80928
< Dictionaries | Monlam Grand
Jump to navigation
Jump to search
Part of speech | མིང་ཚིག |
---|---|
Definition | མདོ། མངོན་པ། གྲངས་ངེས་ནི། བྱང་ཆུབ་སེམས་དཔའ་དགའ་བོ་དང་། ཀླུའི་སྡེ་ལ་སོགས་པ་ནི། མདོ་ལས། གང་ཞིག་ལུས་མེད་ཕུག་གནས་ཤིང་། །རིང་དུ་འགྲོ་ཞིང་གཅིག་པུ་རུ། །གདུལ་བར་དཀའ་བའི་སེམས་འདུལ་བྱེད། །དེ་ནི་བྲམ་ཟེར་ངས་བཤད་དོ། །ཞེས་པས་རྣམ་ཤེས་ནི་རྫས་གཅིག་ཡིན་ལ། དྲུག་ཏུ་སྨྲ་བ་ནི་ཁང་པ་བུ་ག་དགུ་པའི་སྤྲེའུའམ། ནོར་ལྟར་སྒོ་ཐ་དད་པའི་དབང་གིས་བྱུང་ཞིང་། གནས་གྱུར་ཡེ་ཤེས་ནི་གསེར་འོད་དམ་པ་ལས། ཡེ་ཤེས་ནི་གཅིག་སྟེ། མི་རྟོག་པའི་ཡེ་ཤེས་སོ། །ཞེས་པས་གཅིག་ཉིད་ཡིན་ལ། ཟག་མེད་ཀྱི་ཕྱིར་མི་འོངས་མཉམ་པ་བཞག་པའི་སྒོམ་སྤང་གི་ས་བོན་ནི་བྱེ་བྲག་ཏུ་སྨྲ་བས་སྲོག་ལ་བརྟེན་ཅེས་སོ། །སེམས་ཙམ་པའི་པཎྜི་ཏ་རྣམས་ནི་དེ་མི་འཐད་དེ། བདག་རྐྱེན་དང་དམིགས་རྐྱེན་ལ་སོགས་པའི་རྒྱུ་ཚོགས་ཐ་དད་པས་བྱུང་བའི་ཕྱིར་ན་རྣམ་པར་ཤེས་པ་བརྒྱད་ཐ་དད་དུ་སྐྱེས་ཏེ། རྫས་གཅིག་ན་རྣམ་ཤེས་ཐམས་ཅད་དུས་གཅིག་ལ་སྐྱེ་བས་ཅིག་ཆར་ཡུལ་ཐམས་ཅད་རྟོག་པར་འགྱུར་བའི་ཕྱིར་རོ། །སེམས་ཙམ་པའི་སློབ་དཔོན་ཡང་དག་བདེན་ནི་བརྒྱད་ཀྱི་སྟེང་དུ་དྲི་མ་མེད་པའི་རྣམ་ཤེས་དང་དགུ་ཡིན་ཏེ། མདོར། བདེ་གཤེགས་སྙིང་པོས་འགྲོ་ཀུན་ཡོངས་ལ་ཁྱབ། །དྲི་མ་མེད་པའི་སེམས་ལ་རྣམ་པར་བརྟེན། །ཅེས་གསུངས་པས་སོ་ཞེས་འདོད་དོ། །འདིར་མདོ་སྡེ་པའི་རང་ལུགས་ནི་རྒྱུ་ཚོགས་ཐ་དད་ལས་སྐྱེས་པས་རྫས་གཅིག་ཏུ་མི་འདོད་དེ། དྲི་མ་མེད་པའི་ཡིད་མངོན་དུ་གྱུར་ན་འཕགས་པར་འགྱུར་ལ། ཀུན་གཞི་དང་ཉོན་ཡིད་ཀྱང་རིགས་པས་མི་གྲུབ་པས་ཚོགས་དྲུག་ཏུ་གྲངས་ངེས་སོ་ཞེས་ཀུན་མཁྱེན་གོ་རམས་པའི་ངོ་མཚར་གསུམ་ལྡན་ལས་སོ། ། |
Domain | ཆོས་ལུགས། |
{{#arraymap:རྣམ་ཤེས་ཀྱི་གྲངས་ངེས་
|; |@@@ | | }}