77921

རྒྱུའི་རྐྱེན་ (1)

Part of speech	མིང་ཚིག
Definition	རྒྱུའི་རྐྱེན་ཞེས་བྱ་བ་ནི་བྱེད་རྒྱུ་མ་གཏོགས་པ་རྒྱུ་ལྔ་པོ་ཅི་རིགས་པ་ཡིན་པའི་སྒོ་ནས་རང་གི་འབྲས་བུ་ལ་ཕན་འདོགས་པ་སྟེ་མཚན་ཉིད་དོ། །མཚན་གཞི་ནི་འདུས་བྱས་ཐམས་ཅད་དེ་བསྟན་བཅོས་ལས། རྒྱུའི་རྐྱེན་གང་ཞེ་ན། འདུས་བྱས་ཀྱི་ཆོས་ཐམས་ཅད་དོ་ཞེས་སོ། །སྒྲ་དོན་ནི་གཞི་མཐུན་པའོ་ཞེས་མཆིམས་བློ་བཟང་གྲགས་ཀྱི་ཆོས་མངོན་པ་གསལ་བྱེད་ལེགས་པར་བཤད་པའི་རྒྱ་མཚོ་ལས་སོ། ། རྒྱུའི་རྐྱེན་ཞེས་བྱ་བ་བྱེད་རྒྱུ་མ་ཡིན་པའི་རྒྱུ་ཕྱི་མ་ལྔ་ཡིན་ནོ། །གོང་མ་བ་ནི། ཀུན་གཞིའི་འཁོར་བའི་རྒྱུ་མཐུན་གྱི་བག་ཆགས་དང། ཟག་མེད་ཀྱི་ས་བོན་ནི་རིམ་པ་ལྟར། ཟག་བཅས་དང་ཟག་མེད་ཀྱི་རྒྱུའི་རྐྱེན་ཏེ། རྐྱེན་འདི་ཉེར་ལེན་དང་གཞན་གསུམ་ལྷན་ཅིག་བྱེད་རྐྱེན་འབྲས་བུ་སྐྱེ་བའི་ཐབས་ཙམ་དུ་བཞེད་པས་འབྲས་བུ་སྐྱེད་བྱེད་ཡིན་པའི་ངེས་པ་མེད་པར་འཆད་དོ་ཞེས་ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས་སོ། །
Domain	ཆོས་ལུགས།