74528

རིགས་པ་དང་འགལ་ཡང་སྐྱོན་མེད་པ་ (1)

Part of speech	མིང་ཚིག
Definition	རང་དང་གཞན་གྱི་ལུགས་སོ་སོའི་གཏན་ཚིགས་རིགས་པ་དང་མི་མཐུན་པར་བརྗོད་པ་ཞིག་ཡིན་ཡང་། བརྗོད་དོན་གཞན་སྟོན་རྒྱུ་ཡོད་ན་རང་རང་སོ་སོའི་གཏན་ཚིགས་རིགས་པ་སྤྱིའི་འགྲོས་དང་འགལ་ཡང་སྐྱོན་མེད་པ་ཡིན་ཏེ། སྙན་ངག་མེ་ལོང་མའི་རྩ་བར། གཞལ་བྱ་ཡིན་ཡང་གཞལ་བྱ་མིན། །ཆ་ལྡན་ཡིན་ཡང་ཆ་ལྡན་མིན། །གཅིག་ཉིད་ཡིན་ཡང་གཅིག་ཉིད་མིན། །སྣ་ཚོགས་གཟུགས་ཁྱོད་ལ་ཕྱག་འཚལ། །ཞེས་གསལ་བའི་གཟུགས་སུ་སྣང་ཞིང་རྗེས་དཔག་ཚད་མས་རྟོགས་ཡུལ་དུ་གྱུར་པའི་གཞལ་བྱ་ཡིན་ཀྱང་མངོན་སུམ་གྱི་ཡུལ་མིན་པས་གཞལ་བྱ་མ་ཡིན་པ་དང་། ཡང་ས་ལ་སོགས་པ་ཇི་སྙེད་པའི་གཟུགས་ཡིན་པའི་ཆ་ནས་ཆ་ལྡན་ཡིན་ཡང་། དམ་པའི་བདག་ཉིད་ཀྱི་ངོ་བོ་ནི་ཆ་དང་བྲལ་བས་ཆ་ལྡན་མིིན་ལ། རང་གི་གཟུགས་རྟག་པའི་རང་བཞིན་གཅིག་ཉིད་ཡིན་ཀྱང་། སྤྲུལ་བ་སྣ་ཚོགས་པ་ཡོད་པས་གཅིག་ཉིད་མིན་པའི་སྣ་ཚོགས་པའི་གཟུགས་ཅན་ལྷ་དབང་ཕྱུག་ལ་ཕྱག་འཚལ་ཞེས་གཞི་གཅིག་གི་སྟེང་དུ་འགལ་བ་དུ་མ་ཚོགས་པར་བརྗོད་པ་ལྟ་བུ་རིགས་པ་དང་འགལ་ན་ཡང་། ལྷ་དབང་ཕྱུག་གི་ཡོན་ཏན་ཆེད་དུ་བརྗོད་པ་ལྟ་བུ་ནི་སྐྱོན་དུ་མི་འགྱུར་རོ། །
Example	བོད་མཁས་པས། སྤྲོས་དང་བྲལ་ཡང་སྤྲོས་པ་སྨད་བྱུང་གང་། །འབད་རྩོལ་མེད་བཞིན་འབད་པ་ཀུན་སྟོན་པ། ། གཅིག་ཉིད་ཁོ་ན་སྣ་ཚོགས་གཟུགས་སྤྱིར་ཡང་། །འཆར་བ་རྒྱལ་སྐུའི་གསང་བ་བསམ་མི་ཁྱབ། །ཅེས་པ་ལྟ་བུའོ། །
Domain	རྩོམ་རིག