80108

རྡོ་རྗེ་སློབ་དཔོན་ (1)

Part of speech	མིང་ཚིག
Definition	སྔགས། རྣལ་འབྱོར་བླ་མེད་རྒྱུད། དཔལ་དུས་ཀྱི་འཁོར་ལོ་ལས་བསྟན་པའི་སློབ་དཔོན་ནི། བརྟན་ཅིང་དུལ་ལ་བློ་གྲོས་ལྡན། །བཟོད་ལྡན་དྲང་ལ་གཡོ་སྒྱུ་མེད། །སྔགས་དང་རྒྱུད་ཀྱི་སྦྱོར་བ་ཤེས། །སྙིང་བརྩེ་ལྡན་ཞིང་བསྟན་བཅོས་མཁས། །དེ་ཉིད་བཅུ་ནི་ཡོངས་སུ་ཤེས། །དཀྱིལ་འཁོར་འབྲི་བའི་ལས་ལ་མཁས། །གསང་སྔགས་འཆད་བྱེད་སློབ་དཔོན་ཏེ། །རབ་ཏུ་དང་ཞིང་དབང་པོ་དུལ། །མཚན་ཉིད་ཐམས་ཅད་དང་ལྡན་པ་ནི་སློབ་དཔོན་མཆོག་ཏུ་གྱུར་བ་དང་། སྐྱོན་སྤངས་ཡོན་ཏན་གྱི་མཚན་ཉིད་ཐམས་ཅད་མ་རྫོགས་ཀྱང་མེད་མི་རུང་གི་ཡོན་ཏན་དང་ལྡན་པའི་སློབ་དཔོན་དུ་འོས་པ་གཉིས་སོ། །སྐྱོན་བདུན་ལས་ལྔའམ་དྲུག་སྤངས་ན། གཉིིས་སམ་གཅིག་ལྟ་བུ་ཡོད་ཀྱང་ཉེས་པ་མི་བསྐྱེད་པའང་ཡོད་མོད། སྐྱོན་དེ་དག་གི་ནང་ནས་སྙིང་རྗེ་མེད་པ་ཁོ་ན་སྐྱོན་ཆེ་བས་དེ་སྤངས་པ་གལ་ཆེའོ། །མདོར་ན་རྣམ་པ་ཀུན་ལྡན་གྱི་སྟོང་པ་ཉིད་དང་མི་འགྱུར་བའི་བདེ་བ་ཟུང་དུ་སྦྱོར་བའི་ལམ་མཆོག་འདི་རང་གི་ཐུགས་ལ་འཁྲུངས་ཤིང་ཞལ་གྱི་སྒོ་ནས་སློབ་མ་ལ་བསྟན་པས་བྱིན་རླབས་འཕོ་བར་མཛད་ནུས་པའོ། །
Domain	ཆོས་ལུགས།

{{#arraymap:རྡོ་རྗེ་སློབ་དཔོན་

|; |@@@ | | }}

རྡོ་རྗེ་སློབ་དཔོན་ (2)

