7465

གདུང་བ་བཅད་པའི་ཡན་ལག་བདུན་ (1)

Part of speech	མིང་ཚིག
Definition	ཏིང་ངེ་འཛིན་ཚོགས་ཀྱི་ལེའུ་ལས་བྱུུང་བ་སྟེ། སངས་རྒྱས་ཀྱི་ཡེ་ཤེས་ནི་ཟབ་ཅིང་རྒྱ་ཆེ། བཀའ་དང་མདོ་སྡེ་ནི་གྲངས་མང༌། བདག་ནི་བློ་ངན་ཞིང་རྨོངས་ལ་ལེ་ལོ་ཆེ་བས་ཐམས་ཅད་བརྗོད་ཅིང་ཤེས་པར་མི་ནུས་ཏེ། བདག་ཉིད་ཚེ་ཟད་པར་འགྱུར་དུ་འོང་སྙམ་པ། སྒྲ་དང་ཡི་གེའི་རྗེས་སུ་འབྲང་བའི་བཤད་པའི་ཤེས་པ་འདི་དག་གིས་གཞན་ཐུལ་བའམ་ཕན་ཐོགས་པ་མ་ཡིན་ཏེ། མི་རྣམས་ནི་ཤིན་ཏུ་མགུ་དཀའ་བར་བསམ་པ། རང་དང་གཞན་གྱི་གྲུབ་པའི་མཐའ་ལ་ཆགས་སྡང་རྣམ་པ་གཉིས་སྤངས་ཏེ་སྐུར་པ་མི་གདབ་པ། སྤུན་ཟླ་དང་ཉེ་དུ་དང་མཛའ་བཤེས་ལ་སོགས་པ་རྣམས་ནི་ངེས་པར་འགྲོན་པོ་ལམ་གྱིས་བསྡུས་པ་དང་འདྲ་བར་བསམ་པ། འཇིག་རྟེན་གྱི་རྙེད་པ་དང་བཀུར་སྟི་དང༌། བསྟོད་པ་དང༌། སྨད་པ་ལ་སོགས་པ་འདི་དག་ནི་ངེས་པར་སླུ་བ་ཉིད་ཡིན་པར་ཤེས་པར་བྱ་བ། འཇིག་རྟེན་གྱི་རྙེད་པ་དང་། འདོད་པ་དང༌། སྲེད་པ་དང་ཁེ་དང་གྲགས་པ་དང་ང་རྒྱལ་དང་རློམ་སེམས་ལ་སོགས་པ་འདི་དག་ནི་ངེས་པར་མེ་དང་དུག་དང་མཚོན་ཆེན་པོ་དང་འདྲ་བར་ཤེས་པར་བྱ་བ། ཕྱི་དང་ནང་གི་དངོས་པོ་འདི་དག་ལ་སྒྱུ་མའམ་རྨི་ལམ་ལྟ་བུར་རྒྱུན་དུ་དཔྱད་པར་བྱ་བ།
Domain	ཆོས་ལུགས།