73334

རང་སྟོང་ (1)

Part of speech	མིང་ཚིག
Definition	མདོ། དབུ་མ། གང་སྟོང་པའི་གཞི་ནི་གཟུགས་ལ་སོགས་པའི་ཆོས་ཐམས་ཅད་དོ། །གང་གིས་སྟོང་པའི་དགག་བྱ་ནི། ཆོས་དེ་དང་དེ་ཉིད་དོ། །ཇི་ལྟར་སྟོང་ཚུལ་ནི། དོན་དམ་དཔྱོད་བྱེད་ཀྱི་རིགས་པས་དཔྱད་པའི་ཚེ་དེས་སྟོང་པ་ཡིན་གྱི། ཐ་སྙད་དུ་ནི་དེ་དེས་སྟོང་པ་མ་ཡིན་ཏེ། དེ་ཉིད་དེ་ཡིན་པའི་ཕྱིར་རོ། །དེས་ན་འདིར་ལྟར་བཤད་པར་བྱ་སྟེ། ཀུན་རྫོབ་ཀྱི་བདེན་པ་རྣམ་པར་འཇོག་པ་དེའི་ཚེ་ནི། ཆོས་ཐམས་ཅད་རང་སྟོང་མ་ཡིན་ཏེ། དེའི་ཚེ་རང་ཉིད་རང་ཡིན་པར་ཁས་ལེན་དགོས་པའི་ཕྱིར། དཔེར་ན་མིག་མིག་ཏུ་ཁས་ལེན་དགོས་པ་བཞིན་ནོ། །བར་དུ་བདག་བཟློག་པའི་རིགས་པ་འཆད་པ་དེའི་ཚེ་ནི། ཀུན་རྫོབ་ཀྱི་ཆོས་རྣམས་རང་སྟོང་དུ་ཁས་ལེན་དགོས་པ་ཡིན་ཏེ། དཔེར་ན་མྱུ་གུ་གཅིག་དང་དུ་མ་གང་དུ་གྲུབ་དཔྱོད་པའི་རིགས་ངོར། མྱུ་གུ་རང་གིས་སྟོང་པ་དང། རང་མ་ཡིན་པར་ཁས་ལེན་དགོས་པ་བཞིན་ནོ། །འདིར་དོན་དམ་པའི་བདེན་པ་རྣམས་རང་སྟོང་དུ་ཁས་མི་ལེན་ཏེ། འདིར་དེ་ཉིད་དེ་ཡིན་པར་ཁས་ལེན་པའི་སྐབས་ཡིན་པའི་ཕྱིར། ཐ་མར་སྤྲོས་པ་ཐམས་ཅད་བཟློག་པའི་ཚེ་ནི། དོན་དམ་པའི་བདེན་པ་ཡང་རང་སྟོང་དུ་བཞག་དགོས་ཏེ། སྐབས་དེར་དེ་དེར་ཁས་མི་ལེན་གྱི། དེ་ཀུན་རྫོབ་བདེན་པ་ཁས་ལེན་དགོས་པའི་སྐབས་ཡིན་པའི་ཕྱིར་རོ། །ཆོས་ཐམས་ཅད་རང་སྟོང་དུ་ཁས་ལེན་ན། དེ་ཉིད་དེ་ཡིན་པ་ཤེས་བྱ་ལ་མི་སྲིད་པར་ཁས་ལེན་དགོས་པས། ཀུན་རྫོབ་ཀྱི་བདེན་པ་མཐའ་དག་ལས་ཉམས་པར་འགྱུར་རོ་སྙམ་ན། དེ་ཡང་འདིར་ལྟར་མ་ཕྱེད་པའི་སྐྱོན་ཡིན་ཏེ། ཀུན་རྫོབ་ཀྱི་བདེན་པ་རྣམ་པར་འཇོག་པ་ནི། འཁྲུལ་ངོ་དང། རྣམ་ཤེས་ཀྱི་ངོར་ཡིན་ལ། རང་སྟོང་དང་དོན་དམ་པའི་བདེན་པ་ཁས་ལེན་པ་ནི། གནས་ཚུལ་ལ་སེམས་པའི་རིགས་པ་དང། ཡེ་ཤེས་ཀྱི་ངོ་བོར་འཇོག་པ་ཡིན་ལ། དེ་ལྟ་ཡིན་པ་དེའི་ཚེ། རྣམ་ཤེས་ཀྱི་ངོར་གཟུགས་གཟུགས་ཡིན་པ་དང། ཡེ་ཤེས་ཀྱི་ངོར་དེ་དེ་མ་ཡིན་པ་མི་འགལ་ལོ། །དེའི་ཕྱིར་སྣང་སྟོང་ཟུང་འཇུག་དང། བདེན་སྟོང་ཟུང་འཇུག་ཅེས་ཁས་ལེན་པ་ནི། ཇི་སྲིད་གཟུང་འཛིན་གཉིས་སྣང་གི་བག་ཆགས་དྲུང་ནས་མ་ཕྱུང་བ་དེ་སྲིད་དུ་ཡིན་ལ། དེའི་ཚེ་གཟུང་འཛིན་གཉིས་སུ་སྣང་བའི་ཆ་ནས་ཀུན་རྫོབ་ཀྱི་བདེན་པ་དང་སྣང་བ་འཇོག་ལ། གནས་ཚུལ་ལ་དེར་མི་གནས་པ་དང། ཡེ་ཤེས་ལ་དེར་མི་སྣང་བའི་ཆ་ནས་སྟོང་པ་དང་། དོན་དམ་པའི་བདེན་པ་བཞག་གོ ། ཞེས་པཎ་ཆེན་ཤཱཀ་མཆོག་གི་དབུ་མ་ལུང་རིགས་རྒྱ་མཚོ་ལས་གསུངས་སོ། །
Domain	[ཆོས་ལུགས།, ལྟ་གྲུབ།]

