80559

རྣམ་པའི་སྦོམ་པོ་ (1)

Part of speech	མིང་ཚིག
Definition	མདོ། འདུལ་བ། མཚན་ཉིད། སྦོམ་པོའི་མཚན་ཉིད་གཞིར་བྱས་པ་ལ་ཕམ་ལྷག་གང་རུང་གི་སྦྱོར་སྦོམ་མ་ཡིན་པའོ། །དེ་ལ་དབྱེ་ན། ཕམ་ལྷག་གང་རུང་གི་དངོས་གཞིའི་རྣམ་པའི་སྦོམ་པོ་དང་། དེའི་སྦྱོར་བའི་རྣམ་པའི་སྦོམ་པོའོ། །དང་པོའི་མཚན་ཉིད་ནི། ཕམ་ལྷག་གང་རུང་གི་རྒྱུའི་ཀུན་སློང་གིས་ཀུན་ནས་སླངས་ཤིང་། རང་གི་ངོ་བོ་ཕམ་ལྷག་གང་རུང་གི་དངོས་གཞིའི་ལྟུང་བ་མ་ཡིན་ཡང་། མཐར་ཐུག་གི་ལྟུང་བའི་རིགས་སུ་གྲུབ་པའོ། །མཚན་གཞི་ནི། མ་བྱིན་ལེན་གྱི་ཡན་ལག་གཞན་རྣམས་ཚང་བ་ལ། མཐར་ཐུག་གི་དུས་སུ་རིན་ཐང་མ་ཚང་བ་ཐོབ་པ་ལྟ་བུ་དང་། ལ་བ་དང་ཕྱིང་པའི་བར་དུ་འབྱིན་པ་ལྟ་བུའོ། །ཡང་ན་ཊཱི་ཀ་ལས་དངོས་གཞི་ལ་དོན་གཙོ་བོར་བཤད་པ་ལྟར་ན། སྲོག་གཅོད་ཕམ་པའི་ཀུན་སློང་གིས་མི་མིན་ལ། མིར་འདུ་ཤེས་པའི་སྒོ་ནས་མི་མ་ཡིན་བསད་པའི་སྦོམ་པོ་དང་། མ་དང་མངལ་ན་གནས་པ་གཉིས་ལས་མ་བསམ་པ་ཤོས་ཤི་བའི་སྦོམ་པོ་ལྟ་བུའོ། །འདི་སྦྱོར་སྦོམ་དུ་མི་འཐད་དེ། མཐར་ཐུག་གི་ལྟུང་བ་ཡིན་པའི་ཕྱིར། སྦྱོར་བའི་རྣམ་སྦོམ་དུ་ཡང་མི་འཐད་དོ། །འདི་ལ་སྦྱོར་བའི་རྣམ་པའམ་འདྲ་ཆོས་གང་ཡང་མ་ཚང་བའི་ཕྱིར། བཤད་མ་ཐག་གི་མཐར་ཐུག་གི་རིགས་སུ་གནས་མིི་གནས་ཀྱི་དོན་ནི་ཉེས་པ་རང་རང་གི་རྒྱུའི་ཀུན་སློང་ལ་ལྟོས་ཏེ་ལུས་ངག་གི་བྱ་བ་འཕྲོ་ཅན་དུ་ལུས་པ་དང་མ་ལུས་པའོ། །གཉིས་པའི་མཚན་ཉིད། ཕམ་ལྷག་གང་རུང་གིས་ཀུན་ནས་མ་སླངས་ཤིང་། ལྟུང་བ་རང་གི་ངོ་བོ་ཕམ་ལྷག་གི་སྦྱོར་ལྟུང་སྦོམ་པོ་དང་ཚད་མཉམ་ཞིང་རིགས་འདྲ་བའོ། །མཚན་གཞི་ནི། ཇི་སྐད་དུ། མིའི་འགྲོ་བ་ཡི་ལག་པ་གཅོད་ན་སྦོམ་པོའོ་ཞེས་སོགས་དང་། བསྟེན་པར་བྱ་བ་དང་། བསྟེན་པར་བྱེད་པ་ལུས་ལས་ཐ་དད་པ་བྱས་པ་གཉིས་ཀྱིའོ། །ཞེས་སོགས་ཀྱིས་བསྟན་པའི་སྦོམ་པོ་རྣམས་སོ། །གནས་སྐབས་འདི་ལའང་མཐར་ཐུག་མ་ཐུག་གཉིས་ཡོད་དོ། །མཐར་མ་ཐུག་པའི་གནས་སྐབས་སུ་སྦོམ་པོར་འགྱུར་བ་མི་སྲིད་དེ་དེ་སྐབས་ཀྱི་མཐར་ཐུག་ལ་སྦོམ་པོ་ལས་ལྷག་པ་མེད་པའི་ཕྱིར། དེ་ལྟར་བཤད་པ་ན་ཉེས་པ་སྦོམ་པོ་ནི་གསུམ་སྟེ། ཕམ་ལྷག་གང་རུང་གི་སྦྱོར་བའི་སྦོམ་པོ་དང་། དེའི་སྦྱོར་བ་མ་ཡིན་ཡང་། དེའི་སྦྱོར་བ་དང་ཆ་འདྲ་བ་སྦྱོར་བའི་རྣམ་པའི་སྦོམ་པོ་དང་། ཕམ་ལྷག་གང་རུང་དངོས་གཞི་མ་ཡིན་ཡང་། དེ་དང་ཆ་འདྲ་བ་དངོས་གཞིའི་རྣམ་པའི་སྦོམ་པོ་རྣམས་སོ། །དེ་ཡངསྦྱོར་སྦོམ་དང་དངོས་གཞིའི་རྣམ་སྦོམ་གང་རུང་ཡིན་ན། རྒྱུ་དུས་ཀྱི་ཀུན་སློང་ཕམ་ལྷག་གང་རུང་དང་མཚུངས་པས་ཁྱབ། སྦྱོར་བའི་རྣམ་སྦོམ་ཡིན་ན་དེ་དང་ཀུན་སློང་མི་མཚུངས་པས་ཁྱབ་པ་ངེས་སོ། །པཎ་ཆེན་ཤཱཀ་མཆོག་གི་འདུལ་མདོའི་དཀའ་གནས་སྣང་བྱེད་ཉི་མའི་ཤིང་རྟ་ལས་སོ། །
Domain	ཆོས་ལུགས།

{{#arraymap:རྣམ་པའི་སྦོམ་པོ་

|; |@@@ | | }}