74442

རིགས་ (1)

Part of speech	མིང་ཚིག
Definition	རྣམ་གྲངས་སོ་སོའམ་སྣ་ག་སོ་སོར་ཕྱེ་བའི་ཚན་ཁག་གི་མིང་།
Keyword	True
Example	ཁྱེད་ཚང་ལ་ཕྱུགས་རིགས་ག་ཚོད་ཡོད་ཅེས་དང་། བཟོ་རིགས་རྣམ་གྲངས་ཧ་ཅང་མང་ཞེས་པ་ལྟ་བུ།

རིགས་ (2)

Part of speech	མིང་ཚིག
Definition	འོས་པའམ་རུང་བའི་དོན།
Example	བསམ་བློ་དེ་ལྟར་གཏོང་མི་རིགས་ཞེས་དང་། སྐད་ཆ་འདི་ལྟར་བཤད་མི་རིགས་ཞེས་པ་ལྟ་བུ།

རིགས་ (3)

Part of speech	མིང་ཚིག
Definition	ཁྱད་ཆོས་ཐུན་མོང་བ་ཡོད་པའི་ཁོངས་གཏོགས།
Keyword	True
Example	བོད་རིགས་ཞེས་དང་། སོག་རིགས་ཞེས་དང་། རྒྱ་རིགས་ཞེས་པ་ལྟ་བུ།

རིགས་ (4)

Part of speech	མིང་ཚིག
Definition	རིགས་པ་ཞེས་པའི་ཚིག་བསྡུས་པ།

རིགས་ (5)

Part of speech	མིང་ཚིག
Definition	ཚིགས་བཅད་སྙན་ངག་རྩོམ་པའི་སྐབས། རྩོམ་སྟངས་ལ་དབྱེ་བ་རིགས་བཞི་ཡོད་པའི་ནང་གསེས་གཉིས་པ་སྟེ། བརྗོད་བྱའི་དོན་གཅིག་ལ་རྗོད་བྱེད་ཀྱི་ཚིགས་བཅད་མང་པོ་སྦྱར་ནས། ཚིགས་བཅད་དེ་དག་གི་ནང་དུ་ཕན་ཚུན་ལྟོས་པའི་སྒོ་ནས་ཚིག་ཐ་མར་བྱ་ཚིག་གཅིག་གིས་བརྗོད་དོན་གསལ་བར་བྱེད་པ་ཞིག་ཡིན།
Example	དུང་དཀར་ཚང་གིས། ཁོ་ར་ཁོར་ཡུག་གཏིང་མཐའ་མི་མངོན་པ། །སྔོ་བསངས་ནམ་མཁའི་དབྱིངས་སུ་འདྲེས་པ་བཞིན། །རླངས་པ་ཕྱུར་བུར་གཏིབས་པའི་ཡོལ་བ་ནི། །ཕྱོགས་ཀུན་སྒྲིབ་པའི་ཟོལ་གྱིས་འོངས་པ་བཞིན། །འོད་སྟོང་ལྡན་པའི་ཉི་མའི་དཀྱིལ་འཁོར་ཡང་། །ཆུ་ཡི་ནང་ནས་འཆར་ནུབ་བྱེད་པ་བཞིན། །མཚན་མོ་རྒྱུ་སྐར་གཟུགས་བརྙན་གསལ་བ་ནི། །ཀུན་གསལ་ཡངས་པའི་ཁྱོན་དང་མཚུངས་པ་བཞིན། །ས་ཡིི་ཁ་དོག་གིས་ནི་ལེགས་བསྒྱུར་བའི། །ཆུ་བོའི་མདངས་ཀྱང་འཇའ་ཚོན་བཀྲ་བ་བཞིན། །དབུ་བ་བརྩེགས་པའི་རླབས་ཕྲེང་གཡོ་བ་ནི། །གནམ་ས་བླ་འོག་བསྒྱུར་བ་དང་མཚུངས་པས། །གྲུ་ཡང་འཕར་འགྲོའི་གོམ་སྟབས་སློབ་པ་བཞིན། །ལིང་ལིང་འདར་ཞིང་འཁྲུག་བྱེད་རྒྱ་མཚོ་མཐོང་། །ཞེས་པ་ལྟ་བུ།
Domain	རྩོམ་རིག

རིགས་ (6)

