82364

རྩོད་པའི་སྐབས་ཀྱི་གང་ཟག་ (1)

Part of speech	མིང་ཚིག
Definition	རྒོལ་དང་ཕྱིར་རྒོལ་དཔང་པོ་གསུམ། །སྒྲུབ་དང་སུན་འབྱིན་བརྡ་སྤྲོད་པའོ། །སྒྲུབ་བྱེད་བརྗོད་པར་ཁས་ལེན་པ་རྒོལ་བ། སུན་འབྱིན་བརྗོད་པར་ཁས་ལེན་པ་ཕྱིར་རྒོལ། དེ་གཉིས་ཕམ་རྒྱལ་བརྗོད་པར་ཁས་ལེན་པ་དཔང་པོའོ། །དེའང་རྩོད་པའི་རིགས་པ་ལས། སྒྲུབ་བྱེད་ཡང་དག་པར་བརྗོད་པའམ། སྐྱོན་ཡང་དག་པར་བརྗོད་པའི་སྒོ་ནས་རིགས་པའི་རྗེས་སུ་འཇུག་པར་འགྱུར་ཏེ། དཔང་པོས་དངོས་སུ་གོ་བར་བྱ་བའི་ཕྱིར་རོ། །དེ་ལྟར་ན་དམ་པ་རིགས་པའི་རྗེས་སུ་འབྲང་བའི་རྩོད་པའོ་ཞེས་གསུངས་པ་ལྟར་རོ། །དེའང་རྩོད་པ་ཆེན་པོ་ལ་དཔང་པོས་གཉི་གའི་ངག་རྗེས་སུ་བརྗོད་ན་མི་འཁྲུགས་ཅིང་གྲུབ་མཐའི་གནད་ཡི་གེར་བྲིས་ན་བསྙོན་མི་ནུས་སོ། །ཞེས་འཇམ་མགོན་ས་པཎ་གྱི་རིགས་གཏེར་རང་འགྲེལ་ལས་སོ། ། འདིར་བསྟན་པའི་རྒོལ་བ་དང་། ཕྱིར་རྒོལ་བ་དང་། དཔང་པོ་གསུམ་གྱི་མཚན་ཉིད་ནི། གོ་རིམ་བཞིན་དུ། སྒྲུབ་བྱེད་འགོད་པ་དང་། སུན་འབྱིན་བརྗོད་པ་དང་། རྒྱལ་ཕམ་ཤན་འབྱེད་པར་ཁས་ལེན་པའི་གང་ཟག་གོ ། དེ་ལྟར་བཤད་པ་འདི་ཡང་། ཇི་སྐད་དུ། སྒྲུབ་པའི་ཡན་ལག་མི་བརྗོད་དང་། །སྐྱོན་མི་བརྗོད་པ་གཉིས་པོ་དག ། ཚར་བཅད་པ་ཡི་གནས་ཡིན་ཏེ། །ཞེས་གསུངས་པ་ལ་རྗེས་སུ་དཔགས་ནས། དེའི་ལོག་ཕྱོགས་དང་། གཞན་དོན་རྗེས་དཔག་འགོད་པའི་གང་ཟག་གསུམ་གྱི་དབང་དུ་བྱས་པ་ཡིན་གྱི། སྤྱི་ཙམ་ནས་ནི་མཚན་ཉིད་དེས་མ་ཁྱབ་པ་ཡིན་ཏེ། དམ་བཅའ་ཙམ་བཞག་ནས་སྒྲུབ་བྱེད་མི་འགོད་པའི་སྔ་རྒོལ་ཡང་སྲིད་ལ། སྔ་རྒོལ་གྱིས་བཞག་པའི་དམ་བཅའ་ཡང་དག་གི་སྒྲུབ་བྱེད་འདྲི་བར་བྱེད་ཅིང། སུན་འབྱིན་མི་བརྗོད་པའི་ཕྱིར་རྒོལ་ཡང་སྲིད་པའི་ཕྱིར། དེས་ན་འདི་ལྟར། ཕྱོགས་སྔ་མ་ཁས་ལེན་པའི་རྒོལ་བ་ནི། སྔ་རྒོལ་གྱི་མཚན་ཉིད་དོ། །ཕྱིར་རྒོལ་གྱི་མཚན་ཉིད་ནི། ཕྱོགས་ཕྱི་མ་འཛིན་པའི་རྒོལ་བའོ། །ཞེས་པཎ་ཆེན་ཤཱཀ་མཆོག་གི་སྡེ་བདུན་རོལ་མཚོ་ལས་སོ། །
Domain	ཚད་མ།