80067

རྡོ་རྗེ་སེམས་དཔའི་མཚན་གྱི་རྩ་བ་བཅུ་གཅིག་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པའི་ལེའུ་བརྒྱད་པར་བསྟན་པའི་རྡོ་རྗེ་སེམས་དཔའི་མཚན་གྱི་རྩ་བ་བཅུ་གཅིག་སྟེ། བླ་ན་མེད་པའི་བྱང་ཆུབ་ཀྱི་སེམས་དང། ཆོས་རྣམས་ཀྱི་ཆོས་ཉིད་དེ་བཞིན་ཉིད་དང། སེམས་ཀྱི་སྟོང་པ་ཉིད་དང། མཐའ་ལས་འདས་པ་དང། དབུ་མར་མི་དམིགས་པ་དང། སངས་རྒྱས་ཀུན་གྱི་དངོས་གཞི་དང། སྤྲུལ་པ་ཀུན་གྱི་འབྱུང་གནས་དང། སངས་རྒྱས་ཀུན་གྱི་དགེ་བའི་བཤེས་གཉེན་དང། ཞིང་ཁམས་ཀུན་གྱི་སྒྲོན་མ་དང། ཐུགས་རྗེ་ཐབས་ཀྱི་འབྱུང་གནས་དང། ཆོས་ཐམས་ཅད་ཀྱི་གཟུགས་བརྙན་སྣང་བ་བཅས་བཅུ་གཅིག་གོ ། འདིའི་དོན་གཟི་ལྡན་འཆར་ཁའི་འོད་སྣང་ལས། རྡོ་རྗེ་སེམས་དཔའི་མཚན་སྒྲ་དུ་མར་སྣང་བའི་རྩ་བ་བཅུ་གཅིག་བསྟན་པ་གང་ཞེ་ན། ལངྐའི་བདག་པོ། རྡོ་རྗེ་སེམས་དཔའི་དེ་ཁོ་ན་ཉིད་དེ་ལ་ནི་ཆེ་བ་རིལ་གྱི་བདག་ཉིད་པས་བླ་ན་མེད་པ་ཟླ་མེད་ཅིང་དྲི་མ་མ་སྤངས་ལ་དག་པས་བྱང༌། ཡོན་ཏན་རང་སྣང་དུ་ལྷུན་གྱིས་གྲུབ་པས་ཆུབ། གཉིས་མེད་ཀྱི་ངོ་བོ་གསལ་ལ་མི་གཡོ་བས་སེམས་ཞེས་ཀྱང་བྱའོ། །བཤད་མ་ཐག་པ་ལྟར་ཆོས་བཞིས་བསྡུས་པ་རིལ་གྱི་ངོ་བོ་ཕྱོགས་རིས་དང་བྲལ་བས་ཆོས་རྣམས་ཀྱི་ཆོས་ཉིད་མ་བཅོས་པ་ཆེན་པོའི་ཕྱིར་དེ་བཞིན་ཉིད་ཅེས་ཀྱང་བྱའོ། །ངོ་བོ་མ་སྤངས་ལ་མ་གྲུབ་པའི་ཕྱིར་སེམས་ཀྱི་སྟོང་པ་ཉིད་ཅེས་ཀྱང་བྱའོ། །ཚིག་གིས་བརྗོད་དུ་མི་བཏུབ་ཅིང་གང་ལའང་མི་གནས་པས་མཐའ་ལས་འདས་པ་ཞེས་ཀྱང་བྱའོ། །མཐའ་མི་སྤོང་ཞིང་དབུས་ཡུལ་དུ་མི་བྱེད་པས་དེ་ཉིད་དུའང་འཛིན་པ་དང་བྲལ་བས་དབུ་མར་མི་དམིགས་པ་ཞེས་ཀྱང་བྱའོ། །ནོར་བུ་རིན་པོ་ཆེ་ལྟར་རྒྱལ་བ་རིལ་གྱི་ངོ་བོར་བཞུགས་ཏེ་གང་མོས་སུ་སྣང་བས་སངས་རྒྱས་ཀུན་གྱི་དངོས་གཞི་ཞེས་ཀྱང་བྱའོ། །འགྲོ་འོང་མེད་པར་ཇི་ལྟར་འདུལ་བ་བཞིན་རང་སྣང་བས་སྤྲུལ་པ་ཀུན་གྱི་འབྱུང་གནས་ཞེས་ཀྱང་བྱའོ། །སངས་རྒྱས་ཀུན་འདིས་གྲོལ་བར་བྱེད་པས་སངས་རྒྱས་ཀུན་གྱི་དགེ་བའི་བཤེས་གཉེན་ཞེས་ཀྱང་བྱའོ། །རྟོགས་ན་མུན་པ་སེལ་ཞིང་སྤྲུལ་པ་ཐམས་ཅད་པ་ཡིན་པས་ཞིང་ཁམས་ཀུན་གྱི་སྒྲོན་མ་ཞེས་ཀྱང་བྱའོ། །བྱིན་རླབས་མི་འགོག་པར་ཅིར་ཡང་འཆར་ལ་རང་སྣང་ཡེ་ཤེས་ཆེན་པོས་ཟིན་པས་ཐུགས་རྗེ་ཐབས་ཀྱི་འབྱུང་གནས་ཞེས་ཀྱང་བྱའོ། །རིལ་མ་འདྲེས་པ་ཡོངས་སུ་རྫོགས་པའི་ཕྱིར་ཆོས་ཐམས་ཅད་ཀྱི་གཟུགས་བརྙན་སྣང་བ་ཞེས་ཀྱང་བྱའོ། །ཞེས་གསུངས་སོ། །
Domain	[ཆོས་ལུགས།, ལྟ་གྲུབ།]

{{#arraymap:རྡོ་རྗེ་སེམས་དཔའི་མཚན་གྱི་རྩ་བ་བཅུ་གཅིག་

|; |@@@ | | }}