8281

གནོད་པ་བྱེད་པ་ལ་ཇི་མི་སྙམ་པའི་བཟོད་པ་ (1)

Part of speech	མིང་ཚིག
Definition	མདོ། ཕར་ཕྱིན། བཟོད་པའི་རབ་དབྱེ་གསུམ་ལས་གནོད་བྱེད་ལ་ཇི་མི་སྙམ་པ་དང་། སྡུག་བསྔལ་དང་དུ་ལེན་པ་དང་། ཆོས་ལ་ངེས་སེམས་ཀྱི་བཟོད་པ་རྣམས་ལས་དང་བོ་སྟེ། གནོད་པ་བྱེད་པ་ལ་ཇི་མི་སྙམ་པའི་བཟོད་པ་ལ། ཡུལ་དང། དུས་དང། རང་བཞིན་གསུམ་ལས། དང་པོ་ཡུལ་ནི། ཐོག་མར་གཉེན་ལ་བཟོད་པ་བསྒོམ། དེ་ནས་གྲོགས་ལ། དེ་ནས་ཐ་མལ་པ་རྣམས་ལ། དེ་ནས་དགྲ་རྣམས་ལ་བཟོད་པ་བསྒོམ་པ་ལ་བསླབ། །གཉིས་པ་དུས་ལ་བསླབ་པ་ནི། ཐོག་མར་ཉི་མ་ཕྱེད་ཚུན་ཆད་སུས་གནོད་པ་བྱས་ཀྱང་བཟོད་པ་མི་བྱེད་རི་ཞེས་མི་སྐྱས་མནའ་བསྐྱལ་ལའང་བཟོད་པ་བསྒོམ། དགེ་སྦྱོང་གིས་མནའ་དོར་བར་མི་བྱ་ཞེས་འདུལ་བ་ལས་འབྱུང་བས་རབ་ཏུ་བྱུང་བ་རྣམས་ཀྱིས་དཀོན་མཆོག་གི་དྲུང་དུ་དམ་བཅས་ལ་བཟོད་པ་བསྒོམ། དེ་ནས་ཉི་མ་གཅིག་དང། ཞག་གཅིག་དང། ཟླ་བ་ཕྱེད་དང། ཟླ་བ་གཅིག་དང་། ལོ་གཅིག་ལ་སོགས་ལ་དུས་བསྲིངས་ཤིང་བཟོད་པ་བསྒོམ་མོ། །གསུམ་པ་རང་བཞིན་ནི། སེམས་ཅན་ཐམས་ཅད་གཉེན་ཡིན་པའི་ཕྱིར་ཡང་བཟོད་པ་བསྒོམ་སྟེ། སློབ་དཔོན་འཕགས་པས། མ་ཡི་གྲངས་ནི་རྒྱ་ཤུག་ཚིག་གུ་ཙམ། །རིལ་བུ་བགྲངས་ཀྱང་ས་ཡིས་ལང་མ་ཡིན། །ཞེས་དང། དགྲ་མེད་ན་བཟོད་པ་མི་འབྱུང་བས། དགྲ་མཐོང་ན་བདག་གི་བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ་སྙམ་དུ་དགའ་བ་བསྒོམ། ལས་ངན་འཛད་པའི་རྐྱེན་ཡིན་པའི་ཕྱིར་ཡང་བཟོད་པ་བསྒོམ་སྟེ། སྤྱོད་འཇུག་ལས། གསད་བྱའི་མི་ཞིག་ལག་བཅད་དེ། །གལ་ཏེ་ཐར་ན་ཅིས་མ་ལེགས། །དེ་བཞིན་མི་ཡི་སྡུག་བསྔལ་གྱིས། །དམྱལ་བ་བྲལ་ན་ཅིས་མ་ལེགས། །ཞེས་གསུངས་པས་གསད་དགོས་ཀྱི་མི་བརྡུང་བཏགས་བྱས་པའམ། ལག་པ་བཅད་ནས། སྲོག་མ་བཅད་ན་དགའ་བ་ལྟར་གནོད་པ་འདིས་ངན་སོང་དུ་སྐྱེ་བའི་ལས་ཟད་ནས་དེ་དག་ཏུ་སྐྱེ་བར་མི་འགྱུར་རོ་སྙམ་དུ་དགའ་བ་བསྒོམ་མོ། །ཞེས་ཆོས་རྗེ་ས་པཎ་གྱི་ཐུབ་པ་དགོངས་གསལ་ལས།
Domain	ཆོས་ལུགས།