82906

རྫོང་འཕྲང་སྲོག་གསུམ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། རྫོང་འཕྲང་སྲོག་གསུམ་ནི་གསང་སྔགས་རྡོ་རྗེ་ཐེག་པའི་ལྟ་སྒོམ་སྤྱོད་གསུམ་སྟེ། ལྟ་བའི་རྫོང་ཟིན། སྒོམ་པའི་འཕྲང་བགྲོད། སྤྱོད་པས་སྲོག་འཕྲོག་པ་གསུམ་མོ། །དེ་ཡང་། བཀའ་བརྒྱད་རྣམ་བཤད་ལས། བསླབ་པའི་མཐའ་བཅུའམ་དྲུག་ཏུ་བསྟན་པའི་ཚུལ་གྱིས་སྒྲུབ་པ་ཆེན་པོ་བརྒྱད་ཀྱི་དགོངས་དོན་ལ་འཇུག་ཚུལ་དེ་ཡང་གནད་བསྡུས་ན་རྫོང་འཕྲང་སྲོག་གསུམ་གྱི་ཉམས་ལེན་ལ་འདུ་བས་དེ་མདོ་ཙམ་བཤད་ན། རྫོང་ནི་ལྟ་བ་ཡིན་ཏེ་ལྟ་བ་གདིང་ལྡན་གྱི་རྫོང་ཟིན་ན་གང་ལས་ཀྱང་མི་འཇིགས་པར་རང་ཉིད་གཏན་སྲིད་ཟིན་པའི་ཕྱིར་རོ། །ལྟ་བའི་རྫོང་འཛིན་པ་ལ། སྒོམ་པའི་འཕྲང་ནས་དེར་བགྲོད་དགོས་ཏེ། ལྟ་ཐོག་ཏུ་མྱོང་བས་མ་སླེབས་ན་གོ་ཡུལ་ཙམ་གྱིས་མི་ཕན་པས་སྒོམ་པའི་འཕྲང་བགྲོད་ནས་ལྟ་བའི་རྫོང་དུ་ཕྱིན་པར་བྱེད་དགོས་སོ། །དེས་ན་ལྟ་དོན་བཞིན་བསྒོམ་པ་གལ་ཆེ་སྟེ། མ་བསྒོམས་པར་འཚང་རྒྱ་བ་ནི་རྡོ་རྗེ་སེམས་དཔས་ཀྱང་མ་གསུངས་སོ་ཞེས་གདམས་པ་ཡིན་ནོ། །སྒོམ་པའི་འཕྲང་ལས་ལྟ་བའི་རྫོང་ཟིན་ཏེ་སྤྱོད་པའི་སྒོ་ནས་སྲོག་ཕྲོག་པས་འཁོར་འདས་ཀྱི་ཆོས་ཀུན་ལ་དབང་བསྒྱུར་བ་ཐོབ་པས་ན་དེ་ལྟ་བུ་ནི་རྣལ་འབྱོར་དབང་ཕྱུག་ཆེན་པོའི་དགོངས་པ་ཞེས་བྱའོ། །ཞེས་གསུངས།
Domain	ཆོས་ལུགས།

རྫོང་འཕྲང་སྲོག་གསུམ་ (2)

Part of speech	མིང་ཚིག
Definition	བདག་ཉིད་ལྷའི་རྣལ་འབྱོར་དུ་གསལ་ཐེབ་པ་བསྐྱེད་རིམ་གྱི་རྫོང་། སྣང་སྟོང་ཟུང་དུ་འཇུག་པ་ཆོས་ཉིད་འདུས་མ་བྱས་ཀྱི་གནས་ལུགས་ནི་རྫོགས་རིམ་གྱི་སྲོག བྱིང་རྒོད་དང་དམན་པའི་སེམས་སོགས་གཉིས་ཀའི་འཕྲང་རྣམས་བསལ་བ་ལ་ཀུན་ཏུ་བཟང་པོའི་སྤྱོད་པ་ཞེས་དེ་ལྟར་བཞེད་དོ། །ཞེས་གསུངས་སོ། །