79710

རྡོ་རྗེ་གསང་བ་ (1)

Part of speech	མིང་ཚིག
Definition	དཔལ་གསང་བ་སྙིང་པོའི་རྒྱུད་ཀྱི་སྡུད་པ་པོ་ཕྱག་ན་རྡོ་རྗེའི་གསང་བའི་མཚན་དུ་གསུངས་ཏེ། དཔལ་གསང་བ་སྙིང་པོའི་རྒྱ་ཆེར་འགྲེལ་པ་ལས། རྡོ་རྗེ་གསང་བའི་ཚིག་ཏུའོ། །ཞེས་བྱ་བ་གསུངས་པའི་ཕྱིར་ཏེ། དེ་ཡང་འདི་དུས་སྔོན་དུ་སངས་རྒྱས་པར་གྱུར་པ་བཞིན་དུ། ཀུན་ཏུ་བཟང་པོས་དབང་བསྐུར་བ་འདི་ཉིད་དུ་ཡང་བྱས་པས། གསང་བའི་མཚན་རྡོ་རྗེ་གསང་བ་ཞེས་བྱ་སྟེ། ཕྱི་རོལ་དུ་གསང་བའི་བདག་པོ་ཕྱག་ན་རྡོ་རྗེ་ཞེས་གྲགས་པ་ཡིན་ནོ། །ཞེས་གསུངས་སོ། །

རྡོ་རྗེ་གསང་བ་ (2)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། རྒྱུད་ཀྱི་རང་བཞིན་དུ་གསུངས་པར་སྣང་སྟེ། ཕྱོགས་བཅུའི་མུན་སེལ་ལས། རྡོ་རྗེ་གསང་བའི་ཚིག་རྒྱུད་ཀྱི་རང་བཞིན་དུའོ། །འདི་ལ་ཁ་ཅིག་སྡུད་པ་པོའི་རྣམ་པར་སྦྱོར་བ་ནི་མི་འཐད་དེ་རྡོ་རྗེ་གསང་བ་སྙིང་པོའི་རྒྱུད་ཡིན་པའི་ཕྱིར་རོ། །སྐབས་འདིར་བླ་མ་རོང་པ། དེ་བཞིན་ཉིད་ཀྱི་དཀྱིལ་འཁོར། དབྱིངས་ཀྱི་དཀྱིལ་འཁོར། དབང་བསྒྱུར་ཐབས་ཀྱི་དཀྱིལ་འཁོར། ཡེ་ཤེས་ཀྱི་དཀྱིལ་འཁོར། ཐུགས་རྗེའི་དཀྱིལ་འཁོར། རང་སྣང་བའི་དཀྱིལ་འཁོར། ཉིད་ཀྱི་དཀྱིལ་འཁོར། ཏིང་ངེ་འཛིན་གྱི་དཀྱིལ་འཁོར། གཟུགས་བརྙན་གྱི་དཀྱིལ་འཁོར། སྒྱུ་མའི་དཀྱིལ་འཁོར། རྣམ་པར་དག་པའི་དཀྱིལ་འཁོར། གསལ་བའི་དཀྱིལ་འཁོར་དུ་བཞེད་དོ། །དེ་ཡང་རྡོ་རྗེའི་ཚིག་ཡིན་པས་གང་དུའང་སྦྱར་དུ་རུང་མོད་ཀྱི། འོན་ཀྱང་སྐབས་འདི་ཏིང་ངེ་འཛིན་གསུམ་དང་། གཟུགས་བརྙན་གྱི་དཀྱིལ་འཁོར་ལ་སོགས་པ་ལམ་གྱི་དཀྱིལ་འཁོར་སྟོན་པའི་སྐབས་མ་ཡིན་ཞིང་། སངས་རྒྱས་ཀྱི་རང་སྣང་ལྷུན་གྱིས་གྲུབ་པའི་དཀྱིལ་འཁོར་སྟོན་པའི་སྐབས་ཡིན་པའི་ཕྱིར་མ་འབྲེལ་ལོ། །ཁ་ཅིག་གླེང་གཞི་བསྡུས་པར་འདོད་པ་དེ་དག་གིས་ཀྱང་གཞུང་གི་ཕྱོགས་ཙམ་ཡང་མ་མཐོང་བ་ཉིད་དོ། །ཞེས་གསུངས་སོ། །
Domain	ཆོས་ལུགས།