82192

རྩེ་དབུས་གྲགས་པ་བཟང་པོ་ (1)

Part of speech

མིང་ཚིག

Definition

རབ་བྱུང་བཅུ་གཉིས་པའི་ལྕགས་སྟག་ཕྱི་ལོ་ ༡༧༡༠ ལོར་མདོ་སྨད་ཀླུ་ཆུའི་བྱང་རྒྱུད་ལྡོང་གི་རུས་སུ་འཁྲུངས། ཆུང་དུས་ནས་ཁུ་བོ་ས་རིས་པ་བསོད་ནམས་རྒྱལ་མཚན་ལས་ཡི་གེའི་སྦྱོར་ཀློག་དང་འདོན་ཆོས་བཅས་ལ་བྱང་བར་མཛད། དགུང་ལོ་བཅུ་གཅིག་པར་དཔོན་སློབ་གྲགས་པ་བཤད་སྒྲུབ་ལས་རབ་ཏུ་བྱུང་། ཅོ་ནེ་དགོན་ཆེན་དུ་བསྡུས་གཞུང་དང་། ཚད་མ་རྣམ་འགྲེལ་སོགས་ལ་ལེགས་པར་སྦྱངས། ཉི་ཤུ་པར་དབུས་སུ་ཕེབས་ནས་སེར་སྨད་དུ་ཞུགས། གཞུང་བཀའ་པོད་ལྔར་ལོ་ངོ་ཉི་ཤུ་ལྷག་རིང་བརྩོན། གླིང་བསྲེའི་དཀའ་བཅུ་དང་ལྷ་རམས་པའི་མཚན་བཏགས་བཞེས། རྒྱལ་བ་བསྐལ་བཟང་རྒྱ་མཚོ་དང་། པཎ་ཆེན་རིན་པོ་ཆེ། ཁྲི་ནམ་མཁའ་བཟང་། བླ་མ་བྱམས་པ་སོགས་ལས་བཀའ་ཆོས་མང་དུ་གསན། རང་ཡུལ་དུ་རྩེ་དབུས་རི་ཁྲོད་དགེ་འཕེལ་བསམ་གཏན་གླིང་བཏབ། སློབ་ཚོགས་ཀྱང་བསྐྱངས། ཁྱ་དགེ་སྒོམ་ཆེན་བློ་བཟང་བཀྲ་ཤིས་ལས་བཀའ་འགྱུར་གྱི་ལུང་ཞུས། ང་ལྔ་པ་རབ་བྱུང་བཅུ་གསུམ་པའི་ཤིང་བྱ་ཕྱི་ལོ་ ༡༧༦༥ ལོར་སྐུ་གཤེགས། རྩེ་དབུས་སྐུ་ཕྲེང་དང་པོ་ཡིན།