75362

རེག་བྱ་ (1)

Part of speech	མིང་ཚིག
Definition	རེག་བྱའི་མཚན་ཉིད་ནི། འབྱུང་གྱུར་གང་ཞིག ལུས་ཀྱི་དབང་པོའི་སྤྱོད་ཡུལ་དུ་གྱུར་པའི་ཕྱི་དོན་ནོ། །རེག་བྱ་ལ་དབྱེ་ན་མཛོད་དང་། པན་ཀན་ལས། འབྱུང་བཞི་འཇམ་རྩུབ་ལྕི་ཡང་དང། །གྲང་བ་བཀྲེས་པ་སྐོམ་པ་སྟེ། །བཅུ་གཅིག་གསུངས་ལ། ཀུན་ལས་བཏུས་ལས། འབྱུང་བཞི་བཞག་ནས་ཕྱི་མ་བདུན་པོའི་སྟེང་དུ། མཉེན་པ་ཉིད་དང། ལྷོད་པ་ཉིད་དང། ལྷོད་པ་མ་ཡིན་པ་དང། ཚིམས་པ་དང། ཉམ་ཡོད་པ་དང། ཉམ་ཆུང་བ་དང། བརྒྱལ་བ་དང། གཡའ་བ་དང། འགྲེད་པ་དང། ན་བ་དང། རྒ་བ་དང། འཆི་བ་དང། ངལ་བ་དང། ངལ་སོས་པ་དང། སྤུངས་ཆེ་བ་སྟེ་ཉེར་གཉིས་སུ་གསུངས་སོ་ཞེས་ཀུན་མཁྱེན་གོ་རམས་པའི་ཇི་སྙེད་ཤེས་བྱའི་སྒོ་འབྱེད་ལས་སོ། ། ལུས་ཀྱི་དབང་པོའི་སྤྱོད་ཡུལ་ནི་རེག་བྱ་སྟེ། དེ་ནི་བཅུ་གཅིག་གི་བདག་ཉིད་དོ། །གང་ཞེ་ན། རྒྱུའི་རེག་བྱ་སྲ་བ་ལ་སོགས་པ་འབྱུང་བ་བཞི་དང། འབྲས་བུའི་རེག་བྱ་འཇམ་པ་དང་རྩུབ་པ་དང་ལྕི་བ་དང་ཡང་བ་དང། གྲང་བ་དང་བཀྲེས་པ་དང་སྐོམ་པ་སྟེ་བདུན་ནོ་ཞེས་མཛོད་འགྲེལ་མངོན་པའི་རྒྱན་ལས་སོ། ། དོན་ལྔ་ཡི་ནང་ཚན་དུ་གྱུར་པའི་རེག་བྱ་དང། རེག་བྱའི་སྐྱེ་མཆེད་དང། ཁམས་བཅོ་བརྒྱད་ཀྱི་ནང་ཚན་དུ་གྱུར་པའི་རེག་བྱའི་ཁམས་རྣམས་དོན་གཅིག་གོ་ཞེས་པཎ་ཆེན་ངག་ཆོས་ཀྱི་ཆོས་མངོན་པ་མཛོད་ཀྱི་སྤྱི་དོན་ལས་སོ། །
Domain	ཆོས་ལུགས།