82265

རྩེད་ཐང་མཁན་ཟུར་རིན་པོ་ཆེ་དབང་ཤེས་རབ་ (1)

Part of speech

མིང་ཚིག

Definition

འདི་བ་ཆི་ཆར་ཐུའི་ཡུལ་དུ་སྐུ་འཁྲུངས། ཡོ་ག་ཙཱ་རི་བླ་མ་ངག་དབང་དོན་འགྲུབ་ལས་ལམ་རིམ་བློ་སྦྱོང་ལ་ལེགས་པར་སྦྱངས། བླ་མའི་བཀའ་བཞིན་དབུས་སུ་ཕེབས་ནས་འབྲས་སྤུངས་སྒོ་མང་དུ་མདོ་སྔགས་གཉིས་ལ་ལེགས་པར་སྦྱངས་པས་རྒྱུད་སྨད་ཀྱི་དགེ་བསྐོས་མཛད། ཀློང་རྡོལ་བླ་མ་དང་རྗེ་འཇིེགས་མེད་དབང་པོ་སོགས་ལས་དབང་ལུང་མན་ངག་མང་དུ་གསན། རྩེ་ཐང་གི་ཁྲིར་བཞུགས། རང་ཡུལ་ལ་བྱོན་ནས་ལམ་རིམ་གྲྭ་ཚང་བཞུགས། པེའི་སི་ནོ་ཡོན་དགོན་ཆེན་གྱི་མཚན་ཉིད་གྲྭ་ཚང་གི་ཆོས་ཁྲི་བསྐྱངས་ནས་འཆད་ཉན་རྒྱས་པར་མཛད།