80656

རྣམ་པར་བསྒྱིངས་པ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ལས་བྱུང་བ་སྟེ། ༡ འདི་ལྟར་ལྷ་དང༌། ཀླུ་དང༌། གནོད་སྦྱིན་དང༌། དྲི་ཟ་དང༌། ལྷ་མ་ཡིན་དང༌། ནམ་མཁའ་ལྡིང་དང་། མི་འམ་ཅི་དང༌། ལྟོ་འཕྱེ་ཆེན་པོའི་འཁོར་ཐམས་ཅད་ཟིལ་གྱིས་གནོན་པའི་ཕྱིར། ཁྱུ་མཆོག་གི་རྣམ་པར་བསྒྱིངས་པ། ༢ ཤིན་ཏུ་དུལ་ཞིང་ཅང་ཤེས་པའི་སེམས་ཀྱིས་སེམས་ཅན་ཐམས་ཅད་ཀྱི་ཁུར་བཀུར་བའི་ཕྱིར། གླང་པོའི་རྣམ་པར་བསྒྱིངས་པ། ༣ ཆོས་ཀྱི་སྤྲིན་ཆེན་པོ་ཤིན་ཏུ་འདུས་པ་ལས་རིག་པ་དང༌། རྣམ་པར་གྲོལ་བའི་གློག་འགྱུ་ཞིང་ཡང་དག་པར་མ་ནོར་བར་འབྲུག་སྒྲ་ཆེན་པོ་བསྒྲགས་ཏེ། དབང་པོ་དང༌། སྟོབས་དང༌། བྱང་ཆུབ་ཀྱི་ཡན་ལག་དང༌། བསམ་གཏན་དང༌། རྣམ་པར་ཐར་པ་དང༌། ཏིང་ངེ་འཛིན་དང༌། སྙོམས་པར་འཇུག་པའི་བདུད་རྩིའི་ཆུའི་ཆོས་ཀྱི་ཆར་པ་མངོན་པར་དབབ་པའི་ཕྱིར། ཀླུའི་རྣམ་པར་བསྒྱིངས་པ། ༤ མ་རིག་པའི་སྒོ་ངའི་སྦུབས་དང་། ལྕག་ལྕིག་གི་སྤྲི་བརྟོལ་ཏེ། སྲེད་པའི་ཆུ་ལྷག་མཐོང་གི་གཤོག་པས་ཕྱེ་སྟེ། སེམས་ཀྱི་སྤྲུལ་འདོད་པ་དང༌། འཁྲུག་པ་དང༌། ཉོན་མོངས་པའི་རྙོག་པ་ཅན་མངོན་པར་བླང་ཞིང་དབྱུང་བའི་ཕྱིར། ནམ་མཁའ་ལྡིང་གི་དབང་པོ་ཆེན་པོའི་རྣམ་པར་བསྒྱིངས་པ། ༥ འཇིགས་པ་དང༌། བག་ཚ་བ་ཐམས་ཅད་མེད་ཅིང༌། ཡེ་ཤེས་ཆེན་པོ་མཉམ་པ་ཉིད་ཀྱི་སྡེར་མོས་ངན་པར་ཚོགས་པའི་ཕས་ཀྱི་རྒོལ་བ་ཐམས་ཅད་རབ་ཏུ་གཞོམ་པའི་ཕྱིར། སེང་གེ་ཆེན་པོའི་རྣམ་པར་བསྒྱིངས་པ། ༦ འདོད་པ་དང༌། འཁྲུག་པ་དང༌། ཉོན་མོངས་པའི་རྙོག་པའི་དགྲ་གནོད་པར་སེམས་པ། གདུལ་དཀའ་བ་ཐམས་ཅད་དབུས་ནས་གཞོམ་པའི་ཕྱིར། དཔའ་བོའི་རྣམ་པར་བསྒྱིངས་པ། ༧ ཕུང་པོ་དང༌། ཁམས་དང༌། སྐྱེ་མཆེད་དང༌། རྟེན་ཅིང་འབྲེལ་བར་འབྱུང་བ་ཐམས་ཅད་རབ་ཏུ་རྟོགས་པར་བྱེད་པའི་ཡེ་ཤེས་ཀྱིས་ཆོས་ཐམས་ཅད་ཀྱི་དབང་ཕྱུག་ཡང་དག་པར་བསྟན་པའི་ཕྱིར། ཡེ་ཤེས་ཀྱི་རྣམ་པར་བསྒྱིངས་པ། ༨ དྲན་པ་དང༌། བློ་གྲོས་དང༌། རྟོགས་པས་ཐོས་པ་ཐམས་ཅད་ཡོངས་སུ་བཟུང་སྟེ། མི་བརྗེད་པར་བཞག་པས། སེམས་ཅན་གཞན་གྱི་དབང་པོའི་རྒྱུད་དུ་ཕྱིན་པར་བྱ་བའི་ཕྱིར། གཟུངས་ཀྱི་རྣམ་པར་བསྒྱིངས་པ། ༩ མྱུར་ཞིང་མགྱོགས་ལ་དག་ཅིང་ཐོགས་པ་མེད་པ་དང༌། ཆགས་པ་མེད་པར་ཚིག་ཐམས་ཅད་རབ་ཏུ་ཕྱེ་སྟེ་བསྟན་པས་སེམས་ཅན་ཐམས་ཅད་ཚིམ་པར་བྱེད་ཅིང༌། དོན་ཡོད་ལ་རྨོངས་པ་མེད་པའི་སྤོབས་པ་དང་ལྡན་པས་སྤོབས་པའི་རྣམ་པར་བསྒྱིངས་པ། ༡༠ སེང་གེའི་ཁྲི་དམ་པའི་སྟེང་དུ་ཕྱིན་ཏེ། བདུད་ཀྱི་རྒོལ་བ་ཐམས་ཅད་བཅོམ་ནས། ཐམས་ཅད་མཁྱེན་པའི་ཡེ་ཤེས་ཀྱི་ཚོགས་ཡོངས་སུ་རྒྱས་པའི་ཕྱིར། སེམས་ཀྱི་སྐད་ཅིག་གཅིག་དང་ལྡན་པའི་ཤེས་རབ་ཀྱིས་གང་མཐོང་བར་བྱ་བ་དེ་ཐམས་ཅད་དུ། འདི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བས་སངས་རྒྱས་ཀྱི་རྣམ་པར་བསྒྱིངས་པའོ། །
Domain	ཆོས་ལུགས།

{{#arraymap:རྣམ་པར་བསྒྱིངས་པ་བཅུ་

|; |@@@ | | }}