76943

རྒྱལ་པོ་ (1)

Part of speech	མིང་ཚིག
Definition	སྔར་ཡུལ་ཁམས་རྒྱ་ཆེན་པོ་དང་མི་སྡེ་ཧ་ཅང་མང་པོར་དབང་སྒྱུར་མཁན་གྱི་སྐྱེས་པ།
Example	རྒྱལ་པོ་སྲོང་བཙན་སྒམ་པོ། རྒྱལ་པོ་ཁྲི་སྲོང་ལྡེའུ་བཙན་ལྟ་བུ།
Synonyms	རྣམ་པར་རྒྱལ། གོང་མ་རྒྱལ་པོ། རྒྱལ་པོ་དྲ་མའི་མཚན་ཉིད། འཇིགས་སེལ་བྱེད། ནོར་གྱི་བློ་གྲོས་བདག ས་བདགས་དབང་། ས་ཡི་དབང་ཕྱུགས་འཛིན། འཛིན་མ་འཛིན། ནོར་འཛིན་སྐྱོང་། ས་གཞི་སྐྱོང་། གནམ་བསྐོས། གནམ་གྱི་རྒྱལ། གནམ་ལྷ་བབས་པའི་བདག་པོ། གནམ་གྱི་ཤེ་ལོང་། སྤྱི་བོར་དབང་བསྐུར། འབྱོར་འཇིགས་ཆེན་པོ། མི་རྗེ། རྗེ་བོ། མི་བདག མི་ཡི་དབང་ཕྱུག འགྲོ་བའི་དབང་ཕྱུག སྐྱེ་དགུའི་བདག་པོ། དམའ་སྐྱོབ། བཙན་པོ། མི་ཡི་མགོན་པོ། མི་ཡི་འདྲེན་པ། ས་སྤྱོད། ས་སྐྱོང་། ས་སྲུང་། ས་འཚོ། སྲིད་སྐྱོང་།

རྒྱལ་པོ་ (2)

Part of speech	མིང་ཚིག
Definition	གྲངས་ཀ་བཅུ་དྲུག་སྟེ། སྔར་རྒྱ་གར་དུ་རྒྱལ་ཕྲན་བཅུ་དྲུག་ལ་རྒྱལ་པོ་རེ་ཡོད་པ་རྣམས་བསྡོམས་པས་རྒྱལ་པོ་བཅུ་དྲུག་ཡོད་པས་སོ།
Type	མངོན་བརྗོད།

རྒྱལ་པོ་ (3)

Part of speech	མིང་ཚིག
Definition	འབྱུང་པོའི་བྱེ་བྲག་ཅིག་སྟེ།
Example	རྒྱལ་པོ་དང་བཙན་ཞེས་པ་ལྟ་བུ།
Domain	ཆོས་ལུགས།