Part of speech	མིང་ཚིག
Definition	མདོ། ཕར་ཕྱིན། ཐར་བའི་ཡོན་ཏན་འབྱུང་བའི་རྟེན་དུ་གྱུར་བའི་གཞིའི་དགེ་བ་དེ་རིགས་ཀྱི་དོན། དེ་ལ་དབྱེ་ན་སོགས་ཡོད་དེ། ཀུན་མཁྱེན་དོལ་པོ་བའི་རི་ཆོས་ངེས་དོན་རྒྱ་མཚོ་ལས། ཆོས་ཉིད་རྣམ་པར་མི་རྟོག་ཅིང་འོད་གསལ་བའི་དབྱིངས་གང་ཡིན་པ་དེ་ནི་རང་བཞིན་གྱི་རིགས་སོ། །ཉ་དབོན་ཀུན་དགའ་དཔལ་གྱི་ཕར་ཕྱིན་ཉ་ཊིཀ་མུན་སེལ་ལས། མཚན་ཉིད་ནི། གང་ལ་བསྟེན་ནས་ཐར་ལམ་ལ་འབད་ན་ཐར་བ་ཐོབ་བྱེད་ཀྱི་འདུས་མ་བྱས་ཀྱི་དགེ་བ་ཞེས་པའོ། །འདུས་མ་བྱས་ཀྱི་དགེ་བ་གང་ཞིག ངོ་བོ་ཉིད་སྐུའི་རྒྱུར་འགྱུར་བ་ཞེས་པ་ལམ་གྱི་སྐབས་ཀྱི་རང་བཞིན་དུ་གནས་པའི་རིགས་ཀྱི་མཚན་ཉིད། རྒྱས་པའི་རིགས་ཏེ། མཚན་ཉིད་ནི། བྱང་ཆུབ་ཀྱི་རྒྱུར་གྱུར་བའི་དགེ་བ་འདུས་བྱས། འབྲས་རབ་འབྱམས་པ་བློ་བཟང་མཆོག་གྲུབ་རྒྱ་མཚོའི་གྲུབ་མཐའ་སྐལ་བཟང་མིག་འབྱེད་ལས། གདོད་ནས་སེམས་ཀྱི་རང་བཞིན་དུ་གནས་པའི་ཡོན་ཏན་ཀུན་ལྡན་གྱི་ནང་རིག་འགྱུར་མེད་ཀྱི་ཡེ་ཤེས་གང་ཞིག ཁྱོད་ལ་དམིགས་ཏེ་ལམ་ལ་འབད་ན་དྲི་མ་འབྲལ་རུང་དང་ཡོན་ཏན་མཐའ་དག་མངོན་དུ་འགྱུར་རུང་གི་འདུས་མ་བྱས་དགེ་བ་དེ་རང་བཞིན་གནས་རིགས་དང་། མཚན་གཞི་ནི། བྱང་སེམས་ཚོགས་ལམ་པའི་རྒྱུད་ཀྱི་ཀུན་གཞིའིི་ཡེ་ཤེས་ལྟ་བུའོ། །རང་བཞིན་གྱི་རིགས་ལ་བརྟེན་ནས་རྐྱེན་གྱིས་བསྐྱེད་པའི་བྱང་ཆུབ་ཀྱི་རྒྱུར་བའི་དགེ་བ་འདུས་བྱས་དེ། རྒྱས་འགྱུར་གྱི་རིགས་ཀྱི་མཚན་ཉིད། མཚན་གཞི་ནི། བྱང་སེམས་མཐོང་ལམ་པའི་རྒྱུད་ཀྱི་དགེ་བ་འདུས་བྱས་ལྟབུའོ། །རིགས་ཀྱི་སྒྲ་བཤད་ནི། རིགས་ཀྱི་སྐད་དོད་གོ་ཏྲ་ཞེས་བྱ་བ་ཡིན་ལ། དེ་ཡང་རིགས་ནི་ཤིན་ཏུ་འདྲ་བའི་དོན་ཡིན་ལ། སེམས་ཅན་གྱི་དེ་བཞིན་ཉིད་དང་སངས་རྒྱས་ཀྱི་དེ་བཞིན་ཉིད་ཤིན་ཏུ་འདྲ་བ་ཡིན་ཞིང་དེའི་ཕྱིར་ངོ་བོ་གཅིག་ཀྱང་ཡིན་ཏེ། དེ་བཞིན་ཉིད་དབྱེར་མེད་ཕྱིར་དང་ཞེས་བྱུང་།
Domain	ཆོས་ལུགས།

རིགས་ (7)

