82534

རྫ་རི་བཀའ་བརྒྱུད་ (1)

Part of speech

མིང་ཚིག

Definition

རྒྱལ་སྲས་ཀུན་དགའ་བློ་གྲོས་ཏེ། སྒ་ཡི་གཡི་ལུང་མདའ་རུ་སྐུ་འཁྲུངས། རྒོད་ཚངས་པ་ཚུལ་ཁྲིམས་རྒྱལ་མཚན་ལས་རབ་ཏུ་བྱུང་ཞིང་གདམས་པ་རྫོགས་པར་མཛད། ཡོན་ཏན་ཁྱད་པར་ཅན་ཐུགས་ལ་འཁྲུངས། ཀརྨ་པ་འཛམ་གླིང་ཆོས་ཀྱི་གྲགས་པ་(འདི་ནི་ཀརྨ་པ་རོལ་པའི་རྡོ་རྗེ་ཡིན།)ཁྲོམ་ཆོས་གསུངས་ཤིང་བཞུགས་པར་མཇལ་དུ་བྱོན་པས། ཆོས་རྗེ་ཁྲི་ཁ་ནས་ལྡང་བ་མཛད་པས། དེ་རིང་སྒ་པའི་བན་དེ་བོང་རིང་བ་དེ་ལ་བཞེངས་པ་ཅི་ལགས་ཞུས་པས། དེའི་ཞབས་བཞག་སར་མེ་ཏོག་ཁྲམ་ལམ་ལམ་འཆར་བས་བྱང་ཆུབ་སེམས་དཔའ་ཞིག་ཏུ་གདའ་གསུངས་སྐད། དེས་དབྱི་མདའ་རུ་དགོན་བཏབ་ནས་གདུལ་བྱའི་དོན་མཛད། རབ་བྱུང་དྲུག་པའི་ནང་ཙམ་ལ་བྱོན། དེའི་སློབ་མ་རིན་ཆེན་དཔལ་ནི། ཆོས་རྗེ་རོལ་པའི་རྡོ་རྗེ་དང༌། ཀུན་དགའ་བློ་གྲོས་པ་གཉིས་ཀའི་སློབ་མ་ཡིན་ཞིང་ཡོན་ཏན་དཔག་ཏུ་མེད་པ་མངའ་སྟེ་སྒ་སྟོད་དུ་ཟུར་དགོན་བཏབ་ནས་འགྲོ་བའི་དོན་མཛད། རྒྱལ་མཚན་བློ་གྲོས་པ་ནི། གདུང་རུས་གླིང་ཚང་ཡིན་ཞིང༌། ཀུན་དགའ་བློ་གྲོས་པའི་དྲུང་དུ་ཁྲིད་དང་གདམས་པ་ཐམས་ཅད་རྫོགས་པར་ཞུས་ནས་བསྒོམ་པས། ཉམས་རྟོགས་ཀྱི་ཡོན་ཏན་དཔག་ཏུ་མེད་པ་དང་ལྡན་ཞིང༌། བླ་མའི་གདན་ས་ཞག་བདུན་མཛད་ནས། ཁམས་དབུས་གྲྭ་སྐོར་ལ་བྱོན་ཞིང་འབྲི་གུང་ནམ་མཁའ་སྒང་དུ་དགོན་པ་བཏབ་པས་གྲྭ་པ་རྣམས་ཀྱང་མཚམས་ལ་གནས་པ་ཤ་སྟག་བྱུང་སྟེ། མཚམས་པའི་མགོ་མཐོང་ན་བྲེ་གང༌། ལག་པ་མཐོང་ན་འདོང་གང་ལེན་ཞིང༌། མགོ་བྲེ་ལག་མདོང་གི་ཁྲིམས་བཅའ་ཡིག་མཛད་ནས་གདུལ་བྱ་རྣམས་སྨིན་གྲོལ་གྱི་ལམ་ལ་བཀོད་དོ། དེ་ནས་ལྕི་སྟོད་དུ་གནས་འཕོས་པའི་རི་ཕ་སྟོད་སྨད་བར་གསུམ་དུ་གྲགས་པ་སྟེ་དབོན་བརྒྱུད་དང་སྤྲུལ་བརྒྱུད་བྱུང་ཚུལ་ནི། རིམ་གཉིས་འཇམ་དབྱངས་གྲགས་པ། མཁས་གྲུབ་བཀྲ་ཤིས་དཔལ་འབྱོར། དངོས་གྲུབ་གཉིས་ཐོབ་མགོན་པོ་དབང་ཕྱུག། གྲུབ་ཐོབ་ཀརྨ་ཚེ་དབང༌། མཉམ་མེད་མགོན་པོ་གྲུབ་པ། ཀརྨ་དོན་འགྲུབ། ཀརྨ་ཆར་རྒྱུན། འདྲེན་མཆོག་ཀརྨ་བག་ཡོད། ཀརྨ་ལེགས་གྲུབ་གྲགས་པ། བསོད་ནམས་དོན་འགྲུབ། དཀོན་མཆོག་རྣམ་སྲས། དཀོན་མཆོག་ཆོས་འཁོར། ངག་དབང་དཀོན་མཆོག་བསྟན་རྒྱལ། དཀོན་མཆོག་ཚོགས་གཉིས་རྒྱ་མཚོ། དཔལ་འབྱོར་རྒྱ་མཚོ། ངག་དབང་ཕུན་ཚོགས་དར་རྒྱས། ཀརྨ་ཆོས་དབྱིངས་རྒྱལ་མཚན། ཀརྨ་ཐེག་མཆོག་རྒྱལ་མཚན། ཀརྨ་ཐུབ་བསྟན་རྒྱལ་པོ། དཀོན་མཆོག་བསྟན་འཛིན་ཕྲིན་ལས་ལྷུན་གྲུབ་ཀྱི་བར་དུ་བྱོན།

{{#arraymap:རྫ་རི་བཀའ་བརྒྱུད་

|; |@@@ | | }}