78329

རྗེན་པ་འཚོད་པའི་ལྟུང་བྱེད་ (1)

Part of speech	མིང་ཚིག
Definition	མདོ། འདུལ་བ། གླེང་གཞི་ནི་སྦོམ་དགའ་མོས་ཁྱིམ་བདག་གི་ཆུང་མ་ལ་བསོད་སྙོམས་བླངས་པ་ན། འཕགས་མ་བཅའ་བ་འདི་ཆོས་ལ་བདག་ལ་བྱིན་ཅིག་ཅེས་ཟེར་བ་དང་། སྦོམ་དགའ་མོས་དོག་ལེ་བཀྲུས་བཤལ་སྲེགས་ཏེ་མར་ཁུས་བཀང་ནས། ཀུན་ཏུ་གཡོས་པ་དང་ལེགས་པར་གཡོས་པ་སྣ་ཚོགས་པ་བྱས་ཏེ། གྲོང་བརྡལ་དེའི་ཕྱེད་དྲི་ཡིས་ཁྱབ་པར་བྱས་པ་ན། གཡོས་མཁན་གྱིས་འཚོ་བ་བཅད་དོ་ཞེས་འཕྱ་བར་བྱེད་པ་ལས་སོ། །དགག་བྱ་ནི་དོན་དང་བྱ་བ་མང་བའོ། །དགེ་སློང་མས་དངོས་པོ་རྗེན་པར་རང་ངམ་རང་དང་འདྲ་བ་ལོངས་སྤྱོད་པའི་ཆེད་མེ་དང་འབྲེལ་པས་འཚོད་པ་ལ་ལྟུང་བྱེད་དུ་འགྱུར་རོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། ། དགེ་སློང་གིས་བཙོས་པའི་སྐབས་སུ་མི་སྙི་བ་རྣམས་ཀྱི་གསུམ་ཆ་བང་པ་དང། སྙི་བ་རྣམས་ཀྱི་ཁ་དོག་གྱུར་པ་དང། ཁུ་བ་རྣམས་ཀྱི་ལན་གཉིས་ཁོལ་བར་གྱུར་པའི་རྗེན་པ་བཙོས་པ་ནི་རྗེན་པ་འཚོད་པའི་ལྟུང་བྱེད་ཡིན་ཏེ། ཁྱིམ་པ་མོའི་བཟོ་སྟོན་པའི་ལྟུང་བྱེད་དོ། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས་སོ། །
Domain	ཆོས་ལུགས།