74516

རིགས་དྲུག་གི་མཐོང་ཚུལ་ (1)

Part of speech	མིང་ཚིག
Definition	མདོ། དབུ་མ། སློབ་དཔོན་(ཟླ་བ་གྲགས་པ་)འདིས་ནི་ཀུན་རྫོབ་བདེན་པ་ལ་ཐ་སྙད་ལ་ལྟོས་ནས་བདེན་བརྫུན་གཉིས་སུ་ཡུལ་ལ་ཕྱེ་བའི་ཚེ་ཡུལ་ཅན་ལ་ཡང་དེ་ལྟར་ཕྱེ་བས་སྤྱིར་རིགས་དྲུག་གང་རུང་གཅིག་གི་ཐ་སྙད་གཞིར་བཞག་པའི་ཚེ་དེའི་ཡུལ་ཡུལ་ཅན་གཉིས་ཀའང་ཐ་སྙད་དུ་བདེན་ལ། གཞི་དེར་གཞན་ལྔའི་མཐོང་ཚུལ་ཡུལ་ཡུལ་ཅན་གཉིས་ཀ་ཡང་ཐ་སྙད་དུ་མེད་པ་རྣམ་པར་གཞག་གོ ། འདིར་ནི་སྟོན་པ་རྫོགས་པའི་སངས་རྒྱས་འཛམ་བུའི་གླིང་དུ་སངས་རྒྱས་པའི་ཚུལ་བསྟན་ནས་ཆོས་ཀྱི་འཁོར་ལོ་བསྐོར་བ་དང་། བཀའ་བསྡུ་བ་དང་། དགོངས་འགྲེལ་གྱི་བསྟན་བཅོས་རྩོམ་པ་ཐམས་ཅད་མིའི་རྟེན་ལ་མཛད་པས། མིའི་མཐོང་ཚུལ་ལ་ཐ་སྙད་དུ་བདེན་པ་དང་། གཞི་དེ་ཉིད་དུ་འགྲོ་བ་གཞན་གྱི་མཐོང་ཚུལ་ལ་མི་བདེན་པའི་རྣམ་བཞག་མཛད་པས། ཆུ་འབབ་པའི་ཀླུང་ལ་ཆུ་དང་། དེའི་ཡུལ་ཅན་གཉིས་ཀ་ཐ་སྙད་ལ་ལྟོས་ནས་བདེན་པ་དང་། རྣག་ལ་སོགས་པའི་མཐོང་ཚུལ་གཞན་རྣམས་ནི་ཡུལ་ཡུལ་ཅན་གཉིས་ཀ་ཐ་སྙད་དུ་ཡང་མི་བདེན་པར་བཞག་པ་ནི་གནད་ཀྱི་དོན་ནོ། །སྟོན་པས་རིགས་དྲུག་སོ་སོའི་སྐད་དུ་ཆོས་སྟོན་པ་ཡོད་ཀྱང་ད་ལྟར་གྱི་བསྟན་པ་འདི་གང་གི་དབང་དུ་བྱས་པ་དང་། གཞི་སོ་སོའི་མཐོང་ཚུལ་མིའི་དབང་དུ་བྱས་ནས་ཀྱང་ཐ་སྙད་དུ་བདེན་བརྫུན་གྱི་རྣམ་དབྱེ་བྱེད་པའོ། །ཞེས་ཀུན་མཁྱེན་གོ་རམས་པའི་འཇུག་པའི་དཀའ་འགྲེལ་ལས་གསུངས་སོ། །
Domain	ཆོས་ལུགས།