81030

རྣལ་འབྱོར་གྱི་ས་བཞི་ (1)

Part of speech	མིང་ཚིག
Definition	མདོ། ཕར་ཕྱིན། ཐེག་ཆེན་གྱི་ཞི་ལྷག་ཟུང་འབྲེལ་གྱི་རྣལ་འབྱོར་དེ། འདིར་བསྟན་གྱི་རྣལ་འབྱོར་སའི་མཚན་ཉིད། དབྱེ་ན། བདག་མེད་རྟོགས་པའི་རྣལ་འབྱོར་གྱི་ས། གཟུང་མེད་རྟོགས་པའི་རྣལ་འབྱོར་གྱི་ས། འཛིན་མེད་རྟོགས་པའི་རྣལ་འབྱོར་གྱི་ས། སྤྲོས་བྲལ་རྟོགས་པའི་རྣལ་འབྱོར་གྱི་ས་དང་བཞིའོ་ཞེས་པཎ་ཆེན་ཤཱཀ་མཆོག་ལྡན་གྱི་རྒྱན་འགྲེལ་ལུང་དོན་རྒྱ་མཚོ་ལས་སོ། ། རྣལ་འབྱོར་དེ་ལ་བཞིར་གྲངས་ངེས་ཏེ། ཡུལ་བདག་མེད་ལ་ལྟོས་ནས་ཀྱང་དེར་ངེས་པ་དང། སྤང་བྱ་སྒྲིབ་པ་ལ་ལྟོས་ནས་ཀྱང་བཞིར་གྲངས་ངེས་པའི་ཕྱིར། དང་པོ་ནི། ཡུལ་བདག་མེད་ལ་གང་ཟག་གི་བདག་མེད་དང། ཆོས་ཀྱི་བདག་མེད་གཉིས། ཕྱི་མ་ལ་བདེན་པ་བཀག་ཙམ་གྱི་ཆོས་ཀྱི་བདག་མེད་དང། མཐའ་བཞིའི་སྤྲོས་བ་དང་བྲལ་བའི་དེའི་བདག་མེད་གཉིས། དང་པོ་ལའང་གཟུང་བ་ཕྱི་རོལ་གྱི་དོན་དུ་བདེན་པ་བཀག་ཙམ་གྱི་ཆོས་ཀྱི་བདག་མེད་དང། དེ་འཛིན་པའི་ཤེས་པ་ལ་བདེན་པ་བཀག་ཙམ་གྱི་ཆོས་ཀྱི་བདག་མེད་གཉིས་སུ་འདུས་པའི་ཕྱིར། གཉིས་པ་ནི། སྤང་བྱ་སྒྲིབ་པ་དེ་ལ་ཤེས་སྒྲིབ་དང་ཉོན་སྒྲིབ་གཉིས་ལས། དང་པོ་ལ་མངོན་གྱུར་དང་ས་བོན་གཉིས། དང་པོ་ལ་གཟུང་རྟོག་དང་འཛིན་རྟོག་མངོན་གྱུར་བ་གཉིས་ཡོད་པའི་ཕྱིར། གོ་རིམ་ངེས་པ་ནི། བདག་མེད་རྟོགས་པའི་རྣལ་འབྱོར་གྱི་ས་ནི་དང་པོར་སྒོམ་དགོས་ཏེ། ཕུང་པོ་ལ་དམིགས་ནས་ངར་འཛིན་པའི་བློ་ནི་ཉེས་པ་ཀུན་གྱི་རྩ་བ་ཡིན་པས་དང་པོར་འགོག་དགོས་པའི་ཕྱིར་ཏེ། འཇུག་པར། ཉོན་མོངས་སྐྱོན་རྣམས་མ་ལུས་འཇིག་ཚོགས་ལ། །ལྟ་ལས་བྱུང་བར་སོགས་གསུངས་པའི་ཕྱིར། དེའི་འོག་ཏུ་ཆོས་ཀྱི་བདག་མེད་རྟོགས་པའི་ལྟ་བ་སྒོམ་དགོས་ཏེ། དེ་མི་སྐྱེད་པར་ཤེས་སྒྲིབ་སྤོང་མི་ནུས་པའི་ཕྱིར། དེ་ལའང་གཟུང་བ་ཕྱི་རོལ་གྱི་དོན་ལ་བདེན་པར་འཛིན་པ་དེ་འགོག་སླ་བས་དང་པོར་འགོག་ཅིང། དེའི་རྗེས་སུ་འཛིན་པ་ལ་བདེན་པར་འཛིན་པ་འགོག་པ་ཡིན་ཏེ། འཇུག་པ་ལས། ཤེས་བྱ་མེད་ན་ཤེས་པ་བཀག་འགྲུབ་པས། །དང་པོར་ཤེས་བྱ་ཞེས་སོགས་གསུངས་པའི་ཕྱིར། དེའི་འོག་ཏུ་སྤྲོས་བྲལ་རྟོགས་པའི་ལྟ་བ་སྒོམ་དགོས་ཏེ། ཤེས་སྒྲིབ་ཀྱི་ས་བོན་སྤོང་བ་ལ་ཐེག་ཆེན་ཐུན་མོང་མིན་པའི་རྟོགས་རིགས་དགོས་པའི་ཕྱིར་ཏེ། མདོ་སྡེ་ས་བཅུ་པ་ལས། སངས་རྒྱས་ཀྱི་ཆོས་རྗེས་སུ་རྟོགས་པར་བྱ་བ་ལ། འདི་ནི་དོན་དམ་པའི་བཟོད་པ་ཡིན་ན། ཞེས་གསུངས་པའི་ཕྱིར་རོ་ཞེས་ཀུན་མཁྱེན་གོ་རམས་པའི་ཡུམ་དོན་རབ་གསལ་ལས་སོ། །
Domain	ཆོས་ལུགས།

{{#arraymap:རྣལ་འབྱོར་གྱི་ས་བཞི་

|; |@@@ | | }}