74519

རིགས་དྲུག་གི་སྤྱོད་པ་ (1)

Part of speech	མིང་ཚིག
Definition	སྔགས། རྣལ་འབྱོར་བླ་མེད་རྒྱུད། དུས་འཁོར་སྦྱོར་དྲུག ཇོ་ནང་། དྲང་དོན་དུ་སྟོང་ཉིད་སྙིང་རྗེའི་ཏིང་ངེ་འཛིན་གྱི་གསལ་སྣང་ནི་རྒྱས། འཕྲིན་ལས་ཐོགས་མེད་དུ་འགྲུབ་པའི་ནུས་པ་ནི་རྙེད། ཐབས་གཞན་མེད་ཅིང་ཐབས་དེ་ཁོ་ནས་འགྲོ་དོན་དུ་འགྱུར་ངེས་པ་ཡིན་ན། རྡོ་རྗེ་ལ་སྲོག་གཅོད་པ་དང་། རལ་གྲི་ལ་བརྫུན་སྨྲ་བ་དང་། རིན་ཆེན་ལ་གཞན་ནོར་འཕྲོག་པ་དང་། པདྨ་ལ་ཕ་རོལ་གྱི་བུད་མེད་འཕྲོག་པ་རྣམས་ཀྱང་ཚོགས་ཆེན་པོའི་ཡན་ལག་ཏུ་འགྱུར་རོ། །དེ་ཡང་ནུས་མཐུའི་སྒོ་ནས་ཡིན་གྱི། དུག་མཚོན་སོགས་ཕལ་བའི་བྱེད་པས་མ་ཡིན་ནོ། །འཁོར་ལོ་ལ་ཆང་དང་། སྒྲོན་མ་སྟེ་ཤ་དང་། སངས་རྒྱས་དེ་བདུད་རྩི་ལྔ་བསྟེན། གཟུགས་མཛེས་པ་དང་། སྒྲ་སྙན་པ་སོགས་ཡུལ་ལྔ་བསྟེན། གྲི་གུག་ལ་ཞུ་བདེ་འཛག་མེད་དུ་འཆིང་བར་ནུས་ན། གཡུང་མོ་ལ་སོགས་པའི་རིགས་མ་ངེས་པའི་ཕྱག་རྒྱ་སྒྲུབ་པ་སྟེ། མདོར་ན་རྨད་བྱུང་འགལ་བའི་སྤྱོད་པས། སེམས་ཅན་གྱི་དོན་བྱེད་པ་ཡང་ཡིན་ལ། ངེས་དོན་དུ་ནི་དེ་དག་རིམ་པས་ལས་རླུང་ཉི་ཁྲི་ཆིག་སྟོང་དྲུག་བརྒྱ་འགོག་པ་དང་། གང་ལ་གང་འདུལ་གྱི་ཆོས་སྟོན་པ་དང་། མི་འགྱུར་བའི་བདེ་བ་སྒྲུབ་པའི་ཐབས་ལ་བརྩོན་པ་དང་། རྣམ་པ་ཀུན་ལྡན་གྱི་སྟོང་གཟུགས་ཕྱག་རྒྱ་ཆེན་པོ་འགྲུབ་པའི་ཐབས་ལ་བརྩོན་པ་སྟེ་བཞི་དང་། བྱང་ཆུབ་ཀྱི་སེམས་ཀྱི་རྩལ་སྦྱོང་། དབང་པོ་ལྔའི་རླུང་དང་རྣམ་རྟོག་དགག་རྩ་འཁོར་རྣམས་སུ་རླུང་གི་སྦྱོར་བས་ཐིག་ལེ་བཅིངས། སྟོང་གཟུགས་ལ་བརྟེན་པར་སེམས་མཉམ་པར་འཇོག་པ་བཞི་གཅིག་ཏུ་བགྲངས་པ་དང་། སྟོང་གཟུགས་ཕྱག་རྒྱ་ཆེན་པོ་ཉིད་ཀྱིས་དབུ་མར་ཐིག་ལེ་དགག་པའམ། འདི་ཡོད་ཕྱིན་ཕྱག་རྒྱ་གཉིས་ལྡན་དང་གསུམ་ལྡན་ཡང་སྟེ། དེ་ལྟར་ན་རིགས་དྲུག་གི་སོ་སོའི་དམ་ཚིག་གོ ། ལུས་དང་ལོངས་སྤྱོོད་སེམས་ཅན་ལ་བློས་བཏང་བ་ནི་རིགས་དྲུག་གི་ཐུན་མོང་གི་སྤྱོད་པའོ། །
Domain	ཆོས་ལུགས།