76405

རྒྭ་ལོ་གཞོན་ནུ་དཔལ་ (1)

Part of speech

མིང་ཚིག

Definition

དུས་རབས་བཅུ་གཉིས་པའི་སྟོད་དུ་ཁམས་ལྡན་མར་འཁྲུངས། ཆུང་དུས་ནས་བསྟན་སྒོར་ཞུགས། རབ་བྱུང་དང་། དགེ་ཚུལ་སློང་གི་སྡོམ་པ་རྣམས་བཞེས། མདོ་སྔགས་ཀྱི་གཞུང་ལ་མཁས་པར་མཛད། ལེགས་སྦྱར་གྱི་སྐད་ཡིག་ལ་བྱང་ཆུབ་པའི་ལོ་ཙཱ་བ་ཞིག་ཡིན། བསམ་ཡས་མཆིམས་ཕུ་དང་། ཕོ་བྲང་སྣེའུ་གདོང་། སྣར་ཐང་། རྩེས་ཐང་སོགས་སུ་བཞུགས་ནས་བསྟན་བཅོས་མང་དུ་བསྒྱུར། བསྒྱུར་རྩོམ་ནི་བསྟན་འགྱུར་ལས་དཔལ་རི་ཁྲོད་ཞབས་ཀྱི་བསྟོད་པ་དང་། དབང་མདོར་བསྟན་པའི་མདོར་བཤད། དཔྱིད་ཀྱི་ཐིག་ལེའི་རྒྱ་ཆེར་འགྲེལ་བ། ལྷ་བཅུ་གསུམ་གྱི་བདག་ཉིད་དཔལ་འཁོར་ལོ་སྡོམ་པའི་དཀྱིལ་འཁོར་གྱི་ཆོ་ག གཏུམ་ཆེན་དྲག་པོའི་མངོན་པར་རྟོགས་པ། མི་གཡོ་བའི་མངོན་པར་རྟོགས་པ་རབ་ཏུ་དགའ་བར་མངོན་པར་བརྗོད་པ། རྣམ་པར་སྣང་མཛད་མངོན་པར་རྫོགས་པར་བྱང་ཆུབ་པའི་རྒྱུད་ཆེན་པོའི་འགྲེལ་བཤད་ཀྱི་སྨད་དུམ། བླ་མ་ལྔ་བཅུ་པའི་དཀའ་འགྲེལ་བཅས་བཞུགས།