8211

གནས་ལུགས་དོན་གྱི་གཞི་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། གནས་ལུགས་དོན་གྱི་གཞི་ནི། གཞི་གཉིས་ཀྱི་ཡ་གྱལ་ཏེ། ཡིད་ཀྱི་མུན་སེལ་ལས། དང་པོ་ལ་གཉིས་ཏེ། གནས་ལུགས་དོན་གྱི་གཞི་དང་། རྟོགས་པ་ལམ་གྱི་གཞིའོ། །དང་པོ་ལ་གསུམ་སྟེ། གཞིའི་གནས་ལུགས། སྣང་ཚུལ། དབྱེ་བའོ། །དང་པོ་ནི། ཡེ་ནས་འོད་གསལ་བའི་སེམས་ཉིད་ཀྱི་རང་བཞིན་དཀྱིལ་འཁོར་གསུམ་དུ་སངས་རྒྱས་ཤིང་དངོས་པོ་དང་མཚན་མ་གང་ཡང་མ་གྲུབ་པ་སྟེ། རྩ་རྒྱུད་གསང་སྙིང་། འདི་ཉིད་ལས། རྩ་བ་མེད་པའི་སེམས་ཉིད་ནི། །ཆོས་རྣམས་ཀུན་གྱི་རྩ་བ་ཡིན། །ཞེས་པ་དང་། གཞི་རྩ་མེད་པའི་སེམས་ཉིད་ནི། །ཕོ་མོ་མ་ཡིན་མ་ནིང་མིན། །མཚན་མེད་མ་ཡིན་རིགས་བརྒྱུད་མིན། །ཁ་དོག་མ་ཡིན་དབྱིབས་མ་ཡིན། །གནས་སུ་མ་ཡིན་གང་ཡང་མིན། །དེ་བཞིན་ཉིད་དབྱིངས་ཡེ་ཤེས་ཏེ། །ཞེས་པ་དང་། ཕྱོགས་བཅུ་དུས་བཞི་གང་ནས་ཀྱང་། །རྫོགས་པའི་སངས་རྒྱས་རྙེད་མི་འགྱུར། །སེམས་ཉིད་རྫོགས་པའི་སངས་རྒྱས་ཏེ། །སངས་རྒྱས་གཞན་དུ་མ་འཚོལ་ཞིག ། ཅེས་གསུངས། ཞེས་དང་། དེས་ན། འདིར་ཆོས་ཐམས་ཅད་བདེན་པ་དབྱེར་མེད་དུ་ཡེ་ནས་སངས་རྒྱས་པའི་དོན་ནི་གནས་ལུགས་དོན་གྱི་གཞིའོ། །ཞེས་གསུངས།
Domain	[ཆོས་ལུགས།, ལྟ་གྲུབ།]