81369

རྨ་ལོ་དགེ་བའི་བློ་གྲོས་ (1)

Part of speech

མིང་ཚིག

Definition

རབ་བྱུང་དང་པོའི་ཤིང་སྤྲེལ་ཕྱི་ལོ་ ༡༠༤༤ ལོར་འཁྲུངས། རྒྱ་གར་དུ་ཐེངས་གསུམ་བྱོན། པཎ་ཆེན་མང་པོ་ལས་གསང་སྔགས་ཀྱི་ཆོས་སྐོར་ཀུན་ལ་མཁས་པར་སྦྱངས། མ་གཅིག་ཞ་མ་ཕྱག་རྒྱ་མར་བསྟེན་ནས་བདེ་མཆོག་དཔའ་བོ་བཅུ་དྲུག་དང་། ཞིང་སྐྱོང་གི་མཁའ་འགྲོ་མ་བཅུ་དྲུག་གི་ཞལ་མཐོང་། ཁྱུང་པོ་ལས་རབ་ཏུ་བྱུང་ཏེ་གཞན་དོན་མཛད། རབ་བྱུང་གཉིས་པའི་ས་སྦྲུལ་ཕྱི་ལོ་ ༡༠༨༩ ལོར་གཞན་གྱིས་དུག་གིས་བཀྲོངས། སློབ་མ་གྲགས་ཆེ་བ་ནི་མ་གཅིག་ཞ་མ་དང་། འཁོན་ཕུ་བ་ཆོས་ཀྱི་རྒྱལ་པོ་ཡིན། བསྒྱུར་རྩོམ་ནི་བསྟན་འགྱུར་ལས་གཏོར་མ་ཆེན་པོའི་ལས་ཀྱི་རིམ་པའི་འགྲེལ་བ་དང་། རྗེ་བཙུན་སྒྲོལ་མའི་སྒྲུབ་ཐབས། ཚིག་ལེའུར་བྱས་པ་སུམ་བརྒྱ་བའི་རྣམ་བཤད་སློབ་མ་ལ་ཕན་པ། འདུལ་བ་ལུང་ཕྲན་ཚེགས་ཀྱི་རྣམ་བཤད། རྩོད་པའི་རིགས་པ། ཚད་མ་རྣམ་འགྲེལ་ལེའུ་ཕྱི་མ་གསུམ་གྱི་འགྲེལ་བ། དབེན་པའི་གཏམ། བྱང་ཆུབ་ཀྱི་སེམས་བདེ་བའི་མན་ངག ཚད་མའི་མདོ་ཀུན་ལས་བཏུས་པའི་དགོངས་འགྲེལ། ངན་སོང་ཐམས་ཅད་ཡོངས་སུ་སྦྱོང་བའི་རོའི་སྦྱིན་སྲེག་གི་དཀྱིལ་འཁོར་གྱི་ཆོ་ག ཤེས་རབ་ཀྱི་ཕ་རོལ་ཏུ་ཕྱིན་པ་སྙིང་པོའི་སྒྲུབ་ཐབས། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་རྡོ་རྗེ་ལྟ་བུ། སྐྱབས་སུ་འགྲོ་བ་བསྟན་པ། ཐེག་པ་ཆེན་པོའི་ལམ་གྱི་སྒྲུབ་ཐབས་ཡི་གེར་བསྡུས་པ། ཐེག་པ་ཆེན་པོའི་ལམ་གྱི་སྒྲུབ་ཐབས་ཤིན་ཏུ་བསྡུས་པ། བྱང་ཆུབ་སེམས་དཔའི་སྤྱོད་པ་མདོ་ཙམ་གདམས་ངག་ཏུ་བྱས་པ། བྱང་ཆུབ་ལམ་གྱི་སྒྲོན་མ། ཡི་གེ་བདུན་པའི་སྒྲུབ་ཐབས། དཔལ་འཁོར་ལོ་སྡོམ་པའི་སྒྲུབ་ཐབས་བདུད་རྩི་འཛག་པ། བདེ་མཆོག་ཤེས་རབ་བྱེད་པ། འཇམ་པའི་དབྱངས་དཔའ་བོ་གཅིག་ཏུ་གྲུབ་པའི་སྒྲུབ་ཐབས། རྡོ་རྗེ་སེམས་དཔའ་འབྱུང་བ། རྡོ་རྗེ་སེམས་དཔའི་སྒྲུབ་ཐབས་བཅས་མང་དུ་བཞུགས།

{{#arraymap:རྨ་ལོ་དགེ་བའི་བློ་གྲོས་

|; |@@@ | | }}