{{#arraymap:རང་སྟོང་

|; |@@@ | | }}

རང་སྟོང་ (2)

Part of speech

མིང་ཚིག

Definition

རང་གི་ངོ་བོས་སྟོང་པའི་ཚིག་བསྡུས་ཡིན་ལ། རང་གི་མཚན་ཉིད་ཀྱིས་གྲུབ་སྟོང་པ་ནི་རང་སྟོང་གི་དོན་ཡིན་ཏེ། རྗེ་ཙོང་ཁ་པའི་འཇུག་པའི་ཊཱིཀ་ཆེན་ལས། ཆོས་རྣམས་རང་གི་ངོ་བོས་སྟོང་ཞེས་པའི་བསམ་དོན་ཡང་དེ་ཉིད་ཡིན་གྱི། བུམ་པ་བུམ་པས་མི་སྟོང་བར་བདེན་པས་སྟོང་པ་ནི་གཞན་སྟོང་ཡིན་པས་བུམ་པ་བུམ་པས་སྟོང་པ་ནི་རང་སྟོང་ཡིན་ནོ་ཞེས་སྨྲ་བ་ནི་གཏན་ནས་མི་རིགས་ཏེ། བུམ་པ་བུམ་པས་སྟོང་ན་བུམ་པ་ལ་བུམ་པ་མེད་དགོས་ན། རང་ལ་རང་མེད་ན་གཞན་སུ་ལ་ཡང་མེད་པས་བུམ་པ་གཏན་མེད་པར་འགྱུར་རོ། །དེའི་ཚེ་དངོས་པོ་གཞན་ཐམས་ཅད་ཀྱང་དེ་དང་འདྲ་བས། དེ་ལྟར་སྨྲ་མཁན་ཡང་མེད་པར་འགྱུར་ཞིང༌། འདིས་སྟོང་པ་དང་འདིས་མི་སྟོང་ཞེས་པའི་རྣམ་གཞག་གང་ཡང་མི་སྲིད་པར་འགྱུར་རོ། །དེ་འདྲ་བའི་སྟོང་པ་དེ་ཁ་ཅིག་ཡང་དག་ཏུ་སྨྲ་ལ། གཞན་དག་ཆད་སྟོང་དུ་འདོད་པ་གཉིས་ཀ་ཡང་རྟེན་འབྲེལ་རྟག་ཆད་ཀྱི་མཐའ་དང་བྲལ་བར་རྒྱལ་བ་རྒྱལ་སྲས་ཀྱིས་ལན་ཅིག་མ་ཡིན་པར་བསྒྲུབས་པ་ལས་ཕྱི་རོལ་ཏུ་གྱུར་པ་ཡིན་ནོ། །ཁྱད་པར་དུ་ཀུན་རྫོབ་བདེན་པ་ཐམས་ཅད་ཁོ་རང་ཁོ་རང་གིས་སྟོང་པར་གཏན་ལ་འབེབས་དགོས་ཟེར་ནས། དེ་ཆད་སྟོང་དུ་འདོད་པ་ནི་མི་རིགས་པ་ཁོ་ན་སྟེ། གྲུབ་མཐའ་བཞི་པོ་སུ་ཡང་ལྟ་བ་དེ་ཆད་ལྟ་ཡིན་པར་ཤེས་ནས། དེ་རང་གི་རྒྱུད་ལ་སྐྱེད་པར་བྱེད་པ་སུ་ཡང་མེད་པའི་ཕྱིར་རོ། །དེས་ན་དགག་གཞི་དེ་དགག་བྱའི་ངོ་བོར་མེད་པ་དང༌། གཞི་དེ་དགག་བྱས་སྟོང་ཚུལ་ཡང་ཡིན་པས་སྟོང་པར་འདྲ་བཞིན་དུ། ཆོས་རྣམས་རང་གི་མཚན་ཉིད་ཀྱིས་གྲུབ་པས་སྟོང་པ་ནི་རང་གི་ངོ་བོས་སྟོང་པའི་དོན་ཡིན་ལ། དེ་ལས་གཞན་པའི་སྟོང་ཚུལ་རྣམས་རང་གི་ངོ་བོས་སྟོང་པ་མིན་པའི་རྒྱུ་མཚན་ནི། སྟོང་ཚུལ་སྔ་མ་ཚད་མས་གྲུབ་ཟིན་བྱེད་པ་མ་ཉམས་པའི་རིང་ལ། གྲུབ་མཐས་གཞི་དེ་བདེན་པའམ་དེའི་དོན་དུ་ཡོད་པར་འཛིན་པའི་སྒྲོ་འདོགས་སྐྱེ་མི་སྲིད་ལ། ཕྱི་མ་རྣམས་ཀྱི་དོན་ཚད་མས་གྲུབ་ཅིང་བྱེད་པ་མ་ཉམས་ཀྱང༌། གྲུབ་མཐས་བདེན་པའམ་བདེན་པའི་དོན་དུ་སྒྲོ་འདོགས་པ་མི་འགལ་བའོ། །ཞེས་གསུངས།

{{#arraymap:རང་སྟོང་

|; |@@@ | | }}

རང་སྟོང་ (3)

Part of speech	མིང་ཚིག
Definition	བཀའ་བར་བའི་དགོངས་པ་གཙོ་བོ་རྩལ་དུ་བཏོན་ནས་ཆོས་ཐམས་ཅད་རང་ངོས་ནས་གྲུབ་པ་རྡུལ་ཙམ་ཡང་ཁས་མི་ལེན་པའི་གྲུབ་མཐའི་རྣམ་གཞག་ཞིག

{{#arraymap:རང་སྟོང་

|; |@@@ | | }}