83046

རླུང་ (1)

Part of speech	མིང་ཚིག
Definition	ས་ངོས་ལ་ཉེ་བར་གཡོ་འགུལ་བྱེད་པའི་མཁའ་དབུགས་སམ། ང་ཚོས་རྔུབ་བཞིན་པའི་མཁའ་དབུགས།
Example	རླུང་འཚུབ་ཀྱིས་ཐལ་རྡུལ་གཙུབ་ཅེས་པ་ལྟ་བུ།

རླུང་ (2)

Part of speech	མིང་ཚིག
Definition	འཚིག་པ་དང་། ཁྲོ་བའི་དོན།
Example	རླུང་ལངས་ནས་ཚིག་རྩུབ་སྣ་ཚོགས་བཤད་ཅེས་དང་། རླུང་མ་ལངས་ཞེས་པ་ལྟ་བུ།

རླུང་ (3)

Part of speech	མིང་ཚིག
Definition	འབྱུང་བ་རླུང་དང་ནམ་མཁའི་ཁམས་ལས་བྱུང་བའི་ལུས་ཀྱི་ཆ་ཤས་ཡོངས་ལ་ཟེར་ཞིང་ཁམས་ཀྱི་རང་བཞིན་དང་ཆོས་མཚུངས་པའི་མཚན་ཉིད་དྲུག་དང་ལྡན་པ། ཡུལ་ལུས་སྨད་ཀྱི་དཔྱི་སྐེད་ལ་གནས་ཤིང་རྣམ་པར་མ་གྱུར་ན་དབུགས་འབྱིན་རྔུབས་དང༌། ལས་ལ་བསྐྱོད་པ། ཤུགས་འབྱིན་པ། ཁྲག་ལ་སོགས་པའི་དྭངས་མ་རྣམས་རང་རང་གི་གནས་སུ་སྐྱེལ་བ། མིག་ལ་སོགས་པའི་དབང་པོ་གསལ་བ། སེམས་ཀྱི་བྱ་བ་རྗེས་སུ་འཛིན་པ་སོགས་ཀྱི་བྱ་བ་བྱེད་ཅིང་གཞན་དུ་རྣམ་པར་གྱུར་ན་སྲོག་རྩ་དཀར་ནག་གི་ཆར་གཏོགས་པའི་ནད་ཀུན་ཀྱང་འདི་ལས་བྱུང་བ་ཡིན།
Example	ཕོ་རླུང༌། སྙིང་རླུང༌། འོག་རླུང༌། ཁྲག་རླུང༌ཞེས་པ་ལྟ་བུ།
Domain	གསོ་རིག

རླུང་ (4)

Part of speech	མིང་ཚིག
Definition	རྩ་ཐིག་རླུང་གསུམ་གྱི་ཟླས་ཕྱེ་བའི་རླུང་སྟེ། ལུས་ཀྱི་རྩ་ཐམས་ཅད་དུ་ཁྱབ་པའི་འབྱུང་ལྔའི་རང་བཞིན་ཅན། མི་ཤིགས་པ། ཆ་ཤས་ཀུན་ཚང་བ། དེ་ཉིད་གཡོ་བའི་ཆ་ནས་རླུང་ཞེས་བྱའོ། །
Domain	ཆོས་ལུགས།

རླུང་ (5)

Part of speech	མིང་ཚིག
Definition	ནུབ་བྱང་བར་གྱི་མཚམས་ཀྱི་མིང་སྟེ། རླུང་ལྷ་ནུབ་བྱང་བར་གྱི་མཚམས་སུ་གནས་པས་ནའོ། །
Type	མངོན་བརྗོད།