78345

རྗེས་ཁྱབ་ཀྱི་མཚན་ཉིད་ཟུར་དུ་ཉིད་ཡོད་པའི་སྔར་སྨོས་པ་ (1)

Part of speech	མིང་ཚིག
Definition	དེ་ཡང་། པཎ་ཆེན་བསོད་ནམས་གྲགས་པའི་རྣམ་འགྲེལ་དགོངས་པ་རབ་གསལ་ལས། ཉིད་ཡོད་པའི་སྔར་སྨོས་ཤིང་ཕྱིས་མ་སྨོས་པའི་དགོས་པ་ཡོད་དེ། རྩོལ་བྱུང་སྒྲ་མི་རྟག་པར་སྒྲུབ་པའི་རྗེས་ཁྱབ་ཏུ་བསྟན་པའི་དགོས་པ་ཡོད་པའི་ཕྱིར། ཚིག་དེ་ལ་བརྟེན་ནས་དེ་དེ་ཡིན་པ་གོ་བར་འགྱུར་ཏེ། རྩོལ་བྱུང་མི་རྟག་པ་ཁོ་ན་ལ་ཡོད་ཀྱང་། མི་རྟག་པ་ལ་ཡོད་པ་ཁོ་ན་མ་ཡིན་པའི་ཕྱིར་ཏེ། དེ་དེ་མཐའ་དག་ལ་ཡོད་པ་མ་ཡིན་པའི་ཕྱིར་ཏེ། རྩོལ་མ་བྱུང་གི་བྲག་རི་ལ་མེད་པའི་ཕྱིར། དེ་ལྟར་ཡང་འཐད་ལྡན་ཆུང་བ་ལས། ཡོད་པ་སྨོས་པ་ལ་སྔར་ངེས་པར་བཟུང་བ་སྨོས་པས་ནི་ཡོད་པ་མིན་ཡང་མི་མཐུན་པའི་ཕྱོགས་ལ་མ་ཁྱབ་པ། རྩོལ་བ་ལས་བྱུང་བ་དག་ཀྱང་། གཏན་ཚིགས་ཉིད་དུ་བསྟན་པ་ཡིན་ནོ། །ཕྱིས་ངེས་པར་བཟུང་བ་བྱས་ན་ནི། དོན་འདིར་འགྱུར་ཏེ། གང་ཞིག་མཐུན་པའི་ཕྱོགས་ལ་ཡོད་པ་ཉིད་དེ་གཏན་ཚིགས་ཡིན་ནོ་ཞེས་བྱ་བར་འགྱུར་བས། རྩོལ་བ་ལས་བྱུང་བ་ཉིད་གཏན་ཚིགས་མ་ཡིན་པར་འགྱུར་རོ། །
Domain	ཚད་མ།