརྟེན་ནས་ཐར་པ་དམ་པ་ནི། །བདག་དང་འགྲོ་བའི་དོན་དུ་འབྱུང་། །རིམ་གྱིས་ལེགས་པ་ཐམས་ཅད་འགྲུབ། །ཅེས་སོ། །ཞེས་གསུངས་སོ། །

{{#arraymap:རང་རྒྱུད་པ་

|; |@@@ | | }}