80110
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | རྡོ་རྗེ་སློབ་དཔོན་གྱི་དབང་ཐོབ་ནས་བྱ་དགོས་པའི་ཐུན་མོང་མ་ཡིན་པ་རྣམས་གང་ཞེ་ན། དཀྱིལ་འཁོར་གྱི་འཁོར་ལོ་བྱང་ཕྱོགས་སོ་བདུན་དང་སྦྱར་བ་འཁོར་ལོའི་དེ་ཉིད་དང། དཀྱིལ་འཁོར་གྱི་ལྷ་རྣམས་ཕུང་ཁམས་སྐྱེ་མཆེད་དང་སྦྱར་བ་ལྷའི་དེ་ཉིད་ལ་སོགས་པ། སྦྱང་གཞི་སྦྱོང་བྱེད་ཀྱི་རྣམ་དག་སྦྱར་བའི་རྟེན་དང་བརྟེན་པར་བཅས་པའི་དཀྱིལ་འཁོར་བསྒོམ་པ་དང། དབང་བསྐུར་དང་རབ་གནས་ལ་སོགས་པའི་གཞན་དོན་དང། སངས་རྒྱས་ཀུན་གྱི་དམ་ཚིག་གི་རྡོ་རྗེ་དྲིལ་བུ་ཕྱག་རྒྱ་གསུམ་དང། ཐེག་པ་བླ་ན་མེད་པའི་སྔགས་ཀྱི་སྡོམ་པ་ཡོངས་རྫོགས་རྡོ་རྗེ་སློབ་དཔོན་ཁོ་ནའི་ལས་ཡིན་གྱི། གཞན་སློབ་མའི་དབང་ཙམ་ཐོབ་པ་དང། དབང་བསྐུར་གཏན་མ་ཐོབ་པ་རྣམས་ཀྱིས་བྱར་མི་རུང་སྟེ། རྡོ་རྗེ་སློབ་དཔོན་གྱི་དབང་གི་གསོལ་བ་གདབ་པའི་སྐབས་སུ། འཁོར་ལོ་ལྷ་ཡི་དེ་ཉིད་དང། །སློབ་དཔོན་ཕྲིན་ལས་ཡོངས་སུ་གསུངས། །སངས་རྒྱས་ཀུན་གྱི་དམ་ཚིག་དང། །སྡོམ་པའང་བླ་ན་མེད་པ་སྩོལ། །ཞེས་གསུང་པའི་ཕྱིར། རྡོ་རྗེ་སློབ་དཔོན་གྱི་ལས་འདི་དག་ནི། གཙོ་བོར་བླ་མེད་ཀྱི་དབང་དུ་བྱས་པ་ཡིན་གྱི། རྒྱུད་སྡེ་འོག་མའི་རྡོ་རྗེ་སློབ་དཔོན་གྱི་དབང་ཐོབ་པ་ཙམ་གྱིས། འདི་དག་ཐམས་ཅད་བྱར་རུང་བའི་ངེས་པ་མེད་དོ། །འོན་ཀྱང་དེ་དག་ལ་དབང་བསྐུར་དང། རབ་གནས་དང། རྒྱུད་འཆད་པ་རྣམས་ནི་རུང་ངོ་ཞེས་ཀུན་མཁྱེན་གོ་རམས་པའི་སྡོམ་གསུམ་རྣམ་བཤད་གསུང་རབ་དགོངས་གསལ་ལས་སོ། ། |
| Domain | ཆོས་ལུགས། |
{{#arraymap:རྡོ་རྗེ་སློབ་དཔོན་གྱི་དབང་གི་བྱེད་ལས་
|; |@@@ | | }}