Part of speech

མིང་ཚིག

Definition

འཕགས་པའི་ཆོས་རྣམས་ཀྱི་འབྱུང་ཁུངས་དམ་པར་དམིགས་པ། འཕགས་པའི་ཆོས་རྣམས་ཀྱི་རིགས་ཀྱི་མཚན་ཉིད། དཔེར་ན་སྟོང་པ་ཉིད་ཉན་ཐོས་རང་རྒྱལ་བྱང་སེམས་སངས་རྒྱས་ཀྱི་ཆོས་རྣམས་ཀྱི་འབྱུང་ཁུངས་དམ་པ་ཡིན་པའི་རྒྱུ་མཚན་གྱིས་ཆོས་ཀྱི་དབྱིངས་དང༌། ཆོས་ཀྱི་འབྱུང་ཁུངས་སུ་བཤད་པ་བཞིན་ནོ། སྤྱིར་རིགས་ཀྱི་ཐ་སྙད་རྣམ་པ་དུ་མ་གསུངས་ཏེ། རྒྱལ་རིགས། བྲམ་ཟེའི་རིགས། དམངས་རིགས། རྡོལ་པའི་རིགས། སྐུ་གསུང་ཐུགས་ཀྱི་རིགས། དེ་བཞིན་དུ་རིགས་ལྔ་དང་དྲུག་ལ་སོགས་པ་དང༌། ཆོས་རྣམས་ཀྱི་སྤྱི་ལ་རིགས་སུ་བརྗོད་པ་སོགས་ཡོད་པའི་ཕྱིར། འདི་ལ་རང་བཞིན་དུ་གནས་པའི་རིགས་དང༌། རྒྱས་པ་ལས་གྱུར་པའི་རིགས་གཉིས། རིགས་གང་ཞིག་གཏེར་གྱི་དཔེས་མཚོན་ནས་བསྟན་པ། དང་པོའི་མཚན་ཉིད། རིགས་གང་ཞིག ། ཤིང་འབྲས་བུ་ཅན་གྱི་དཔེས་མཚོན་ནས་བསྟན་པ། གཉིས་པའི་མཚན་ཉིད། དང་པོ་ནི་དྲི་བཅས་ཀྱི་སེམས་བདེན་སྟོང་ལྟ་བུ། གཉིས་པ་ནི་དྲི་བཅས་སེམས་ཀྱི་སྟེང་གི་ཟག་མེད་ཡེ་ཤེས་ཀྱི་ས་བོན་ལྟ་བུ་ཡིན། སྐྱབས་འགྲོ་ཚུལ་བཞིན་དུ་བྱས་པ་ལས་རིགས་སད་པར་འགྱུར་ཏེ། དེ་ལྟར་བྱས་པས་བསགས་སྦྱང་ཚུལ་བཞིན་དུ་བྱས་པར་འགྱུར་བའི་ཕྱིར། རིགས་སད་པའི་རྟགས་ནི། འཁོར་བའི་ཉེས་དམིགས་དང༌། ཐར་པའི་ཕན་ཡོན་བརྗོད་པ་ན། ལུས་ཀྱི་བ་སྤུ་ལྡང་བ་དང༌། མིག་ནས་མཆི་མ་འཁྲུག་པ་ལ་སོགས་པའི་ཐ་སྙད་ཁྱད་པར་ཅན་གྱི་རྟགས་ལས་ཐེག་ཆེན་གྱི་རིགས་སད་པར་དཔོག ། ལམ་མ་ཞུགས་ཀྱི་གནས་སྐབས་སུ་ཟབ་པ་དང་རྒྱ་ཆེ་བའི་ཆོས་ཐོས་པ་ན་མིག་ནས་མཆི་མ་འཁྲུག་པ་ལ་སོགས་པའི་ཐ་སྙད་ཁྱད་པར་ཅན་གྱི་རྟགས་ལས་ཐེག་ཆེན་གྱི་རིགས་སད་པར་དཔོག། རིགས་སད་པ་ཕན་ཡོན་ཁྱད་པར་ཅན་དང་ལྡན་ཏེ། བྱང་ཆུབ་གསུམ་ལ་དམིགས་པའི་བློ་ཤིན་ཏུ་བརྟན་པར་འགྱུར་བ་དང༌། བརྩོན་འགྲུས་ལྷག་པར་འཕེལ་ཏེ། སྒྲུབ་པ་ལ་ནན་ཏན་སྙིང་པོར་བྱེད་པ་དང༌། ངན་སོང་ལས་མྱུར་དུ་ཐར་པ་སོགས་ཀྱི་དགོས་པ་ཁྱད་པར་ཅན་ཡོད་པའི་ཕྱིར།

རིགས་ (8)

Part of speech	མིང་ཚིག
Definition	རིགས་ཀྱི་སྐད་དོད་གོ་དྲ་ཞེས་བྱ་བ་ཡིན་ལ། རིགས་ནི་ཤིན་ཏུ་འདྲ་བའི་དོན་ཡིན་ཏེ། སེམས་ཅན་ཀྱི་དེ་བཞིན་ཉིད་དང་། སངས་རྒྱས་ཀྱི་དེ་བཞིན་ཉིད་ཤིན་ཏུ་འདྲ་བ་ཡིན་ཞིང་། དེའི་ཕྱིར་ན་ངོ་བོ་གཅིག་ཀྱང་ཡིན་ཏེ། སངས་རྒྱས་རིགས་ལ་དེ་འབྲས་ཉེར་སྤྱོད་ཕྱིར། །ཞེས་པས་སོ། །