Part of speech

མིང་ཚིག

Definition

རྡོ་རྗེ་སློབ་དཔོན་ནི་བླ་མ་ལྔ་བཅུ་པར་གསུངས་པའི་ཁྲོ་བ་དང་ང་རྒྱལ་ལ་སོགས་པའི་སྐྱོན་དང་མི་ལྡན་ཅིང། སྙིང་རྗེ་དང་དེ་ཉིད་བཅུ་ལ་སོགས་པའི་ཡོན་ཏན་དང་ལྡན་པ། རྡོ་རྗེ་འཆང་ནས་བརྒྱུད་པའི་དབང་གི་ཆུ་བོ་མ་ནུབ་པ། བྱིན་བརླབས་ཀྱི་བརྒྱུད་པ་མ་ཉམས་པ། གདམས་ངག་གི་སརྒ་མ་ལོག་པ། མོས་གུས་ཀྱིས་བསམ་པ་ཚིམ་པ་སྟེ། སྙན་བརྒྱུད་བཞི་དང་ལྡན་པ། གསང་སྔགས་ལག་ལེན་གྱི་མཐའ་ཅན་ཡིན་པས་བླ་མ་གོང་མའི་ཕྱག་ལེན་ཇི་ལྟར་མཛད་པའི་བཀའ་སྲོལ་ལ་བསྲེ་ལྷད་མ་ཞུགས་པ། དམར་ཁྲིད་ཀྱི་གསུང་རྒྱུན་ཁུངས་ནས་བྱུང་བ་རྣམས་ཚང་བའི་སྒོ་ནས་ཆོ་ག་མ་འཁྲུགས་པར་རྒྱུད་གཞན་དང་ཐུན་མོང་བའི་རྒྱས་འགེབས་པ་དགོས་པ་རྣམས་ཚང་ཞིང་རང་རང་གི་ལུགས་ཐུན་མོང་མ་ཡིན་པ་གཞན་དང་མ་འདྲེས་པར་དགོངས་པ་རྣམས་དམིགས་ཕྱེད་པ། དབང་པོའི་ཐ་དད་དུ་སློབ་དཔོན་དང། དབང་རྫས་དང། སློབ་མ་རྣམས་ཀྱི་སྦྱང་གཞི་དང་སྦྱང་བྱ་དང། སྦྱོང་བྱེད་དང་སྦྱང་འབྲས་རྣམས་ཐད་ཀར་ངོ་འཕྲད་པའི་དབང་བསྐུར་ཤེས་པ་གཅིག་དགོས་སོ་ཞེས་སྤོས་ཁང་པའི་རྣམ་བཤད་གཞུང་ལུགས་ལེགས་བཤད་ལས་སོ། ། སྤྱིར་ས་ཐོབ་ནས་མཆོག་གི་སྤྲུལ་པའི་སྐུ་དང་། ལོངས་སྤྱོད་རྫོགས་པའི་སྐུ་ལས་བླང་བ་སོགས་མང་དུ་བཤད་ཀྱང་། སོ་སོའི་སྐྱེ་བོའི་སློབ་མ་སྣོད་ལྡན་ཞིག་གིས་སོ་སོའི་སྐྱེ་བོའི་རྡོ་རྗེ་སློབ་དཔོན་ལ་དབང་ཞུ་བའི་དབང་དུ་བྱས་ནས། དེའི་མཚན་ཉིད་རྒྱུད་སྡེ་རྣམས་ལས་མང་དུ་གསུངས་པ་རྣམས་མདོར་སྡུས་ཏེ། བླ་མ་ལྔ་བཅུ་པ་ལས། བརྟན་ཅིང་དུལ་ལ་བློ་གྲོས་ལྡན། །བཟོད་ལྡན་དྲང་ལ་གཡོ་རྒྱུ་མེད། །སྔགས་དང་རྒྱུད་ཀྱི་སྦྱོར་བ་ཤེས། །སྙིང་རྗེ་ལྡན་ཞིང་བསྟན་བཅོས་མཁས། །དེ་ཉིད་བཅུ་ནི་ཡོངས་སུ་ཤེས། །དཀྱིལ་འཁོར་བྲི་བའི་ལས་ལ་མཁས། །སྔགས་བཤད་པ་ཡི་སྦྱོར་བ་ཤེས། །རབ་ཏུ་དང་ཞིང་དབང་པོ་དུལ། །ཞེས་གསུངས་སོ། །མདོར་ན་དེང་སང་སྔགས་སྡོམ་ལེན་པའི་ཡུལ་གྱི་རྡོ་རྗེ་སློབ་དཔོན་ནི་གཞུང་འདི་ཉིད་ལས། བླ་མ་བརྒྱུད་པ་མ་ཉམས་ཤིང། །ཆོ་ག་འཁྲུགས་པར་མ་གྱུར་པ། །ཕྱི་ནང་རྟེན་འབྲེལ་བསྒྲིག་མཁྱེན་ཅིང། །སྐུ་བཞིའི་ས་བོན་ཐེབས་ནུས་པ། །སངས་རྒྱས་གསུང་བཞིན་མཛད་པ་ཡི། །བླ་མ་བཙལ་ལ་དབང་བཞི་བླང། །ཞེས་གསུངས་པ་ལྟར་བཟུང་བ་བྱའོ་ཞེས་ཀུན་མཁྱེན་གོ་རམས་པའི་སྡོམ་གསུམ་སྤྱི་དོན་ཡིད་བཞིན་ནོར་བུ་ལས་སོ། །

{{#arraymap:རྡོ་རྗེ་སློབ་དཔོན་

|; |@@@ | | }}