74570

རིགས་བཟློག་པ་ (1)

Part of speech	མིང་ཚིག
Definition	མདོ། འདུལ་བ། ཚེས་གཅིག་ལ་ཁ་གསོག་གི་གོས་རྙེད་པ་ཕྱིས་སུ་བོར་ནས་རེ་ཐག་ཆད་པ་ན་རིགས་བཟློག་པ་ཡིན་ལ། དེ་ཡང་རིགས་བཟློག་པ་དང་ཤན་འབྱུང་བ་གཉིས་ལ་མུ་བཞི་ཡོད་པ་ནི། པཎ་ཆེན་གྱི་འདུལ་བ་ལུང་རིགས་ཉི་མ་ལས། དེ་ལྟར་ན་རིགས་བཟློག་པ་དང་། ཤན་འབྱུང་བ་ལ་མུ་བཞི་སྟེ། རིགས་བཟློག་ལ་ཤན་མི་འབྱུང་བ། ཤན་འབྱུང་ལ་རིགས་མི་ཟློག་པ། ཤན་ཀྱང་འབྱུང་ལ་རིགས་ཀྱང་ཟློག་པ། གཉིས་ཀ་མི་འབྱུང་བ་རྣམས་སུ་ཡོད་པའི་ཕྱིར། དང་པོ་ནི། ཚེས་གཅིག་ལ་ཁ་སོགས་ཀྱི་གོས་རྙེད། ཚེས་ལྔ་ལ་ཁ་སྐོང་གི་གོས་རྙེད་པ་ཚེས་དྲུག་ལྟ་བུ་ལ་ཚིག་པའམ་བོར་བའི་སྒོ་ནས་མེད་པར་གྱུར་པའམ། མ་རྙེད་ཀྱང་རེ་བ་ཆད་པ་ན་ཞག་བཅུ་འདས་པའི་ཚེ་ཞག་བཅུ་འཆང་སྤང་བསྐྱེད་པ་ལྟ་བུ་ཡིན་ཏེ། ཟླ་འཇོག་གི་སྤང་བ་ལས་རིགས་ཟློག་ཅིང་ཤན་བརྡེག་བྱ་མེད་པའི་ཤན་འབྱུང་དོན་མེད་པའི་ཕྱིར། གཉིས་པ་ནི། ཚེས་གཅིག་ལ་ཁ་སོགས་ཀྱི་གོས་རྙེད། ཚེས་ལྔ་ལ་ཁ་སྐོང་གི་གོས་རྙེད་ཀྱང་ཚད་དུ་མ་ཆོག་པར་བྱིན་གྱིས་མ་བརླབས་པར་རེ་བ་དང་བཅས་ཏེ་ཞག་སུམ་ཅུ་འདས་པ་ན་སྤང་ལྟུང་བསྐྱེད་པ་ཡིན་ཏེ། སྔ་མ་ལ་རང་སྟོབས་དང་། ཕྱི་མ་ལ་ཤན་སྟོབས་ཀྱིས་ཟླ་འཇོག་གི་སྤང་བ་འབྱུང་བའི་ཕྱིར། གསུམ་པ་ནི། སྔར་བཤད་ཟིན་ཅིང་། བཞི་པ་གོ་སླ་བར་ཟད་དོ། །ཞེས་གསུངས།
Domain	ཆོས་ལུགས།