82731

རྫུ་འཕྲུལ་ལ་རྣམ་པར་འཕྲུལ་པ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ལས་བྱུང་བ་སྟེ། ༡ འདི་ལྟར་འཇིག་རྟེན་གྱི་ཁམས་བརྗོད་དུ་མེད་པའི་ཡང་བརྗོད་དུ་མེད་པ། རྡུལ་རབ་ཏུ་ཕྲ་བ་གཅིག་ཏུ་འཛུད་པའི་རྫུ་འཕྲུལ་ལ་རྣམ་པར་འཕྲུལ་བ། ༢ རྡུལ་ཤིན་ཏུ་ཕྲ་བ་གཅིག་ལ་ཆོས་ཀྱི་དབྱིངས་ཐམས་ཅད་དང་མཉམ་པའི་སངས་རྒྱས་ཀྱི་ཞིང་གཅིག་ཡོངས་སུ་སྟོན་པའི་རྫུ་འཕྲུལ་ལ་རྣམ་པར་འཕྲུལ་བ། ༣ རྒྱ་མཚོ་ཐམས་ཅད་ཀྱི་ཆུའི་ཕུང་པོ་ཆེན་པོ་བ་སྤུའི་ཁུང་བུ་གཅིག་ཏུ་བླགས་ཏེ། ཆོས་ཀྱི་དབྱིངས་དང་མཉམ་པའི་འཇིག་རྟེན་གྱི་ཁམས་སུ་འགྲོ་ཡང་སེམས་ཅན་ལ་གནོད་པར་མི་འགྱུར་བའི་རྫུ་འཕྲུལ་ལ་རྣམ་པར་འཕྲུལ་བ། ༤ འཇིག་རྟེན་གྱི་ཁམས་བརྗོད་དུ་མེད་པའི་ཡང་བརྗོད་དུ་མེད་པ་རང་གི་ལུས་སུ་བཙུད་དེ། བྱ་བ་ཐམས་ཅད་ཡོངས་སུ་སྟོན་པ་ལ་མཁས་པའི་རྫུ་འཕྲུལ་ལ་རྣམ་པར་འཕྲུལ་བ། ༥ ཁོར་ཡུག་དང་རྡོ་རྗེའི་རི་བསམ་གྱིས་མི་ཁྱབ་པ་ཐམས་ཅད་བ་སྤུའི་ཁུང་བུ་གཅིག་ཏུ་བྲེས་ཏེ། འཇིག་རྟེན་གྱི་ཁམས་ཐམས་ཅད་དུ་འགྲོ་ཡང་སེམས་ཅན་རྣམས་སྡང་བར་མི་འགྱུར་བའི་རྫུ་འཕྲུལ་རྣམ་པར་འཕྲུལ་བ། ༦ བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པ་བསྐལ་པ་གཅིག་ཏུ་བྱིན་གྱིས་བརླབས་ཏེ། བསྐལ་པ་གཅིག་ལ་བརྗོད་དུ་མེད་པ་ཡང་བརྗོད་དུ་མེད་པའི་བསྐལ་པ་འདུ་བ། འཇིག་པ་སྟོན་ཀྱང་སེམས་ཅན་ལ་གནོད་པར་མི་འགྱུར་བའི་རྫུ་འཕྲུུལ་ལ་རྣམ་པར་འཕྲུལ་བ། ༧ འཇིག་རྟེན་གྱི་ཁམས་ཐམས་ཅད་དུ་ཆུས་འཇིག་པ་ཡོངས་སུ་བསྟན་པ་དང་། མེ་དང་རླུང་གིས་འཇིག་པ་ཡོངས་སུ་བསྟན་ཀྱང་སེམས་ཅན་ལ་གནོད་པར་མི་འགྱུར་བའི་རྫུ་འཕྲུལ་ལ་རྣམ་པར་འཕྲུལ་བ། ༨ འཇིག་རྟེན་གྱི་ཁམས་ཐམས་ཅད་འཚིག་ཅིང་ཆུ་དང་། མེ་དང་རླུང་གིས་འཇིག་ཀྱང་ལོངས་སྤྱོད་དང་། ཉེ་བར་སྤྱོད་པ་ཐམས་ཅད་ཀྱིས་ཡོངས་སུ་གང་བར་བྱས་ཤིང་སེམས་ཅན་ལ་ཀུན་ཏུ་སྟོན་པའི་རྫུ་འཕྲུལ་ལ་རྣམ་པར་འཕྲུལ་བ། ༩ འཇིག་རྟེན་གྱི་ཁམས་བསམ་གྱིས་མི་ཁྱབ་པ་ལག་པའི་མཐིལ་གྱིས་བླངས་ཏེ། འཇིག་རྟེན་གྱི་ཁམས་བརྗོད་དུ་མེད་པའི་ཡང་བརྗོད་དུ་མེད་པར་བཀོད་ཀྱང་། སེམས་ཅན་ལ་གནོད་པར་མི་འགྱུར་བའི་རྫུ་འཕྲུལ་ལ་རྣམ་པར་འཕྲུལ་བ། ༡༠ ཞིང་ཐམས་ཅད་ནམ་མཁའི་རང་བཞིན་དུ་ཡོངས་སུ་བསྟན་པས། སེམས་ཅན་གྱིས་གོ་བར་བྱེད་པ་ནི་རྫུ་འཕྲུལ་ལ་རྣམ་པར་འཕྲུལ་བ་སྟེ། བཅུ་པོ་དེ་དག་ནི། བྱང་ཆུབ་སེམས་དཔའ་རྣམས་ཀྱི་རྫུ་འཕྲུལ་ལ་རྣམ་པར་འཕྲུལ་བའོ། །
Domain	ཆོས་ལུགས།