80590

རྣམ་པར་ཐར་པ་བརྒྱད་ (1)

Part of speech	མིང་ཚིག
Definition	མདོ། ཕར་ཕྱིན། རྙིང་མ། རྣམ་པར་ཐར་པ་བརྒྱད་ནི། ཕྱོགས་བཅུའི་མུན་སེལ་ལས། ནང་གཟུགས་ཀྱི་སྣང་བ་མ་འགགས་པས་ཕྱི་རོལ་གྱི་གཟུགས་སྣང་སྟོང་སྒྱུ་མར་བལྟ་བས་སྣང་བའི་བདེ་ཞེན་ལོག་པ་གཟུགས་ཅན་གཟུགས་ལ་བལྟ་བའི་རྣམ་ཐར། ནང་གཟུགས་སུ་མི་དམིགས་པས་ཕྱི་རོལ་གྱི་གཟུགས་ལ་བལྟ་བས་ཕྱི་ནང་གི་བདེན་ཞེན་ལས་ཐར་བ་གཟུགས་ཅན་མ་ཡིན་པ་གཟུགས་ལ་བལྟ་བའི་རྣམ་ཐར། ཐམས་ཅད་སྟོང་པ་ཉིད་དུ་རོ་གཅིག་པར་བལྟ་བས་འཛིན་པ་ཀུན་ལས་ཐར་པ་སྡུག་པའི་རྣམ་ཐར། སེམས་ཉིད་ནམ་མཁའ་ལྟ་བུའི་དོན་མཐོང་བས་ནམ་མཁའ་མཐའ་ཡས་སྐྱེ་མཆེད་ཀྱི་རྣམ་ཐར། ཐམས་ཅད་སེམས་དང་ཡེ་ཤེས་ཀྱི་རོལ་པར་རྟོགས་པས་རྣམ་ཤེས་མཐའ་ཡས་སྐྱེ་མཆེད་ཀྱི་རྣམ་ཐར། གང་དུའང་གཟུང་འཛིན་མེད་པས་ཅི་ཡང་མེད་པའི་སྐྱེ་མཆེད་ཀྱི་རྣམ་ཐར། སྤྲོས་པ་དང་མཚན་མའི་སྤྱོད་ཡུལ་ཐམས་ཅད་ཞི་བས་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་རྣམ་ཐར། འཁོར་འདས་ལ་སོགས་པའི་ཆོས་ཐམས་ཅད་ལ་དམིགས་ཞེན་འཛིན་པ་གཏན་དུ་མི་མངའ་བས་འགོག་པའི་རྣམ་པར་ཐར་པ་སྟེ། དེ་ལྟར་རྣམ་པར་ཐར་པ་བརྒྱད། ཅེས་གསུངས་སོ། །
Domain	ཆོས་ལུགས།

{{#arraymap:རྣམ་པར་ཐར་པ་བརྒྱད་

|; |@@@ | | }}