76254

རྒ་ཤི་ (1)

Part of speech	མིང་ཚིག
Definition	བྱེ་བྲག་ཏུ་སྨྲ་བས། རྒ་ཤི་ནི། ལས་ཀྱིས་ཚེ་ཕྱི་མར་མངལ་དུ་ཉིང་མཚམས་སྦྱོར་བའི་སྐད་ཅིག་དང་པོའི་གནས་སྐབས་ཀྱི་ཕུང་པོ་ལྔ་བོ་དེའི་སྐད་ཅིག་གཉིས་པ་མིང་གཟུགས་ནས་བཟུང་སྟེ་ཚོར་བའི་བར་གྱི་ཕུང་པོ་ལྔའོ། །
Domain	ཆོས་ལུགས།

རྒ་ཤི་ (2)

Part of speech	མིང་ཚིག
Definition	རྒ་ཤི་ནི་རྣམ་པར་ཤེས་པ་ནས་ཚོར་བའི་བར་ལ་བཏགས་པའི་བཏགས་ཡོད་དོ། །

རྒ་ཤི་ (3)

Part of speech

མིང་ཚིག

Definition

དབུ་མ་པས། རྒས་པ་ནི་ན་ཚོད་གཞན་དུ་འགྱུར་བ། འཆི་བ་ནི་ཚེ་གཅིག་གི་དབང་དུ་བྱས་པའི་སྲོག་གི་དབང་པོ་འགག་བཞིན་པའི་གནས་སྐབས་སོ། །རྒ་ཤི་གཉིས་ཡན་ལག་གཅིག་ཏུ་བྱས་པ་ནི་མ་རྒས་པར་འཆི་བ་ཡོད་པའི་ཕྱིར། འོ་ན་མིང་གཟུགས་དང་སྐྱེ་མཆེད་དྲུག་ཀྱང་ཡན་ལག་གཅིག་ཏུ་བྱེད་རིགས་པར་འགྱུར་ཏེ། རྫུས་སྐྱེས་ཀྱི་སེམས་ཅན་ལ་མིང་གཟུགས་གྲུབ་པ་དང་དུས་མཉམ་དུ་སྐྱེ་མཆེད་དྲུག་ཚང་བའི་ཕྱིར་ཞེ་ན་སྐྱོན་མེད་དེ། འདི་ནི་མངལ་སྐྱེས་ལ་དགོངས་པའི་ཕྱིར་ཞེས་རྒྱལ་སྲས་མ་ལས་བཤད་དོ། །འགྲེལ་པ་འདིའི་ལུགས་ལ་ན་ཚོད་གཞན་དུ་འགྱུར་བ་ཙམ་རྒས་པ་མ་ཡིན་པར་དབང་པོ་རྒུད་པའི་གནས་སྐབས་ལ་རྒས་པར་འཇོག་པར་མངོན་ཏེ། གཞན་དུ་ན་མ་རྒས་པར་ཤི་བ་མེད་པའི་ཕྱིར་རོ། །སའི་དངོས་གཞི་ལས་ནི། གཞན་དུ་འགྱུར་བ་ཙམ་ལ་རྒས་པར་བཤད་དེ། དེ་ཉིད་ལས། འདོད་པ་དང་རབ་ཏུ་ལྡན་པ་དུ་ཞེ་ན། ཐམས་ཅད་རིམ་གྱིས་འདུས་པའོ། །གཟུགས་དང་རབ་ཏུ་ལྡན་པ་དུ་ཞེ་ན། ཐམས་ཅད་ཀྱི་ཕྱོགས་གཅིག་གོ ། དེར་རྒས་པ་ཇི་ལྟར་ཡོད་ཅེ་ན། འདུ་བྱེད་རྣམས་རྙིང་པ་དང་དེངས་པ་གང་ཡིན་པའོ། །གཟུགས་དང་རབ་ཏུ་ལྡན་པ་ཇི་ལྟ་བ་དེ་བཞིན་དུ་གཟུགས་མེད་པ་དང་རབ་ཏུ་ལྡན་པ་ཡང་དེ་དང་འདྲའོ། །ཞེས་གསུངས་སོ་ཞེས་ཀུན་མཁྱེན་གོ་རམས་པའི་རྟེན་འབྲེལ་རབ་གསལ་ལས་སོ། །