77643

རྒྱུད་ཀྱི་ཡན་ལག་བཞི་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། རྒྱུད་ཀྱི་ཡན་ལག་བཞི་ནི། དཔལ་གསང་བ་སྙིང་པོའི་རྒྱུད་ཀྱི་ཡན་ལག་བཞི་སྟེ། ཡིད་ཀྱི་མུན་སེལ་དུ། (སྒྱུ་འཕྲུལ་)རྡོ་རྗེ་ལས། བརྗོད་འབྲེལ་དགོས་དང་ཡང་དགོས་པའི། །རྒྱུད་ཀྱི་ཡན་ལག་བཞི་རུ་འགྱུར། །ཞེས་གསུངས་པས། འདི་ལ་གསུམ་སྟེ། ངོས་བཟུང་། གཅིག་ཐ་དད་བརྟགས། གྲངས་ངེས་པའོ། །དང་པོ་ནི། རྒྱུད་འདིའི་གཞི་ལམ་འབྲས་བུ་གསུམ་ནི་བརྗོད་བྱ། དེའི་མཚོན་པ་མིང་ཚིག་ཡི་གེར་སྣང་བའི་གཞུང་ལེའུ་ཉི་ཤུ་རྩ་གཉིས་ནི་རྗོད་བྱེད། རྗོད་བྱེད་ཚིག་རྒྱུད་ལ་བརྟེན་ནས་བརྗོད་བྱ་དོན་གྱི་རྒྱུད་རྟོགས་པ་ནི་དགོས་པ། རྟོགས་པ་བཞིན་ཉམས་སུ་བླངས་པས་གནས་སྐབས་དང་མཐར་ཐུག་གི་དོན་གྲུབ་པ་ནི་ཉིང་དགོས། འབྲས་བུ་འགྲུབ་པ་དེ་ཉིད་རྒྱུད་དོན་རྟོགས་པ་ལ་ལྟོས་ཤིང་། རྟོགས་པའང་རྗོད་བྱེད་དང་བརྗོད་བྱ་ལ་བརྟེན་པའམ་ལྟོས་པ་ནི་འབྲེལ་པའོ། །ཚུལ་འདི་ནི་མན་ངག་ལྟ་ཕྲེང་དུ་གསུངས་ཏེ། གཞི་རང་བཞིན་གྱི་རྒྱུད་བརྗོད་བྱ། རྐྱེན་འཇུག་པའི་མཚན་ཉིད་དགོས་པ། རྒྱུ་ཤེས་པའི་མཚན་ཉིད་འབྲེལ་བ། དེ་གཉིས་ཀྱིས་མངོན་དུ་གྱུར་པ་འབྲས་བུའི་མཚན་ཉིད་དགོས་པའི་དགོས་པའོ། །ཞེས་གསུངས་སོ། །ཞེས་གསུངས། འདི་དག་ནི་རྟོགས་ལྡན་རྒྱུད་དོན་ལ་མི་འཇུག་པའི་གེགས་བཞི་སེལ་བྱེད་དུ་གསུང་ངོ་། །
Domain	ཆོས་ལུགས།