78511

རྗེས་སུ་ཡི་རང་བ་བཞི་ (1)

Part of speech	མིང་ཚིག
Definition	ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་ཏིང་འཛིན་གྱི་མདོ་ལས་བྱུང་བ་སྟེ། ༡ ཇི་ལྟར་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་ཏིང་ངེ་འཛིན་འདི་གསན་ནས་ལུང་ནོས་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཆེད་དུ་མང་དུ་ཐོས་པ་ཡོངས་སུ་རྫོགས་པར་བྱ་བའི་ཕྱིར་རྗེས་སུ་ཡི་རང་བ་དེ་བཞིན་དུ་བདག་ཀྱང་ཏིང་ངེ་འཛིན་འདི་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཆེད་དུ་མང་དུ་ཐོས་པ་ཡོངས་སུ་རྫོགས་པར་བྱ་བའི་ཕྱིར་རྗེས་སུ་ཡི་རང་ངོ༌། །བྱང་ཆུབ་སེམས་དཔའི་རྗེས་སུ་ཡི་རང་བ་དང་པོའོ། ། ༢ ཇི་ལྟར་མ་བྱོན་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་བྱང་ཆུབ་སེམས་དཔའི་སྤྱད་པ་སྤྱོད་པར་འགྱུར་བ་ན་ཏིང་ངེ་འཛིན་འདི་གསན་ནས་ལུང་ནོས་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཆེད་དུ་མང་དུ་ཐོས་པ་ཐོབ་པར་བྱ་བ་དང༌། མང་དུ་ཐོས་པ་ཡོངས་སུ་རྫོགས་པར་བྱ་བའི་ཕྱིར་རྗེས་སུ་ཡི་རང་བར་འགྱུར་བ་དེ་བཞིན་དུ་བདག་ཀྱང་རྗེས་སུ་ཡི་རང་ངོ༌། །བྱང་ཆུབ་སེམས་དཔའི་རྗེས་སུ་ཡི་རང་བ་གཉིས་པའོ། །༣ བྱང་ཆུབ་སེམས་དཔས་འདི་སྐད་དུ་ཇི་ལྟར་ད་ལྟར་བྱུང་བའི་དུས་ན་ད་ལྟར་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་ཏིང་ངེ་འཛིན་འདི་གསན་ནས་ལུང་ནོས་ཏེ་རྗེས་སུ་ཡི་རང་ནས་མང་དུ་ཐོས་པ་ཡོངས་སུ་རྫོགས་པར་མཛད་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དང༌། ད་ལྟར་བྱང་ཆུབ་སེམས་དཔའ་རྣམས་ཏིང་ངེ་འཛིན་འདི་ལ་ཇི་ལྟར་རྗེས་སུ་ཡི་རང་བ་དེ་བཞིན་དུ་བདག་ཀྱང་ད་ལྟར་གྱི་ཏིང་ངེ་འཛིན་འདི་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཆེད་དུ་མང་དུ་ཐོས་པ་ཡོངས་སུ་རྫོགས་པར་བྱ་བའི་ཕྱིར་རྗེས་སུ་ཡི་རང་ངོ༌། །ཞེས་བརྗོད་པར་བྱ་སྟེ། བྱང་ཆུབ་སེམས་དཔའི་རྗེས་སུ་ཡི་རང་བ་གསུམ་པའོ། །༤ བྱང་ཆུབ་སེམས་དཔས་འདི་སྐད་དུ་བདག་གིས་རྗེས་སུ་ཡི་རང་བ་དང་ལྡན་པའི་བསོད་ནམས་འདི་ཐམས་ཅད་སེམས་ཅན་ཐམས་ཅད་དང་ལྷན་ཅིག་ཏུ་ཐུན་མོང་དུ་བྱས་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་གྱུར་ཅིག ། ཏིང་ངེ་འཛིན་འདིའང་ཐོབ་པར་གྱུར་ཅིག ། མང་དུ་ཐོས་པ་ཡོངས་སུ་རྫོགས་པར་གྱུར་ཅིག ། ཅེས་བརྗོད་པར་བྱ་སྟེ། བྱང་ཆུབ་སེམས་དཔའི་རྗེས་སུ་ཡི་རང་བ་དང་ལྡན་པའི་བསོད་ནམས་བཞི་པའོ། །
Domain	ཆོས་ལུགས།