74557

རིགས་ཕུན་སུམ་ཚོགས་པ་དྲུག་ཅུ་རྩ་བཞི་ (1)

Part of speech	མིང་ཚིག
Definition	མདོ་རྒྱ་ཆེར་རོལ་པ་ལས་བྱུང་བ་སྟེ། ༡ རིགས་དེ་ནི་བཙུན་པ་ཡིན། ༢ རིགས་དེ་ནི་ཀུན་གྱིས་མངོན་པར་ཤེས་པ་ཡིན། ༣ རིགས་དེ་ནི་ཕྲན་ཚེགས་མེད་ཅིང་གནོད་པར་བྱེད་པ་མེད་པ་ཡིན། ༤ རིགས་དེ་ནི་རྒྱུད་ཕུན་སུམ་ཚོགས་པ་ཡིན། ༥ རིགས་དེ་ནི་ཆོ་འབྲང་ཕུན་སུམ་ཚོགས་པ་ཡིན། ༦ རིགས་དེ་ནི་སྐྱེས་བུ་ཟུང་ཕུན་སུམ་ཚོགས་པ་ཡིན། ༧ རིགས་དེ་ནི་སྔོན་གྱི་སྐྱེས་བུ་ཟུང་ཕུན་སུམ་ཚོགས་པ་ཡིན། ༨ རིགས་དེ་ནི་བཙུན་པའི་སྐྱེས་བུ་ཟུང་ཕུན་སུམ་ཚོགས་པ་ཡིན། ༩ རིགས་དེ་ནི་ཀུན་གྱིས་མངོན་པར་ཤེས་པའི་སྐྱེས་བུ་ཟུང་ཕུན་སུམ་ཚོགས་པ་ཡིན། ༡༠ རིགས་དེ་ནི་དབང་ཆེ་བར་གྲགས་པའི་སྐྱེས་བུ་ཟུང་ཕུན་སུམ་ཚོགས་པ་ཡིན། ༡༡ རིགས་དེ་ནི་སྐྱེས་པ་མང་བ་ཡིན། ༡༢ རིགས་དེ་ནི་བུད་མེད་མང་བ་ཡིན། ༡༣ རིགས་དེ་ནི་འཇིགས་པ་མེད་པ་ཡིན། ༡༤ རིགས་དེ་ནི་དམའ་བ་མེད་ཅིང་ཞུམ་པ་མེད་པ་ཡིན། ༡༥ རིགས་དེ་ནི་བརྐམ་པ་མེད་པ་ཡིན། ༡༦ རིགས་དེ་ནི་ཤེས་རབ་དང་ལྡན་པ་ཡིན། ༡༧ རིགས་དེ་ནི་བློན་པོས་བལྟ་ཞིང་ལོངས་སྤྱོད་ལ་སྤྱོད་པ་ཡིན། ༡༨ རིགས་དེ་ནི་བཟོ་དོན་ཡོད་པས་བཤམས་ཤིང་ལོངས་སྤྱོད་པ་ཡིན། ༡༩ རིགས་དེ་ནི་བཟོ་དོན་ཡོད་པས་བཤམས་ཤིང་ལོངས་སྤྱོད་ལ་སྤྱོད་པ་ཡིན། ༢༠ རིགས་དེ་ནི་མཛའ་བ་བརྟན་པ་ཡིན། ༢༡ རིགས་དེ་ནི་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆོགས་ཀྱི་སྲོག་ལ་ལྟ་བ་ཡིན། ༢༢ རིགས་དེ་ནི་བྱས་པ་གཟོ་བ་དང་ལྡན་པ་ཡིན། ༢༣ རིགས་དེ་ནི་བརྟུལ་ཞུགས་ཤེས་པ་ཡིན། ༢༤ རིགས་དེ་ནི་འདུན་པས་མི་འགྲོ་བ་ཡིན། ༢༥ རིགས་དེ་ནི་ཞེ་སྡང་གིས་མི་འགྲོ་བ་ཡིན། ༢༦ རིགས་དེ་ནི་གཏི་མུག་གིས་མི་འགྲོ་བ་ཡིན། ༢༧ རིགས་དེ་ནི་འཇིགས་པས་མི་འགྲོ་བ་ཡིན། ༢༨ རིགས་དེ་ནི་ཁ་ན་མ་ཐོ་བས་འཇིགས་པ་ཡིན། ༢༩ རིགས་དེ་ནི་གཏི་མུག་ལ་མི་གནས་པ་ཡིན། ༣༠ རིགས་དེ་ནི་ལག་སྦབས་ཆེ་བ་ཡིན། ༣༡ རིགས་དེ་ནི་བྱ་བ་ལ་མོས་པ་ཡིན། ༣༢ རིགས་དེ་ནི་གཏོང་བ་ལ་མོས་པ་ཡིན། ༣༣ རིགས་དེ་ནི་སྦྱིན་པ་ལ་མོས་པ་ཡིན། ༣༤ རིགས་དེ་ནི་ཞོ་ཤ་ཤེས་པ་ཡིན། ༣༥ རིགས་དེ་ནི་རྩལ་བརྟན་པ་ཡིན། ༣༦ རིགས་དེ་ནི་མཐུ་རྩལ་དང་ལྡན་པ་ཡིན། ༣༧ རིགས་དེ་ནི་རྩལ་མཆོག་དང་ལྡན་པ་ཡིན། ༣༨ རིགས་དེ་ནི་དྲང་སྲོང་མཆོད་པ་ཡིན། ༣༩ རིགས་དེ་ནི་ལྷ་མཆོད་པ་ཡིན། ༤༠ རིགས་དེ་ནི་མཆོད་རྟེན་མཆོད་པ་ཡིན། ༤༡ རིགས་དེ་ནི་མཚུན་རྗེད་པ་ཡིན། ༤༢ རིགས་དེ་ནི་འཁོན་དུ་འཛིན་པ་མེད་པ་ཡིན། ༤༣ རིགས་དེ་ནི་ཕྱོགས་བཅུར་སྒྲ་གྲགས་པ་ཡིན། ༤༤ རིགས་དེ་ནི་འཁོར་ཆེན་པོ་དང་ལྡན་པ་ཡིན། ༤༥ རིགས་དེ་ནི་འཁོར་མི་ཕྱེད་པ་དང་ལྡན་པ་ཡིན། ༤༦ རིགས་དེ་ནི་བླ་ན་མེད་པའི་འཁོར་དང་ལྡན་པ་ཡིན། ༤༧ རིགས་དེ་ནི་རིགས་ཀྱི་ནང་ན་གཙོ་བོར་བྱ་བ་ཡིན། ༤༨ རིགས་དེ་ནི་རིགས་ལ་དབང་ཐོབ་པ་ཡིན། ༤༩ རིགས་དེ་ནི་དབང་ཆེ་བར་གྲགས་པ་ཡིན། ༥༠ རིགས་དེ་ནི་ཕར་འཛིན་པ་ཡིན། ༥༡ རིགས་དེ་ནི་མར་འཛིན་པ་ཡིན། ༥༢ རིགས་དེ་ནི་དགེ་སྦྱོང་དུ་འཛིན་པ་ཡིན། ༥༣ རིགས་དེ་ནི་བྲམ་ཟེར་འཛིན་པ་ཡིན། ༥༤ རིགས་དེ་ནི་ནོར་དང་འབྲུའི་བང་མཛོད་མང་བ་ཡིན། ༥༥ རིགས་དེ་ནི་དབྱིག་དང༌། གསེར་དང༌། ནོར་བུ་དང༌། མུ་ཏིག་དང༌། བཻཌཱུརྱ་དང༌། དུང་དང༌། མན་ཤེལ་དང༌། བྱི་རུ་དང༌། ས་ལེ་སྦྲམ་དང༌། དངུལ་དང༌། རྫས་དང༌། ཡོ་བྱད་མང་བ་མ་ཡིན། ༥༦ རིགས་དེ་ནི་གླང་པོ་ཆེ་དང༌། རྟ་དང༌། རྔ་མོང་དང༌། བ་ལང་དང༌། ལུག་ཤིན་ཏུ་མང་བ་ཡིན། ༥༧ རིགས་དེ་ནི་བྲན་ཕོ་དང༌། བྲན་མོ་དང༌། ལས་བྱེད་པ་དང༌། ཞོ་ཤས་འཚོ་བ་ཤིན་ཏུ་མང་བ་ཡིན། ༥༨ རིགས་དེ་ནི་ཐུབ་པར་དཀའ་བ་ཡིན། ༥༩ རིགས་དེ་ནི་དོན་ཐམས་ཅད་གྲུབ་པ་ཡིན། ༦༠ རིགས་དེ་ནི་འཁོར་ལོས་སྒྱུར་བའི་རིགས་ཀྱི་རྒྱུད་དུ་སྐྱེས་པ་ཡིན། ༦༡ རིགས་དེ་ནི་སྔོན་གྱི་དགེ་བའི་རྩ་བའི་གྲོགས་ཀྱིས་བསྐྱེད་པ་ཡིན། ༦༢ རིགས་དེ་ནི་བྱང་ཆུབ་སེམས་དཔའི་རིགས་སུ་རིགས་བཙུན་པར་སྐྱེས་པ་ཡིན། ༦༣ རིགས་དེ་ནི་འཇིག་རྟེན་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དགེ་སློང་དང་བྲམ་ཟེའི་སྐྱེ་རྒུ་དང་བཅས་པའི་ནང་ན་རིགས་ལས་སྨོས་པའི་སྐྱོན་གྱི་ཁ་ན་མ་ཐོ་བ་ཐམས་ཅད་དང་བྲལ་བ། ༦༤ གང་དུ་བྱང་ཆུབ་སེམས་དཔའ་སྲིད་པ་ཐ་མ་པ་འབྱུང་བར་འགྱུར་བའི་རིགས་བཅས་སོ། །
Domain	ཆོས་ལུགས།