81700

རྩ་དྲུག་གི་མིང་གི་རྣམ་གྲངས་ (1)

Part of speech	མིང་ཚིག
Definition	སྔགས། རྣལ་འབྱོར་བླ་མེད་རྒྱུད། དུས་འཁོར་སྦྱོར་དྲུག ཇོ་ནང་། སྟེང་དུ་གཡོན་ཟླ་བའི་རྩ་ཡི་མིང་ནི་རྐྱང་མ་དང་། ལུག་ཅེས་ཀྱང་བྱ་སྟེ་ཆུ་ཁམས་འབབ་པས། པདྨ་སྟེ་འོད་དཔག་མེད་ཀྱི་རིགས་ཡིན་ལ། སྟེང་དང་གཡས་ཉི་མའི་རྩ་ནི་སེར་སྐྱ་དང་གཞན་རོ་མ་ཞེས་ཀྱང་བྱ་སྟེ། མིའི་རང་བཞིན་ཅན་གྱི་ཕྱིར། རིན་ཆེན་འཛིན་པ་སྟེ་རིན་ཆེན་འབྱུང་ལྡན་དུ་འདོད་དོ། །འོག་ཏུ་བཤང་བ་འབབ་པ་སའི་རང་བཞིན་ཅན་རྒྱབ་ཀྱི་དབུས་སུ་གནས་པའི་རྩ་ནི་འཁོར་ལོ་འཛིན་པ་རྣམ་སྣང་གི་རིགས་དང་། གཅི་བ་འབབ་པ་རླུང་གི་རང་བཞིན་ཅན་མདུན་གྱི་གཡོན་ན་གནས་པ་ཡང་། རལ་གྲི་འཛིན་པ་སྟེ་དོན་ཡོད་གྲུབ་པར་འདོད་དོ། །སྟེང་གི་དབུས་མ་སྒྲ་གཅན་གྱི་རྩ་སྟོང་པའི་རང་བཞིན་ཅན་ནི་རྡོ་རྗེའི་རིགས་མི་བསྐྱོད་པ་དང་། འོག་ཏུ་མདུན་གྱི་གཡས་ཕྱོགས་ན་ཁུ་བ་འབབ་པའི་རྩ་ཡེ་ཤེས་ཀྱི་ཁམས་ཀྱི་རང་བཞིན་ཅན་རྡོ་རྗེ་འཛིན་པ་སྟེ། རྡོ་རྗེ་སེམས་དཔའི་རིགས་སུ་འདོད་དོ། །ལྟེ་བའི་སྟེང་དུ་དབུས་མ་སྒྲ་གཅན་གྱི་རྩ་དེ་ནི་ཀུན་འདར་མ་དང་། ཡིད་བཟང་མ་ཞེས་ཀྱང་བྱ་བ་མུན་པ་སྟེ་རླུང་དང་མུན་པའི་ཁམས་འབབ་པའོ། །འོག་ཏུ་ཁུ་བ་འབབ་པའི་རྩ་དེ་ནི་རྩ་མཁའ་འགྲོ་གདོང་སྟེ་བྱ་གདོང་དང་། དུང་ཅན་མ་ཞེས་ཀྱང་བྱའོ། །བུད་མེད་ཀྱི་ནི་རྩ་མཁའ་འགྲོ་གདོང་དེ་ལ་རྡུལ་འབབ་པའི་ཕྱིར། གཏུམ་མོ་ཞེས་བྱ་སྟེ། དམར་ཆ་ལ་གཏུམ་མོར་ཀུན་ཏུ་གྲགས་པའི་ཕྱིར་རོ། །སྐྱེས་པ་ལ་ནི་ཁུ་བ་འབབ་པའི་ཕྱིར། མཁའ་འགྲོ་གདོང་སྟེ་མཁའ་འགྲོའི་བརྡས་ནི་དཀར་ཆ་བསྟན་པ་ཡིན་ནོ། །
Domain	ཆོས་ལུགས།

{{#arraymap:རྩ་དྲུག་གི་མིང་གི་རྣམ་གྲངས་

|; |@@@ | | }}