81724

རྩ་བ་མེད་པའི་སེམས་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། ཀུན་གཞིའི་རྣམ་པར་ཤེས་པ་སྟེ། དཔལ་གསང་བ་སྙིང་པོ་ལས། རྩ་བ་མེད་པའི་སེམས་ཉིད་ནི། །ཆོས་རྣམས་ཀུན་གྱི་རྩ་བ་ཡིན། །ཞེས་དང་། དཔལ་གསང་བ་སྙིང་པོའི་རྒྱ་ཆེར་འགྲེལ་པ་ལས། རྩ་བ་མེད་པའི་སེམས་ཉིད་ནི། །ཞེས་བྱ་བ་ལ་སོགས་པ་སྟེ། རྩ་བ་མེད་པའི་སེམས་ཉིད་ལ་སེམས་ཉིད་ཀྱང་མེད་པ་དེ་བས་ན་དེ་སྐད་ཅེས་བྱའོ། །དེ་ལ་ཐེག་པ་ཆེན་པོ་པས་ནི་ཀུན་གཞི་ལ་རྩ་བ་མེད་པ་ཞེས་བྱ་སྟེ། ཅིའི་ཕྱིར་ཞེ་ན། སེམས་དང་སེམས་ལས་བྱུང་བ་ཐམས་ཅད་ཀྱི་རྩ་བ་ནི་ཀུན་གཞི་གནས་ལ། ཀུན་གཞི་དངོས་ནི་གཞན་གང་ལ་ཡང་མི་རྟེན་པའོ། །དེ་ལ་འོ་ན་སེམས་ཞེས་ཅིའི་ཕྱིར་ཞེ་ན། དེ་ལྡོག་པ་གཞན་དུ་ཐ་མི་དད་པའི་ཕྱིར་རོ། །ཅིའི་ཕྱིར་ཞེ་ན། ས་བོན་ཐམས་ཅད་པ་དེ་ལས་ཡིད་དང་རྣམ་པར་ཤེས་པ་འབྱུང་སྟེ། དེ་ཉིད་ཀྱི་ཕྱིར་ན་ཀུན་གཞིའོ། །ཞེས་དང་། ད་ནི་ནང་འཛིན་པའི་སེམས་གཞིག་པར་བྱ་སྟེ། དེའི་ཕྱིར་ཡང་གསུངས་པ། གཞི་རྩ་མེད་པའི་སེམས་ཞེས་བྱ་བ་ལ་སོགས་པ་སྟེ། ཅིའི་ཕྱིར་འདིར་ཀུན་གཞིའི་རྣམ་པར་ཤེས་པར་གཙོར་སྨོས་ན། དེ་ནི་ཐེག་པ་ཆེན་པོ་ཉིད་ཀྱི་ཕྱིར་ན་སྟེ། ཀུན་གཞི་རྣམ་པར་ཤེས་པ་དེ་ཉིད་ནི། ཕོ་དང་མོ་དང་མ་ནིང་དང་མཚན་མ་མེད་པ་དང་། རིགས་རྒྱུད་པ་ཡང་མ་ཡིན། འོ་ན་ཁ་དོག་ལྔ་དང་། དབྱིབས་བརྒྱད་དུ་ཡིན་ནམ་ཞེ་ན་མ་ཡིན་ནོ། །འོ་ན་ཚོགས་དྲུག་པའི་གནས་ཙམ་ཡིན་ནམ་ཞེ་ན་མ་ཡིན་ནོ། །འོ་ན་གང་ཡིན་ཞེ་ན། དེ་གང་ཡང་མིན་ནོ། །ཞེས་གསུངས་སོ། །
Domain	ཆོས་ལུགས།

{{#arraymap:རྩ་བ་མེད་པའི་སེམས་

|; |@@@ | | }}