78975

རྟགས་ཀྱི་རྟོག་པ་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། རྣམ་པར་རྟོག་པའི་རི་བོ་བཅུའི་ནང་གསེས་ཤིག་སྟེ། ནང་གི་ཡོན་ཏན་གྱི་བརྡ་དོན་ཕྱི་རུ་སྣང་བའི་ཕྱིར་རྟགས་ཀྱི་རྟོག་པ་ཞེས་བྱ། འདིའི་དོན་མདོ་དགོངས་པ་འདུས་པ་ལས། ལང་ཀའི་བདག་པོ་རྟགས་ཀྱི་རྟོག་པ་གང་ཞེ་ན། འདི་ལྟ་སྟེ། ཆོས་ཀྱི་རྒྱལ་པོ་བསྙེངས་པ་མི་མངའ་བའི་དབང་ཆེན་པོ་བརྙེས་པའི་རྟགས་དང༌། ཉམ་བག་ཆེན་པོ་རོལ་པའི་རྟགས་དང༌། གང་གི་དཔུང་གིས་མི་བསྙེངས་པའི་རྟགས་དང༌། ཡུན་གྱི་དོན་སྲིད་བརྙེས་པའི་རྟགས་དང༌། སྟོབས་ཀྱིས་གཞན་གང་གནོན་པའི་རྟགས་དང༌། རྫུ་འཕྲུལ་གྱིས་མི་གནས་པར་སྐྱོད་པའི་རྟགས་དང༌། མི་ཟད་པའི་མཛད་མངའ་བའི་རྟགས་ཏེ། ཞེས་གསུངས་པ་ལྟར་ནང་དུ་ཡོན་ཏན་བདུན་པོ་མངའ་བའི་རྟགས་ཕྱི་རུ་རིན་ཆེན་སྣ་བདུན་གྱིས་མཚོན་པར་གསུངས་སོ། །
Domain	ཆོས་ལུགས།