80479

རྣམ་དག་གསུམ་ (1)

Part of speech	མིང་ཚིག
Definition	མདོ། ཕར་ཕྱིན། རྣམ་དག་ལ་སྒྲས་བརྗོད་རིགས་ཀྱི་སྒོ་ནས་དབྱེ་ན། རང་བཞིན་རྣམ་དག་དང་གློ་བུར་རྣམ་དག་གཉིས་ཡོད། རང་བཞིན་རྣམ་དག་ཡིན་ན། རྣམ་དག་ཡིན་པས་མ་ཁྱབ་སྟེ། དེ་དང་དོན་དམ་བདེན་པ་གཉིས་ཡིན་ཁྱབ་མཉམ་ཡིན་པའི་ཕྱིར། གློ་བུར་རྣམ་དག་ལ་དབྱེ་ན། ཉན་ཐོས་ཀྱི་རྣམ་དག རང་རྒྱལ་གྱི་དེ། བྱང་སེམས་ཀྱི་དེ། སངས་རྒྱས་ཀྱི་དེ་དང་བཞི་ཡོད། གང་ཟག་གི་བདག་འཛིན་སྤངས་པའི་ཉན་ཐོས་ཀྱི་བྲལ་བ་དེ། དང་པོའི་མཚན་ཉིད། དེ་དང་ཉན་ཐོས་དགྲ་བཅོམ་པའི་འགོག་བདེན་དོན་གཅིག ཕྱི་རོལ་དོན་འཛིན་གྱི་རྟོག་པ་སྤངས་པའིི་རང་རྒྱལ་གྱི་བྲལ་བ་དེ། གཉིས་པའི་མཚན་ཉིད་ཡིན། དེ་དང་རང་རྒྱལ་དགྲ་བཅོམ་པའི་འགོག་བདེན་དོན་གཅིག མཐོང་སྤང་ཤེས་སྒྲིབ་སྤངས་པའི་བྱང་སེམས་ཀྱི་བྲལ་བ་དེ། གསུམ་པའི་མཚན་ཉིད། དེ་དང་བྱང་སེམས་ཀྱི་འགོག་བདེན་དོན་གཅིག བདེན་འཛིན་སྤངས་པའི་ཐེག་ཆེན་གྱི་བྲལ་བ་དེ། བཞི་པའི་མཚན་ཉིད། དེ་དང་སངས་རྒྱས་པའི་འགོག་བདེན་དོན་གཅིག་གོ །
Domain	ཆོས་ལུགས།

{{#arraymap:རྣམ་དག་གསུམ་

|; |@@@ | | }}