82193

རྩེ་དབུས་འཇམ་དབྱངས་བཤེས་གཉེན་ (1)

Part of speech

མིང་ཚིག

Definition

རབ་བྱུང་བཅུ་གསུམ་པའི་ས་གླང་ཕྱི་ལོ་ ༡༧༦༩ ལོར་མདོ་སྨད་མཛོད་དགེ་རུ་སྟོད་མར་ཡབ་དྲན་པ་ཚེ་རིང་རྡོ་རྗེ་དང་། ཡུམ་སངས་རྒྱས་འཚོ་གཉིས་ཀྱི་སྲས་སུ་འཁྲུངས། དགུང་ལོ་བདུན་པར་སྐུ་གོང་མའི་སྤྲུལ་སྐུར་ངོས་བཟུང་། རྩེ་དབུས་རི་ཁྲོད་དགེ་འཕེལ་བསམ་གཏན་གླིང་གི་གདན་སར་བཀོད། རབ་བྱུང་དང་དགེ་ཚུལ་དཀྱུས་གཅིག་ཏུ་བསྒྲུབས། བཅོ་ལྔ་པར་རི་ཁྲོད་སྔ་མའི་གནས་སྤོས། བཅུ་དགུ་པར་ཀུན་མཁྱེན་འཇིགས་དབང་ལས་བསྙེན་པར་རྫོགས། མི་ཏྲའི་དབང་བཀའ་ཡོངས་རྫོགས་གསན། ཉེར་དྲུག་པར་དབུས་གཙང་དུ་གནས་མཇལ་མཆོད་འབུལ་དུ་ཕེབས། ཨུ་སུ་དགོན་སོགས་རོང་སྨད་ཕྱོགས་དང་། དགའ་ཚལ་རི་ཁྲོད་སོགས་ཆས་པའི་གཤིས་ཕྱོགས་སུ་འགྲོ་དོན་བསྐྱངས། ཡིག་དྲུག་གི་སྒྲུབ་རྒྱུན་མང་པོ་བཙུགས། གཞི་བྱེས་ཀུན་ཏུ་དབང་ལུང་མན་ངག་གི་ཆོས་རྒྱུན་དུ་སྤེལ། ང་དགུ་པ་རབ་བྱུང་བཅུ་བཞི་པའི་ས་བྱི་ཕྱི་ལོ་ ༡༨༢༨ ལོར་སྐུ་གཤེགས། གསུང་རྩོམ་ནི་མགུར་མ་སོགས་པོད་ཆུང་གཅིག་བཞུགས། རྩེ་དབུས་སྐུ་ཕྲེང་གཉིས་པ་ཡིན།