80225

རྡོ་སྦིས་ཤེས་རབ་རྒྱ་མཚོ་ (1)

Part of speech

མིང་ཚིག

Definition

རབ་བྱང་བཅོ་ལྔ་པའི་ཤིང་སྤྲེལ་ཕྱིལོ་ ༡༨༨༤ ལོར་མདོ་སྨད་རྡོ་སྦིས་ཡུལ་དུ་ཡབ་ལྷ་ལུང་སྐྱབས་དང་། ཡུམ་ལྷ་ལུང་སྐྱིད་གཉིས་ཀྱི་སྲུས་སུ་འཁྲུངས། དགུང་ལོ་བདུན་པར་སྒོ་མང་དགེ་བཤེས་ནོར་བུ་རིན་པོ་ཆེ་ལས་རབ་ཏུ་བྱུང་། དགེ་ཚུལ་གྱི་སྡོམ་པ་ཡང་བཞེས། རྡོ་སྦིས་དགོན་དུ་ཡི་གེའི་སྦྱོར་ཀློག་ལ་སྦྱངས། བཅུ་དྲུག་པར་བླ་བྲང་བཀྲ་ཤིས་འཁྱིལ་དུ་མདོ་སྔགས་རིག་གནས་ཀུན་ལ་སྦྱངས་བརྩོན། གུང་ཐང་བློ་གྲོས་ཚང་ལས་བསྙེན་པར་རྫོགས། ཉེར་གཅིག་པར་དབུས་སུ་ཕེབས་ནས་འབྲས་སྤུངས་སྒོ་མང་གྲྭ་ཚང་དུ་ཞུགས། མཁས་དབང་མཆོག་གྲུབ་དཀར་པོ་གཙོས་བླ་མ་སུམ་ཅུ་ལྷག་ལས་གཞུང་བཀའ་པོད་ལྔར་མཁས་པར་སྦྱངས། སོ་གསུམ་པར་དམིགས་གསལ་གྱིས་ལྷ་རམས་པ་འཕར་མའི་མཚན་བཏགས་བཞེས། ནོར་བུ་གླིང་གའི་རྩོད་རྒྱུགས་ཚེ་ཨང་དང་པོོ་བཞེས། ལོ་དེར་རྒྱལ་དབང་མཆོག་གིས་རིག་པའི་གནས་ལྔ་ལ་མཁས་པའི་ཨང་དང་པོ་མཚན་སྙན་སྩལ། སོ་བཞི་པར་རྒྱལ་བ་བཅུ་གསུམ་པའི་བཀའ་ལྟར་བུ་སྟོན་གྱི་གསུང་འབུམ་དང། བཀའ་འགྱུར་ལ་ལོ་བཅུ་བཞིའི་དཔར་གཞི་གསར་བཞེངས་ཀྱི་ཞུས་དག་གནང་། ང་ལྔ་པར་རྒྱ་ནག་ཏུ་ཕེབས་ནས་བོད་སོག་རྒྱུན་ལས་ལྷན་ཁང་གི་ཚོགས་གཞོན་གྱི་འགན་ཁུར། སློབ་གྲྭ་ཆེ་ཁག་ལྔ་ལ་སློབ་ཁྲིད་ཀྱང་མཛད། རེ་བརྒྱད་པར་མཚོ་སྔོན་ཞིང་ཆེན་གྱི་འགོ་ཁྲིད་གཞོན་པ་དང་། རིག་གནས་སློབ་གསོ་རྒྱུན་ལས་ལྷན་ཁང་གི་རྒྱུན་ལས། ནུབ་བྱང་མི་རིགས་ལས་དོན་རྒྱུན་ལས་ཀྱི་འགོ་ཁྲིད་གཞོན་པ། རྒྱ་ནག་འཐུས་མི་ཚོགས་ཀྱི་སྐབས་དང་པོ་དང་སྐབས་གཉིས་པའི་འཐུས་མི། རྒྱ་ནག་རྒྱལ་ཡོངས་སྲིད་གྲོས་སྐབས་གཉིས་པ་དང་སྐབས་གསུམ་པའི་རྒྱུན་ལས་འཐུས་མི། རྒྱ་ནག་རྒྱལ་ཡོངས་ནང་བསྟན་མཐུན་ཚོགས་ཀྱི་ཚོགས་གཙོ་བཅས་ཀྱི་འགན་ཁུར། དོན་གསུམ་པར་རྒྱ་གར་དང་། བལ་པོའི་རྒྱལ་ཁབ་གཉིས་ཀྱིས་གདན་ཞུས་ལྟར་སངས་རྒྱས་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱའི་རྗེས་དྲན་ཚོགས་ཆེན་ལ་ཞུགས། ད་དུང་འབར་མ་སོགས་སུ་ཕེབས་ནས་ཆོས་སྦྱིན་མཛད། རབ་བྱུང་བཅུ་དྲུག་པའི་ས་སྤྲེལ་ཕྱི་ལོ་ ༡༩༦༨ ལོར་སྐུ་གཤེགས། སློབ་མའི་སྲས་ཀྱི་ཐུ་བོ་ནི་དགེ་བཤེས་ལྷ་རམས་པ་བསྐལ་བཟང་རྒྱ་མཚོ་དང་། དགེ་བཤེས་གཞོང་པ་ཚུལ་ཁྲིམས་བཅས་ཡིན། གསུང་རྩོམ་ནི་མ་པོད་གསུམ་བཞུགས།

{{#arraymap:རྡོ་སྦིས་ཤེས་རབ་རྒྱ་མཚོ་

|; |@@@ | | }}