80589

རྣམ་པར་ཐར་པ་བཞི་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། གཞལ་ཡས་ཁང་གི་འཇུག་སྒོ་བཞིའི་མཚོན་བྱ། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། རང་བཞིན་གྱིས་འོད་གསལ་བ་དང་བཞི་སྟེ། དཀོན་ཅོག་འགྲེལ་ལས། དེ་ལ་སྒོ་བཞིའི་དོན་རྣམ་པར་ཐར་པ་བཞི་ཡང་། གསུམ་ནི་ཐུན་མོང་དུ་བསྟན་པ་སྟེ། འདི་ལྟར་དངོས་པོ་ལས་འབྱིན་པར་བྱེད་པ་སྟོང་པ་ཉིད་ཀྱི་ཏིང་ངེ་འཛིན་རྣམ་པར་ཐར་པའི་སྒོ་དང་། དེ་བཞིན་དུ་རྣམ་པར་རྟོག་པ་ལས་འབྱིན་པར་བྱེད་པ་མཚན་མ་མེད་པའི་ཏིང་ངེ་འཛིན་དང་། འདོད་ཆགས་ལས་འབྱིན་པར་བྱེད་པ་སྨོན་པ་མེད་པའི་ཏིང་ངེ་འཛིན་དུ་རྣམ་པར་ཐར་པའི་སྒོ་སྟེ། འདི་དག་མི་མཐུན་པ་དང་གཉེན་པོ་དབྱེར་མེད་པའི་སྦྱོར་བ་ནི་མངོན་པར་འདུས་མ་བྱས་པའི་རྣམ་པར་ཐར་པ་སྟེ། འདི་ནི་ཐུན་མོང་མ་ཡིན་ནོ། །དེ་ཉིད་ལ་རང་བཞིན་གྱིས་འོད་གསལ་བའི་སྒོ་དང་། ཐབས་ལ་མཁས་པའི་རྣམ་པར་ཐར་པའི་སྒོ་ཞེས་ཀྱང་གྲགས་སོ། །དེ་ལྟར་ཏིང་ངེ་འཛིན་འདི་དག་ནི་བྱང་ཆུབ་ཆེན་པོར་ལྷུན་གྱིས་འཇུག་པའི་སྒོ་ཡིན་པས་དེའི་ཕྱིར་སྒོ་བཞིར་བསྟན་ནོ། །ཞེས་གསུངས། འདི་ལ་ཏིང་ངེ་འཛིན་བཞིའི་སྒོ་ཞེས་ཀྱང་གྲགས་ཏེ། གསང་སྙིང་འགྲེལ་པ་རྒྱུད་དོན་གསལ་བར་བྱེད་པའི་སྒྲོན་མེ་ཡིད་བཞིན་གྱི་ནོར་བུ་ལས། གསུམ་པ་སྒོའི་དོན་བསྟན་པ་ནི། རྣམ་པར་ཐར་པ་བཞིའི་སྒོ་ནས་འཇུག་པའི་སྒོ་ཁྱུད་ཅན་ཞེས་པ། གཟུང་འཛིན་ལས་རྣམ་པར་ཐར་པར་བྱེད་པའི་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། འོད་གསལ་བ་སྟེ། ཏིང་ངེ་འཛིན་བཞིའི་སྒོ་ནས་མ་ཧཱ་ཨ་ཏི་ར་འཇུག་པའི་ཚུལ་ནི་དོན་ཡིན་ལ། རྟགས་གཞལ་ཡས་ཁང་གི་ཕྱོགས་བཞིར་སྒོ་བཞི་ནི་ཐང་སྒོ་ལྟ་བུ་མ་ཡིན་ཏེ། འབུར་སྒོ་སྒོ་ཁྱུད་སྒོ་རྒྱན་དང་ལྡན་པ་ཅན་ནོ། །ཞེས་གསུངས་སོ། །
Domain	ཆོས་ལུགས།

{{#arraymap:རྣམ་པར་ཐར་པ་བཞི་

|; |@@@ | | }}