76620

རྒྱ་ཡག་ཞབས་དྲུང་བློ་བཟང་བསྟན་པའི་ཉི་མ་ (1)

Part of speech

མིང་ཚིག

Definition

རབ་བྱུང་བཅུ་གསུམ་པའི་མེ་སྦྲུལ་ཕྱི་ལོ་ ༡༧༩༧ ལོར་སྐུ་འཁྲུངས། རབ་བྱུང་བཅུ་བཞི་པའི་ས་ཡོས་ཕྱི་ལོ་ ༡༨༡༩ ལོར་སྐུ་འབུམ་རྒྱུད་པའི་མཁན་ཁྲིར་བཞུགས། འགྲིག་ལམ་དང་། ཀུན་སྤྱོད། འཆད་ཉན་བཅས་ལ་དོ་དམ་ལེགས། རབ་བྱུང་བཅུ་བཞི་པའི་ཆུ་རྟ་ཕྱི་ལོ་ ༡༨༢༢ ལོར་སྐུ་འབུམ་དགོན་པའི་གདན་ཁྲིར་བཞུགས་བྱོན། གདན་ས་ལོ་གཉིས་རིང་བསྐྱངས། བཙན་ཁང་ཆེན་མོའི་ཕོ་བྲང་ཞིག་གསོས་མཛད། ཞེ་དགུ་པ་རབ་བྱུང་བཅུ་བཞི་པའི་ཤིང་སྦྲུལ་ཕྱི་ལོ་ ༡༨༤༥ ལོར་སླར་སྐུ་འབུམ་དགོན་པའི་གདན་ཁྲིར་བཞུགས། འཛིན་བསྐྱངས་ལེགས་པར་གནང་། སྐབས་དེར་ཟི་ལིང་ནས་ཏ་ཏཱ་རིན་ཞེས་པས་དགོན་པར་དམག་དྲངས་ནས་གཏོར་བཤིག་བཏང། སྐུ་འབུམ་དགོན་དུ་ཡོང་ནས་ཀྱང་ཐུའུ་བཀྭན་སྒར་བར་བཅའ་སྡོད་བྱས། དགོན་པའི་བླ་གྲྭ་ཡོངས་འུར་ཟིང་བདེ་འཇམ་ཚུལ་དུ་མཚན་མོར་རང་རང་གི་ཁང་ཐོག་ཏུ་སྐྱོར་སྦྱང་མཛད་དེ། མ་ཤེས་པ་བཞིན་གནས་པས་སྙད་འདོགས་རྒྱུ་མ་རྙེད་པར་ཟི་ལིང་དུ་ལོག ཁྲི་ཆེན་ལས་ཐོག་པའི་བཀའ་དྲིན་ཡིན། འདས་ལོ་མི་གསལ། སྐུ་འབུམ་རྒྱུད་པ་མཁན་པོའི་ཁྲི་རབས་ཞེ་གཅིག་པ་དང་། སྐུ་འབུམ་དགོན་གྱི་གདན་རབས་ཁྲི་ཆེན་ཞེ་བརྒྱད་པ། ལྔ་བཅུ་ང་གསུམ་པ་བཅས་ཡིན།