76919

རྒྱལ་ཆེན་རིས་བཞི་ (1)

Part of speech	མིང་ཚིག
Definition	རི་རབ་འདི་ལ་ཆུའི་མཚམས་ཡན་ཆད་ན་བང་རིམ་བཞི་ཡོད་དེ། དེ་དག་གི་བར་གྱི་ཐག་ནི་དཔག་ཚད་སྟོང་ཕྲག་བཅུ་བཅུ་ཡོད་དོ། །དེ་ལ་བང་རིམ་དང་པོ་ནི་དཔག་ཚད་སྟོང་ཕྲག་དག་ནི་བཅུ་དྲུག་དང་། གཉིས་པ་ནི་བརྒྱད་དང་། གསུམ་པ་ནི་བཞི་དང་། བཞི་པ་ནི་གཉིས་ཕྱིར་འཕགས་སོ། །དེ་ཡང་ཁ་ཅིག་ནི་ཆུའི་སྟེང་ནས་ཕྱིར་དཔག་ཚད་སུམ་ཁྲི་འཕགས་ལ། དེ་ནས་དཔག་ཚད་སྟོང་ཕྲག་བཅུ་སྟེང་དུ་འདས་པ་ན་དཔག་ཚད་སྟོང་ཕྲག་བཅུ་དྲུག་ཞུམ་པ་ལ་སོགས་པར་འདོད་དོ། །བང་རིམ་བཞི་ཡོད་པ་དེ་ལ་དང་པོ་ལ་གནོད་སྦྱིན་ལག་ན་རིན་པོ་ཆེའི་གཞོང་ཐོགས་ཞེས་བྱ་བ་དང་། གཉིས་པ་ལ་མེ་ཏོག་གི་ཕྲེང་བ་ཐོགས་པ་དང་། གསུམ་པ་ལ་དགུན་ཆང་གིས་རྟག་ཏུ་མྱོང་པ་དང་། བཞི་པ་ལ་ནི་རྒྱལ་པོ་ཆེན་པོ་བཞི་བདག་ཉིད་དང་དེ་དག་གི་འཁོར་བའི་ལྷ་རྣམས་གནས་སོ། །ཇི་ལྟར་བང་རིམ་རྣམས་ལ་རྒྱལ་ཆེན་བཞིའི་རིས་ཀྱི་ལྷ་གནས་པ་དེ་བཞིན་དུ་གསེར་གྱི་རི་བདུན་པོ་དག་ལ་ཡང་རྒྱལ་ཆེན་རིས་བཞི་པའི་ལྷ་དག་གནས་སོ། །ཡང་གི་སྒྲས་ནི་ཁོར་ཡུག་དང་གླིང་རྣམས་ཀྱི་རི་དང་ཞིང་དང་ཆུ་ལ་སོགས་པ་ལའང་ཡོད་དོ་ཞེས་བསྡུ་བའི་ཕྱིར་རོ། །དེ་ཉིད་ཀྱི་ཕྱིར་ལྷའི་རིས་དེ་ནི་ལྷ་ཐམས་ཅད་པས་ཆེ་བ་ཡིན་ནོ་ཞེས་འགྲེལ་པ་ལས་འབྱུང་བ་ལ་ཊཱིཀ་བྱེད་དག་ཆེ་བའི་དོན་ཡང་རབ་ཏུ་མང་བས་ཡིན་གྱི་ཕུན་སུམ་ཚོགས་པས་ཆེ་བ་ནི་མ་ཡིན་ནོ་ཞེས་འཆད་དོ། །གདགས་པ་དང་ས་ལས་ནི་གཉའ་ཤིང་འཛིན་གྱི་ཤར་དང་ལྷོ་དང་ནུབ་དང་བྱང་ན་དཔག་ཚད་སྟོང་གིས་འཁོར་བའི་ཡུལ་འཁོར་སྲུང་དང་། འཕགས་སྐྱེས་པོ་དང་། སྣ་ཚོགས་གཟུགས་དང་། ལྕང་ལོ་ཅན་ཞེས་བྱ་བའི་ཕོ་བྲང་ཡོད་དེ། དེ་དག་ནི་རིམ་པ་ལྟར་རྒྱལ་པོ་ཆེན་པོ་ཡུལ་འཁོར་སྲུང་དང་། འཕགས་སྐྱེས་པོ་དང་། མིག་མི་བཟང་དང་། རྣམ་ཐོས་སྲས་འཁོར་དང་བཅས་པ་ལྷའི་འབྱོར་པ་ཆེན་པོས་བརྒྱན་ཏེ་གནས་ལ། རི་རབ་ཀྱི་བང་རིམ་གཉིས་པ་ལག་ན་ཁྲག་ཐོགས་པ་དང་། བཞི་པ་ལ་ཕྲེང་བ་ཐོགས་པ་ཡོད་པར་བཤད་དོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།