80727

རྣམ་པར་རྩེ་བ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་ལས་བྱུང་བ་སྟེ། ༡ འདི་ལྟར་བྱང་ཆུབ་སེམས་དཔའ་སེམས་ཅན་གྱི་ལུས་ལ་ཞིང་གི་ལུས་བྱིན་གྱིས་རློབ་པ་བྱེད་ཀྱང༌། སེམས་ཅན་གྱི་ལུས་འབྱེད་པར་མི་བྱེད་པ་དེ་ནི་རྣམ་པར་རྩེ་བ་དང་པོའོ། ། ༢ གཞན་ཡང་བྱང་ཆུབ་སེམས་དཔའ་ཞིང་གི་ལུས་ལ་སེམས་ཅན་གྱི་ལུས་བྱིན་གྱིས་རློབ་ཀྱང༌། ཞིང་གི་ལུས་འདྲེས་པར་ཡང་མི་བྱེད་པ་དེ་ནི་རྣམ་པར་རྩེ་བ་གཉིས་པའོ། ། ༣ གཞན་ཡང་བྱང་ཆུབ་སེམས་དཔའ་སངས་རྒྱས་ཀྱི་སྐུ་ལ་སེམས་ཅན་གྱི་ལུས་བྱིན་གྱིས་རློབ་ཀྱང༌། སངས་རྒྱས་ཀྱི་སྐུ་དམའ་བར་མི་བྱེད་པ་དེ་ནི་རྣམ་པར་རྩེ་བ་གསུམ་པའོ། ། ༤ གཞན་ཡང་བྱང་ཆུབ་སེམས་དཔའ་ཉན་ཐོས་དང༌། རང་སངས་རྒྱས་ཀྱི་ལུས་ལ་དེ་བཞིན་གཤེགས་པའི་སྐུ་ཡོངས་སུ་སྟོན་ཀྱང༌། ཉན་ཐོས་དང་རང་སངས་རྒྱས་ཀྱི་ལུས་རྒྱ་ཆེན་པོར་ཡང་མི་བྱེད་པ་འདི་ནི། རྣམ་པར་རྩེ་བ་བཞི་པའོ། ། ༥ གཞན་ཡང་བྱང་ཆུབ་སེམས་དཔའ་སྤྱོད་པའི་ལུས་ལ་མངོན་པར་འཚང་རྒྱ་བའི་ལུས་ཡོངས་སུ་སྟོན་ཀྱང༌། སྤྱོད་པའི་རྒྱུན་མི་གཅོད་པ་དེ་ནི་རྣམ་པར་རྩེ་བ་ལྔ་པའོ། ། ༦ གཞན་ཡང་བྱང་ཆུབ་སེམས་དཔའ་མངོན་པར་རྫོགས་པར་བྱང་ཆུབ་པའི་ལུས་ལ་སྤྱོད་པ་ཡོངས་སུ་སྟོན་ཀྱང༌། མངོན་པར་རྫོགས་པར་བྱང་ཆུབ་པ་ཉེ་བར་ལེན་པར་ཡང་མི་བྱེད་པ་དེ་ནི་རྣམ་པར་རྩེ་བ་དྲུག་པའོ། ། ༧ གཞན་ཡང་བྱང་ཆུབ་སེམས་དཔའ་མྱ་ངན་ལས་འདས་པའི་དབྱིངས་སུ་འཁོར་བའི་རྒྱུན་ཡོངས་སུ་སྟོན་ཀྱང༌། མྱ་ངན་ལས་འདས་པ་ལ་མངོན་པར་ཆགས་པ་མི་སྐྱེད་པ་དེ་ནི་རྣམ་པར་རྩེ་བ་བདུན་པའོ། ། ༨ གཞན་ཡང་བྱང་ཆུབ་སེམས་དཔའ་འཁོར་བ་ལ་མྱ་ངན་ལས་འདས་པ་ཡོངས་སུ་སྟོན་ཀྱང༌། ཡོངས་སུ་མྱ་ངན་ལས་འདའ་བས་ཤིན་ཏུ་མྱ་ངན་ལས་འདའ་བར་མི་བྱེད་པ་འདི་ནི་རྣམ་པར་རྩེ་བ་བརྒྱད་པའོ། ༩ གཞན་ཡང་བྱང་ཆུབ་སེམས་དཔའ་མཉམ་པར་གཞག་བཞིན་དུ་འདི་ལྟ་སྟེ། འོང་བ་དང༌། འགྲོ་བ་དང༌། འགྲེང་བ་དང༌། འདུག་པའི་བྱ་བ་ཐམས་ཅད་ཡོངས་སུ་སྟོན་ཀྱང༌། ཏིང་ངེ་འཛིན་གྱི་མཉམ་པ་ཉིད་འཁྲུག་པར་མི་བྱེད་པ་འདི་ནི་རྣམ་པར་རྩེ་བ་དགུ་པའོ། ། ༡༠ གཞན་ཡང་བྱང་ཆུབ་སེམས་དཔའ་དེ་བཞིན་གཤེགས་པ་གཅིག་གི་ཞབས་ཀྱི་དྲུང་ནས་ཆོས་ཐོས་ནས། ལུས་ཀྱང་མི་སྣང་བར་མི་བྱེད་ལ་ཏིང་ངེ་འཛིན་གྱི་སྟོབས་ཀྱིས། དེ་བཞིན་གཤེགས་པའི་འཁོར་གྱི་དཀྱིལ་འཁོར་བརྗོད་དུ་མེད་པའི་ཡང་བརྗོད་དུ་མེད་པ་གཞན་དང་གཞན་དུ་ལུས་རྣམ་པར་དགོད་པས་ལྡང་ཡང་ལུས་ཐ་དད་པར་ཡང་མི་བྱེད། ཏིང་ངེ་འཛིན་ཐ་དད་པར་ཡང་མི་བྱེད་ལ། དེ་བཞིན་གཤེགས་པ་དེ་དག་ལས་ཀྱང་ཆོས་ཉན་ཅིང་ཐོས་ནས་ཀྱང་འཛིན་ཅིང་ཀུན་ཆུབ་པར་བྱེད་ལ། ཏིང་ངེ་འཛིན་ལ་སྙོམས་པར་འཇུག་ཅིང༌། ཆོས་དྲི་བ་བཟུང་བའི་རྒྱུན་ཀྱང་མི་གསོད་དེ། དེ་དེ་ལྟར་མཉམ་པར་གཞག་བཞིན་དུ་ལུས་མི་སྣང་བར་ཡང་མི་བྱེད་ལ། ཏིང་ངེ་འཛིན་གྱི་ལུས་དང་སྒོ་མངོན་པར་སྒྲུབ་པ་རེ་རེ་ལས་ཀྱང་བརྗོད་དུ་མེད་པའི་ཡང་བརྗོད་དུ་མེད་པའི་ཏིང་ངེ་འཛིན་གྱི་ལུས་དང༌། སྒོ་མངོན་པར་སྒྲུབ་ཅིང༌། དེ་ལྟ་བུའི་ཚུལ་གྱིས་བསྐལ་པ་ཐམས་ཅད་ཟད་པར་གྱུར་ཀྱང༌། བྱང་ཆུབ་སེམས་དཔའི་ཏིང་ངེ་འཛིན་གྱི་སྒོ་མངོན་པར་སྒྲུབ་པའི་མཐའ་གང་ཡང་མེད་པ་དེ་ནི་རྣམ་པར་རྩེ་བ་བཅུ་པའོ། །
Domain	ཆོས་ལུགས།

{{#arraymap:རྣམ་པར་རྩེ་བ་བཅུ་

|; |@@@ | | }}