80307

རྣ་བ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་ལས་བྱུང་བ་སྟེ། ༡ འདི་ལྟར་བསྔགས་པ་ཐོས་ན་དགའ་བ་སྤོང་བ། ༢ མི་སྙན་ཐོས་ན་ཁོང་ཁྲོ་བ་སྤོང་བ། ༣ ཉན་ཐོས་དང༌། རང་སངས་རྒྱས་ཀྱི་གཏམ་ཐོས་ན་འདོད་པ་མེད་ཅིང་མི་སྨོན་པ། ༤ བྱང་ཆུབ་སེམས་དཔའ་འབྱུང་བའི་གཏམ་ཐོས་ན་དགའ་བ་དང༌། མོས་པ་དང༌། སྤྲོ་བ་ཆེན་པོ་སྐྱེ་བ། ༥ སེམས་ཅན་དམྱལ་བ་དང༌། བྱོལ་སོང་གི་སྐྱེ་གནས་དང༌། གཤིན་རྗེའི་འཇིག་རྟེན་དང༌། ཡི་དྭགས་དང༌། ལྷ་མ་ཡིན་དང༌། མི་ཁོམ་པ་དང༌། དབུལ་པོར་སྐྱེས་པ་ཐོས་ན་སྙིང་རྗེ་ཆེན་པོའི་གོ་གྱོན་པ། ༦ ལྷ་དང་མིའི་རྒྱུད་ཀྱི་བྱེ་བྲག་ཐོས་ན་རྟག་ཏུ་ཆོས་ལ་གཟུད་པའི་བློར་འགྱུར་བ། ༧ སངས་རྒྱས་ཀྱི་ཡོན་ཏན་དང་བསྔགས་པ་ཐོས་ན་དེའི་ཡོན་ཏན་དང་བསྔགས་པ་ཡོངས་སུ་རྫོགས་པར་བྱ་བའི་བརྩོན་འགྲུས་དང་ཕ་རོལ་ཏུ་ཕྱིན་པ། ༨ བསྡུ་བའི་དངོས་པོ་དང༌། བྱང་ཆུབ་སེམས་དཔའི་སྡེ་སྣོད་ཀྱི་གཏམ་ཐོས་ན་ཐམས་ཅད་ཀྱི་ཕ་རོལ་ཏུ་འགྲོ་བ། ༩ བྱང་ཆུབ་སེམས་དཔའི་རྣ་བའི་དབང་པོ་ལ་ནི། ཕྱོགས་བཅུའི་འཇིག་རྟེན་གྱི་ཁམས་ནས་བསྒྲགས་པའི་སྒྲ་ཐམས་ཅད་ཀྱང་གྲག་ཅིང་ཐོས་པར་འགྱུར་ཏེ། སྒྲ་ཐམས་ཅད་སྒྲ་བརྙན་ལྟ་བུར་བརྗོད་དུ་མེད་པའི་དོན་དུ་ཁོང་དུ་ཆུད་ཅིང་ཤེས་པ། ༡༠ བྱང་ཆུབ་སེམས་དཔའི་ཆོས་ཀྱི་རྣ་བ་མཉམ་པར་བཞག་པ་དང་ལྡན་ཏེ། ཐོག་མ་སེམས་བསྐྱེད་ནས་སྙིང་པོ་བྱང་ཆུབ་ཀྱི་བར་དུ་བྱང་ཆུབ་སེམས་དཔའི་ལམ་དང་མི་གནས་ཀྱང༌། སེམས་ཅན་ཡོངས་སུ་སྨིན་པར་བྱ་བ་མི་འདོར་བའོ། །
Domain	ཆོས་ལུགས།

{{#arraymap:རྣ་བ་བཅུ་

|; |@@@ | | }}