82869

རྫོགས་ལྕམ་དགོན་ (1)

Part of speech

མིང་ཚིག

Definition

རབ་བྱུང་བཅུ་གསུམ་པའི་ཤིང་ཕོ་སྟག་ཕྱི་ལོ ༡༧༩༤ ལོར་ལྷའུ་བསོད་ནམས་དབང་ཕྱུག་གིས་ཕྱག་བཏབ། དམ་པ་འདི་ཉིད་ཚོགས་གཉིས་ཀྱི་སློབ་མ་ཡིན་པས་ཚོགས་གཉིས་ལུགས་ཤས་ཆེ་ཡང་། ལྷའུ་སྐུ་ཕྲེང་གཉིས་པ་མཆོག་བླ་མ་ལྷ་ཚེའི་སློབ་མ་མཛད་ཅིང་ཡེལ་ལུགས་ཀྱི་འདོན་གདང་དབྱངས་གསུམ་གྱིས་མཚོན་པའི་ཡེལ་ལུགས་ཀྱི་ཆོས་བཀའ་ལ་བསླབས་ཏེ་ཡེལ་པ་བཀའ་བརྒྱུད་ཀྱི་ཆོས་བརྒྱུད་འཛིན་པ་ནས་བཟུང་ད་ལྟའི་བར་དུ་ཡང་ཆོས་རྒྱུད་མ་ཉམས་པར་བཞུགས། གནས་ཡུལ་ནང་ཆེན་ལྕི་ཆུ་ཤོག་ཀ་གཟེ་སྟོད་གྲོང་དུ་ཡོད།