78159

རྗེ་ཀ་ཆེན་ཡེ་ཤེས་རྒྱ་མཚོ་ (1)

Part of speech

མིང་ཚིག

Definition

ཀ་ཆེན་ཡེ་ཤེས་རྒྱ་མཚོ་ནི་ཕྱི་ལོ་༡༥༨༧མེ་ཕག་ལོ་སྨར་ཁམས་ཁྱུང་འབུམ་རྫོང་འགོ་དགོན་པའི་ཉེ་འདབས་སུ་ཡབ་སངས་རྒྱས་དང་ཡུམ་ལྷ་མོ་གཉིས་ལས་སྐུ་འཁྲུངས། བཀྲ་ཤིས་རྒྱ་མཚོ་སོགས་ལ་རབ་ཏུ་བྱུང་བས་མཚན་ཡེ་ཤེས་རྒྱ་མཚོ་གསོལ། བླ་མ་དེ་ཉིད་ལས་སྨར་ཚང་ཕྱག་ཆེན་དང་རྫོགས་ཆེན་གྱི་ཆོས་བསྐོར་ཐོས་བསམ་བྱས་ནས་ཡང་རི་དབེན་ཁྲོད་དུ་སྨར་ཚང་ཕྱག་ཆེན་དང་རྫོགས་ཆེན་གྱི་ཆོས་ཚུལ་ཉམས་སུ་བླངས་པའི་གྲུབ་ཐོབ་ཆེན་པོ་གྱུར། རྗེ་འདི་དགུང་ལོ་༥༢སོན་པའི་ལོར་སྲོག་པོ་གུ་ཤྭི་སྨར་ཁམས་སུ་འབྱོར་ནས་སྨར་ཚང་གིས་གདན་ས་ཤོ་དགོན་ལ་ལོ་ཉི་ཤུའི་རིང་དམག་སྒར་ཟིན་ཞིང་དགོན་མ་ལག་དང་བཅས་པ་གཏོར་བཤིག་བཏང་། དགུང་ལོ་དྲུག་ཅུ་རེ་གསུམ་ས་གླང་ལོ་བདེ་བར་གཤེགས། རྫོང་འགོ་དགོན་པ་འདི་ཕྱིས་སུ་འབྲུག་པ་བཀའ་བརྒྱུད་ཀྱིས་བཟུང་ནས་དབེན་དགོན་ཞིག་ཏུ་གྱུར་ཏེ། གྲོང་སྡེ་དེར་སྲུང་མ་ཇག་པ་མེ་ལེན་སོགས་རིམ་གྲོ་ཐམས་ཅད་ཨ་ལ་གཏོར་པ་ཚང་གིས་བྱས་སྲོལ་དུས་འགྱུར་བར་ཡོད། དགོན་པ་དེ་རིམ་བཞིན་ཁྱིམ་ཚང་འདྲེས་པ་གྱུར་པའི་རྫོང་འགོ་བླ་མ་ཚང་ཡིན།